გურჯაანში ორ საბავშვო ბაღს სრულმასშტაბიანი რეაბილიტაცია ჩაუტარდაქ. გურჯაანში #2 და #3 რეაბილიტირებული საბავშვო ბაღები გაიხსნა. გახსნის ცერემონიალს კახეთის გუბერნატორი ირაკლი შიოლაშვილი, გურჯაანის მუნიციპალიტეტის გამგებელი გია გერგიძე და საკრებულოს თავმჯდომარე ვანო ბერიძიშვილი დაესწრნენ.
#2 საბავშვო ბაღის რეაბილიტაციისთვის ადგილობრივი ბიუჯეტიდან 213177 ლარი დაიხარჯა, ხოლო #3 საბავშვო ბაღის რეაბილიტაციისთვის _ 199990 ლარი. #3 საბავშვო ბაღი რეგიონებში განსახორილებელი პროექტების ფარგლებში დაფინანსდა.
ორივე ბაღის ინფრასტრუტურა, თანამედროვე სტანდარტების შესაბამისად მოეწყო.
 
"ელკანამ" კახეთში საგრანტო პროგრამა დაიწყობიოლოგიურ მეცნიერებათა ასოციაცია "ელკანა" ახორციელებს პროექტს "საქართველოს ტურიზმის სექტორში ჩართული ღარიბი თემებისა და მიკრომეწარმეების შესაძლებლობების გაზრდა. პროექტის მიზანია კახეთსა და იმერეთში სამუშაო ადგილების შექმნა.
აღნიშნული პროექტის ფარგლებში დღეს "ელკანას" წარმომადგენლებმა გურჯაანის მუნიციპალიტეტშ შეხვედრა გამართეს დაინტერესებულ მოქალაქეებთან.
აღნიშნული პროექტის შესახებ ინფორმაციის მიღება შესაძლებელია შემდეგ ელ-ფოსტაზე: epc-kakheti@elkana.org.ge ან ტელეფონზე 599530319 599582010 ან 591195519
 
გივი ხუციშვილს აგროდაზღვევის ფარგლებში ზარალი აუნაზღაურესკახეთის რეგიონში ,,აგროდაზღვევის პროგრამაში“ ჩართული ბენეფიციარებისთვის მიმდინარე წლის ივნისში, სეტყვის შედეგად მიყენებული ზარალის აუნაზღაურება დაიწყო.
სოფლის მეურნეობის პროექტების მართვის სააგენტოს „აგროდაზღვევის პროგრამის“ მენეჯერი ლევან მაღრაძე, სადაზღვევო კომპანია "ალდაგის" წარმომადგენელი ვახტანგ ებიტაშვილი და კახეთის რეგიონის გუბერნატორის მოადგილე გივი მეტრეველი გურჯაანის მუნიციპალიტეტში დაზარალებულ დავით ხუციშვილს შეხვდნენ და სეტყვის შედეგად განადგურებული ატმის ნაკვეთები დაათვალიერეს.
წყალდიდობის შედეგად, სოფელ კალაურის მკვიდრს, დავით ხუციშვილის ატმის ბაღის 72% მთლიანად გაუნადგურდა და მიყენებულმა ზარალმა 16,500 ლარი შეადგინა. აგროდაზღვევის პროექტის ფარგლებში, სადაზღვევო კომპანია ,,ალდაგი“ ფერმერს ზარალს სრულად აუნაზღაურებს. დავით ხუციშვილი სოფლის მეურნეობის პროექტების მართვის სააგენტოს „აგროდაზღვევის პროგრამაში“ 2014 წლის 30 სექტემბერს ჩაერთო და 1,8 ჰა ფართობის ატმის ბაღი დააზღვია. სადაზღვევო პრემიამ შეადგინა 2,295 ლარი, საიდანაც სოფლის მეურნეობის პროექტების მართვის სააგენტომ 2,160 ლარი დაფარა.
სოფლის მეურნეობის პროექტების მართვის სააგენტოს „აგროდაზღვევის პროგრამაში“ კახეთის რეგიონში 4 ათასზე მეტი ბენეფიციარი ჩაერთო, აქედან 1656 გურჯაანის მუნიციპალიტეტში მცხოვრები ფერმერია. მიმდინარე წლის ზაფხულში ჭარბი ნალექის შედეგად აგროდაზღვევის პროგრამაში ჩართული 72 ბენეციარი დაზარალდა. სადაზღვევო კომპანიების მიერ თითოეული მათგანის დაზიანებული სავარგულები შემოწმებულია და ზარალი 331 178 ლარ-ზე მეტს შეადგენს. პროგრამის ბენეფიციარებს ზარალის თანხა სრულად აუნაზღაურდებათ.
საქართველოს მასშტაბით „აგროდაზღვევის პროგრამის“ ფარგლებში გაცემულია 26,625 პოლისი. სახელმწიფოს მხრიდან სადაზღვევო პრემიის სუბსიდიის თანხამ შეადგინა 13,418,205 ლარი. დაზღვეულია 22,844.3 ჰა ფართობი სასოფლო-სამეურნეო სავარგული, ხოლო დაზღვეული მოსავლის ღირებულებამ ჯამში 186,676,471 ლარი შეადგინა.
ჭარბი ნალექისა და სეტყვის შედეგად დაზარალდა 8,008 ბენეფიციარი, ასანაზღაურებელი თანხა პირველადი შეფასებით 9.5 მილიონ ლარს შეადგენს. პარალელურ რეჟიმში მიმდინარეობს ზარალის შეფასება და თანხის ჩარიცხვა.
 
გურჯაანის საკალათბურთო გუნდი "ჰერეთის თასის" მფლობელი გახდა27 აგვისტოს ლაგიდეხში ჩატარდა ტრადიციული ტურნირი ქუჩის კალათბურთში(Streetball), ჰერეთის თასზე. ტურნირი ოლიმპიური სისტემით ჩატარდა და მასში 20 გუნდი მონაწილეობდა. ჰერეთის თასის მფლობელი და ტურნირის გამარჯვებული გურჯაანის საკალათბურთო გუნდი გახდა.
გუნდის შემადგენლობაში შედიოდნენ: შოთა მახარაშვილი, გიგა ლოლაძე, გიორგი ჯაჭვაძე და ლუკა გიორგაძე.
 
ელექტრონულ აუქციონზე გასაყიდად გამოტანილი იქნება მუნიციპალიტეტის
საკუთრებაში არსებული შენობა-ნაგებობები:

a) სოფელ კოლაგში მდებარე შენობა-ნაგებობა, (ყოფილი კულტურის სახლის შენობა). შენობის საერთო ფართია _ 548,6 კვმ, მიმაგრებული არასასოფლო-სამეურნეო დანიშნულების მიწის ნაკვეთი _ 1587,0 კვმ; საკადასტრო კოდი _ 51.13.55.056. საწყისი საპრივატიზაციო ფასი _ 82 427 (ოთხმოცდა ორი ათას ოთხას ოცდა შვიდი) ლარი.(შენობის ღირებულება _ 71 318 (სამოცდა თერთმეტი ათას სამას თვრამეტი) ლარი, მიწის ღირებულება _ 11 109 (თერთმეტი ათას ას ცხრა) ლარი. „ბე“ საწყისი ფასის 30% _ 24 728 (ოცდა ოთხი ათას შვიდა ოცდა რვა) ლარი. სავაჭრო ბიჯი 5% _ 4 122 (ოთხი ათას ას ოცდა ორი) ლარი.
ობიექტის აღწერილობა:
შენობა ამორტიზირებულია. სახურავი დაზიანებულია და ცამოედინება ბუნებრივი
ნალექი, რის შედეგადაც დაზიანებული ჭერი და კედლები. შენობას კარ-ფანჯარა არ გააჩნია.


b) სოფელ კოლაგში მდებარე შენობა-ნაგებობა, (ყოფილი საზოგადოებრივი მეურნეობის ადმინისტრაციული შენობა). შენობის საერთო ფართია _ 301,89 კვმ, მიმაგრებული არასასოფლო-სამეურნეო დანიშნულების მიწის ნაკვეთი _ 2362,0 კვმ; საკადასტრო კოდი _ 51.13.55.064. საწყისი საპრივატიზაციო ფასი _ 53 418 (ორმოცდა ცამეტი ათას ოთხას თვრამეტი) ლარი.(შენობის ღირებულება _ 39 246 (ოცდა ცხრამეტი ათას ორას ორმოცდა ექვსი) ლარი, მიწის ღირებულება _ 14 172 (თოთხმეტი ათას ას სამოცდა თორმეტი) ლარი. „ბე“ საწყისი ფასის 30% _ 16 025 (თექვსმეტი ათას ოცდა ხუთი) ლარი. სავაჭრო ბიჯი 5% _ 2 671 (ორი ათას ექვსას სამოცდა თერთმეტი) ლარი.
ობიექტის აღწერილობა:
შენობა-ნაგებობა ამორტიზებულია.სახურავი დაზიანებული. ჩამოედინება ბუნებრივი
ნალექი რის შედეგადაც დაზიანებულია ორივე სართულის ჭერი. შენობას კარ-
ფანჯარა არ გააჩნია


_______________________________________________________________

_ ინტერნეტ აუქციონში მონაწილეობის მისაღებად „ბე"-ს გადახდა შესაძლებელია ნაღდი
ანგარიშსწორებით სს „ლიბერთი ბანკში" და ვებ-გვერდიდან პლასტიკური ბარათით.
_ ელ. აუქციონის ფორმით ქონების პრივატიზებისას, ელ. აუქციონში გამარჯვებულს
გადაეცემა გამარჯვების დამადასტურებელი ოქმი, (შემდგომში ოქმი).
_ ელ. აუქციონში გამარჯვებულმა, 30 კალენდარული დღის ვადაში უზრუნველყოს ქონების
ღირებულების სრულად გადახდა სახაზინო კოდზე _ 300503313.

_ 30 კალენდარული დღის ვადაში ქონების ღირებულების გადაუხდელობის შემთხვევაში
უქმდება აუქციონის შედეგები.
_ ქონების ღირებულების სრულად გადახდის შემდეგ გამარჯვებულზე გაიცემა საკუთრების
უფლების მოწმობა და აუქციონატორსა და აუქციონში გამარჯვებულს შორის გაფორმდება
წერილობითი ნასყიდობის ხელშეკრულება (შემდგომში ხელშეკრულება).
_ ქონების დათვალიერება შესაძლებელია მესაკუთრესთან შეთანხმებით.

_ ელექტრონულ აუქციონის დაწყება/დასრულების დროა 17.08.2015 12:00 _ 01.09.2015 17:00

_დამატებითი ინფორმაციისათვის შეგიძლია დაგვიკავშირდეთ _ 595 37 72 60. 599 85 22 43.
ასევე, სააგენტოს ცხელ ხაზზე _ (+995)32 2601 601.



გურჯაანის მუნიციპალიტეტი

 
ელექტრონულ აუქციონზე გასაყიდად გამოტანილი იქნება მუნიციპალიტეტის
საკუთრებაში არსებული შემდეგი უძრავი ქონება:

ა) არასასოფლო-სამეურნეო დანიშნულების მიწის ფართები:

1. ქ. გურჯაანში თავისუფლების ქუჩაზე მდებარე 93,0კვმ არასასოფლო-სამეურნეო
დანიშნულების მიწის ნაკვეთი, საკადასტრო კოდი _ 51.01.60.416. საწყისი საპრივატიზაციო ფასი _
1395 (ერთი ათას სამას ოთხმოცდა თხუთმეტი) ლარი. ბე _ საწყისი ფასის 30% _ 419 (ოთხას
ცხრამეტი) ლარი. სავაჭრო ბიჯი 5% _ 84 (ოთხმოცდა ოთხი) ლარი.
ობიექტის აღწერილობა
მიწის ნაკვეთი მდებარეობს ქ. გურჯაანის ცენტრალურ ნაწილში. ფართი თავისუფალია.
 
ახალი გზა ნატო ვაჩნაძის სახლ-მუზეუმამდესოფელ გურჯაანში ნატო ვაჩნაძის სახლ-მუზეუმამდე მისასვლელი გზის მოასფალტება მიმდინარეობს. პროექტის მიხედვით ახალი ასფალტი დაიგება თბილისი-თელავის ცენტრალური მაგისტრალიდან სახლ-მუზეუმამდე მისასვლელ 572 მეტრი სიგრძის გზაზე.
სამუშაოებს შ.პ.ს "გზამშენი 2005" აწარმოებს.
 
ტრენინგი მიგრაციისა და ევროკავშირთან უვიზო მიმოსვლის საკითხებზე
30 ივლისს გურჯაანის იუსტიციის სახლში ადგილობრივი თვითმმართველობის საჯარო მოხელეებისთვის, საინფორმაციო შეხვედრა მოეწყო მიგრაციის და ევროკავშირთან უვიზო მიმოსვლის საკითხებზე. მომხსენებლები სახელმწიფო მინისტრის აპარატის ევროპულ და ევროატლანტიკურ სტრუქტურებში ინტეგრაციის საკითხებში, მიგრაციის პოლიტიკის განვითარების საერთაშორისო ცენტრის (ICMPD), მიგრაციის საკითხთა სამთავრობო კომისიის სამდივნოს, საგარეო საქმეთა სამინისტროს, სახელმწიფო სერვისების განვითარების სააგენტოს, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს, და შინაგან საქმეთა სამინისტროს წარმომადგენლები იყვნენ.
შეხვედრა კითხვა-პასუხის რეჟიმში წარიმართა. მომხსენებლებმა ისაუბრეს საქართველოსა და ევროკავშირს შორის ასოცირების ხელშეკრულებით გათვალისწინებული ვალდებულებების შესრულებასა და ამ მიმართულებით გასატარებელ ღონისძიებებზე.
 
გურჯაანში სამხედრო მოსამსახურეებისთვის ღონისძიება მოეწყოგურჯაანის მუნიციპალიტეტის ტერიტორიაზე განლაგებული სამხედრო მოსამსახურეებისთვის, ადგილობრივი თვითმმართველობის ინიციატივით ღონისძიება გაიმართა, რომლის ფარგლებშიც ჯარისკაცებსა და ადგილობრივ სპორტსმენებს შორის შეჯიბრებები ჩატარდა ქართულ ჭიდაობასა და მკლავჭიდში. ღონისძიება დასრულდა კონცერტით, რომელშიც მონაწილეობას იღებდნენ ანსამბლი „გურჯაანი“ და ბიჭუნათა ფოლკლორული ანსამბლი „გურჯაანი“.
ღონისძიებას გურჯაანის მუნიციპალიტეტის ხელმძღვანელ პირებთან ერთად, საქართველოს თავდაცვის მინისტრი თინათინ ხიდაშელი და კახეთის გუბერნატორი ირაკლი შიოლაშვილი დაესწრენენ. სპორტულ შეჯიბრებებში გამარჯვებული მონაწილეები სპეციალური სიგელებითა და მედლებით დაჯილდოვდნენ.
 
 ახაშენში სტიქიის სალიკვიდაციო სამუშაოებში ჯარი ჩაერთოდღეს დილიდან სოფელ ახაშენში სტიქიის სალიკვიდაციო სამუშაობში თელავის მე - 20 კადრირებული ბრიგადის 100 ჯარისკაცი ოღებს მონაწილეობას. ისინი მოსახლეობას საკუთარი ეზოების გაწმენდაში ეხმარებიან, ასევე ქვა-ღორღისაგან ასუფთავებენ შიდა საუბნო გზებს და სანიაღვრე არხებს.
გაწმენდით სამუშაობში ჯარისკაცები ორი დღის განმავლობაში მიიღებენ მონაწილებას. სტიქიის სალიკვიდაციო სამუშაოებში ჯარისკაცების ჩართვა კახეთის მხარის გუბერნატორის ინიციატივით მოხდა.