გურჯაანის მერიამ ტურიზმის განვითარეის სამოქმედო გეგმა შეიმუშავაგურჯაანის მუნიციპალიტეტის მერიამ გერმანელ ექსპერტს - პეტერ შულცეს უმასპინძლა და საგარეო ურთიერთობების, საერთაშორისო პროექტების და ტურიზმის განყოფილებასთან ერთად, გურჯაანის ტურიზმის განვითარების სამოქმედო გეგმა შეიმუშავა.

გერმანელმა ექსპერტმა შეისწავლა მუნიციპალიტეტის ტურისტული პოტენციალი, მოინახულა ისტორიული და კულტურული ძეგლები და დაათვალიერა სოფლები.

სამ კვირიანი ანალიზის საფუძველზე, ექსპერტის განცხადებით გურჯაანს დიდი პოტენციალი გააჩნია, როგორც ღვინის ტურიზმის, ასევე ეკოტურიზმის, აგროტურიზმის, არქეოლოგიური, სათავგადასავლო და ექსტრემალური ტურიზმის მიმართულებით.



 
სპექტაკლი "კაცია-ადამიანი?!" გურჯაანის კულტურის ცენტრშიდღეს, გურჯაანის კულტურის ცენტრის სცენაზე ინტეგრირებულმა თეატრმა „აზდაკის ბაღი“ წარმოდგენა - „კაცია-ადამიანი?!“ გამართა.
თეატრალური დასი გურჯაანს, ბავშვთა საერთაშორისო დღესთან დაკავშირებით, მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის მოწვევით ესტუმრა.
 
ბავშვთა დაცვის საერთაშორისო დღე გურჯაანშიდღეს, გურჯაანში, კურორტ "ახტალას" ტერიტორიაზე, გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ორგანიზებით, ბავშვთა საერთაშორისო დღე აღინიშნა.
მოწვეულმა ანიმატორების ჯგუფმა, პატარებისთვის გასართობი შოუ-პროგრამა წარმოადგინა, ასევე მოეწყო სხვადასხვა გასართობი ზონა. გაიმართა სახეზე მოხატვა, სამაგიდო თამაშები, შეჯიბრებები, ასფალტზე ხატვა, საპნის ბუშტების და ფერების შოუ.
 
გურჯაანის კულტურის ცენტრში, საქართველოს დამოუკიდებლობის 100 წლის იუბილესთან დაკავშირებით, ნიკოლოზ ხომასურიძის ფილმის „ექვთიმე ღვთისკაცი “ საპრემიერო ჩვენება გაიმართაგურჯაანის კულტურის ცენტრში, საქართველოს დამოუკიდებლობის 100 წლის იუბილესთან დაკავშირებით, ნიკოლოზ ხომასურიძის ფილმის „ექვთიმე ღვთისკაცი “ საპრემიერო ჩვენება გაიმართა.

ფილმი მაყურებელს თავად რეჟისორმა ნიკოლოზ ხომასურიძემ წარუდგინა და ისაუბრა იმის შესახებ თუ როგორ იქმნებოდა ფილმი, 3 წლის განმავლობაში, ხალხის დახმარებით.

ფილმში მთავარ როლს, რეზო ჩხიკვიშვილი ასრულებს ფილმის სიუჟეტი კი, 1920-იანი წლების საქართველოს უკავშირდება, როდესაც ჩვენს ქვეყანაში საბჭოთა არმია შემოიჭრა, ხოლო მთავრობის გადაწყვეტილებით სახაზინო ქონება და სამუზეუმო განძი შეიკრიბა და მათ ემიგრაციაში საფრანგეთში წასვლა მოუწიათ. სამუზეუმო განძის შეკრება კი ექვთიმე თაყაიშვილს დაავალეს და მის მცველად დანიშნეს.
 
თელავში, პროექტის „სპორტი ბარიერების გარეშე“ სპრინტში 60 მეტრ დისტანციაზე რეგიონიული შეჯიბრი გაიმართა, რომელშიც გამარჯვება გურჯაანელმა მოსწავლეებმა მოიპოვეს.

გოგონებში გამარჯვებული ქ.გურჯაანის მე-2 საჯარო სკოლის მოსწავლე ქეთევან მოდებაძე გახდა, ხოლო ბიჭებს შორის გამარჯვება ჩუმლაყის საჯარო სკოლის მოსწავლემ ნიკა ქართლელიშვილმა მოიპოვა.
 
დღეს, გურჯაანში, კულტურის ცნეტრში, 17 :00 საათზე ფილმის „ექვთიმე ღვთისკაცი“ ჩვენება გაიმართება.
ფილმში მთავარ როლს, რეზო ჩხიკვიშვილი ასრულებს.
ფილმის სიუჟეტი კი, 1920-იანი წლების საქართველოს უკავშირდება, როდესაც ჩვენს ქვეყანაში საბჭოთა არმია შემოიჭრა, ხოლო მთავრობის გადაწყვეტილებით სახაზინო ქონება და სამუზეუმო განძი შეიკრიბა და მათ ემიგრაციაში საფრანგეთში წასვლა მოუწიათ. სამუზეუმო განძის შეკრება კი ექვთიმე თაყაიშვილს დაავალეს და მის მცველად დანიშნეს.
ფილმის სიუჟეტი ექვთიმე თაყაიშვილის (მსახიობი - რეზო ჩხიკვიშვილი) ურთულეს ცხოვრებასა და მოღვაწეობას ეხება, რომელიც ძირითადად მოიცავს მის მიერ 39 ყუთში განთავსებული საგანძურის დაცვისა და მისი დაბრუნების ისტორიას საფრანგეთში ემიგრაციის პერიოდში, 1921-1945 წლებში. ფილმს თან გასდევს ექვთიმესა და მისი ულამაზესი მეუღლისა და თანამებრძოლის ნინო პოლტორაცკაიას (მსახიობი - ანა წერეთელი) სიყვარულის ამბავი.

ფილმის ჩვენება საქართველოს დამოუკიდებლობის 100 წლის იუბილეს ეძღვნება.

დასწრება თავისუფალია.
 
გურჯაანის საფეხბურთო გუნდმა „ ალაზანმა“ მორიგი გამარჯვება მოიპოვა.

გურჯაანელმა ფეხბურთელებმა „ღია ლიგის“ გათამაშების მე-7 ტურში ძლიერი მეტოქე ცხინვალის გუნდი დაძაბულ ბრძოლაში 2:1 დაამარცხეს და გუნდი კვლავ 18 ქულით სატურნირო ცხრილის სათავეშია.

აღსანიშნავია, რომ მიმდინარე გათამაშებაში გუნდს 6 მოგება და მხოლოდ 1 წაგებაა აქვს. „ალაზანი“ პირველი წრის ბოლო შეხვედრას 12 ივნისს სტუმრად ითამაშებს.
 
1 ივნისს, 13:00 საათიდან, გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახური, გიწვევთ კურორტ “ახტალას“ ტერიტორიაზე ბავშვთა საერთაშორისო დღის აღსანიშნავად.

მოწვეული ანიმატორების ჯგუფი, თქვენი პატარებისთვის, გასართობ შოუ-პროგრამას წარმოადგენს, ასევე მოეწყობა ოცამდე გასართობი ზონა.

გაიმართება სახეზე მოხატვა, სამაგიდო თამაშები და შეჯიბრებები.

17:00 საათზე კულტურის ცენტრში ინტეგრირებული თეატრალური დასი „აზდაკის ბაღი“ გამართავს წარმოდგენას „კაცია-ადამიანი?!“.

დასწრება თავისუფალია!
 

დღეს, გურჯაანის მუნიციპალიტეტის სოფელ ჩალაუბნის საჯარო სკოლას, ცნობილმა ქართველმა ტანმოვარჯიშემ ქეთი ხატიაშვილმა საჩუქრები გადასცა. მან საზოგადოებრივი მაუწყებლის სატელევიზიო პროექტში „ხართ თუ არა მე-6 კლასელზე ჭკვიანი “ მიიღო მონაწილეობა და მოგებული თანხით მიკროსკოპი, პორტატული პერსონალური კომპიუტერი, სპორტული ინვენტარი და სხვა საჭირო ნივთები შეიძინა და ჩალაუბნის საჯარო სკოლას გადასცა.

ბავშვებს საჩუქრები ქეთი ხატიაშვილმა პროექტის ავტორებთან ერთად თავად ჩამოუტანა, რომლის გადაცემასაც გურჯაანის მუნიციპალიტეტის მერი არჩილ ხანდამაშვილი, მერიის კულტურის, განათლების, სპორტის და ახლგაზრდულ საქმეთა სამსახურის უფროსი ეკა ცისკარაშვილი და გურჯაანის საგანმანათლებლო რესურსცენტრის ხელმძღვანელი დალი მინდიაშვილი დაესწრნენ.

„ დიდი მადლობა ქეთი ხატიაშვილს ასეთი საჩუქრებისთვის. მადლობა იმისთვისაც, რომ სწორედ ეს სკოლა შეარჩია. ვნახეთ როგორი გახარებულები არიან ბავშვები. ჩალაუბნის საჯარო სკოლამ მიიღო სწორედ ის ინვენტარი რაც მათ სჭირდებოდათ და ბავშვებს აუცილებლად გამოადგებათ. “ განაცხადა გურჯაანის მუნიციპალიტეტის მერმა არჩილ ხანდამაშვილმა.
 
გურჯაანის მუნიციპალიტეტის სოფელ კაჭრეთში, სასტუმრო „ამბასადორში“ საჯარო სკოლებს შორის ინტელექტუალური თამაშის „ რა? სად? როდის?“ საგაზაფხულო, მე-12 სერიის ფინალური ტური გაიმართა.
ფინალში 5 გუნდი მონაწილეობდა, რომლებმაც 4 ტურის შემდეგ 17 გუნდს შორის საუკეთესო ქულები დააგროვეს. საგაზაფხულო, მე-12 სერიის გამარჯვებული და სპეციალური პრიზის „ბროლის ბუ“-ს მფლობელი ქ.გურჯაანის მე-2 საჯარო სკოლის გუნდი "კრეაწივი" გახდა. გამარჯვებული გუნდის წევრებს საჩუქრად გურჯაანის სპორტკომპლექსის საცარუო აუზის აბონემენტები, წიგნები და სერტიფიკატები გადაეცათ. გუნდის კაპიტანს - ნიკა ქურთიაშვილს კი გურჯაანის მაჟორიტარმა დეპუტატმა დავით სონღულაშვილმა საჩუქრად ბაქოს ორკაციანი საგზური გადასცა.