გურჯაანში სტიქიის შედეგების სალიკვიდაციო სამუშაოები დილიდან დაიწყოგურჯაანის მუნიციპალიტეტში დილიდან მიმდინარეობს სტიქიით გამოწვეული ზიანის სალიკვიდაციო სამუშაოები, რომელშიც მერიის ყველას შესაბამისი სამსახურია ჩართული.
გაიწმინდა ქალაქ გურჯაანში თავისუფლების ქუჩა, „კოტეხის ხევი“, „ნავთის ხევი“ და მისი მიმდებარე ტერიტორია. ასევე გაწმენდითი სამუშაოები ჩატარდა სოფლებში - კარდენახში, ვეჯინში, ჭანდარსა და ძირკოკში.
ამ ეტაპზე სტიქიის შედეგების სალიკვიდაციო სამუშაოები მიმდინარეობს სოფელ გურჯაანში, კომპანია “Black sea group”-ის დახმარებით, ხევისუბანში ეკლესიიკენ მიმავალ გზა, ჭარბი ნალექის შედეგად მოტანილი ქვა-ღორღისგან იწმინდება. ამ დროისთვის სამუშაოები მიმდინარეობს სოფელ კალაურშიც, რომელშიც ხვალ დამატებითი ტექნიკა ჩაერთვება. სტიქიამ ბაკურციხეშიც შექმნა პრობლემები, ჭარბი ნალექის გამო წყლის დონე ამ დრომდე მომატებულია და მისი დაკლებისთანავე დაიწყება სამუშაოები.
გუშინ გვიან ღამით მოსული ძლიერი წვიმის შედეგად ქალაქ გურჯაანში და მუნიციპალიტეტის რამდენიმე სოფელში ხევები ადიდდა და შიდა საუბნო გზები დაზიანდა.
 
გურჯაანში, საერთაშორისო დოკუმენტური კინოფესტივალი CinéDOC-TBILISI იწყება. ფესტივალის ფარგლებში კინოჩვენებები გურჯაანის მუნიციპალიტეტში მდებარე 4 მუზეუმში გაიმართება.
12 ივნისი, 19:00 საათზე, ნატო ვაჩნაძის სახლ მუზეუმში, დოკუმენტური კინოფესტივალის 2018 წლის გამოშვების ერთ-ერთი გამარჯვებული ფილმის ,,გამჭირვალე სამყარო"(რეჟისორი: ვახტანგ კუნცევ-გაბაშვილი) ჩვენება გაიმართება, 13 ივნისს, 19:00 საათზე, სოფელ ვეჯინში ივანე ბერიტაშვილის მუზეუმის კინოდარბაზში ნაჩვენები იქნება დოკუმენტური ფილმი ,,ქალი ტყვეობაში"( რეჟისორი: ბერნადეტ ტუზა-რიტერი) , 19 ივნისს, 19:00 საათზე კი მოკლემეტრაჟიანი დოკუმენტური ფილმები ,,ღმერთო მადლობა ჩაისთვის"( რეჟისორი: მაკა გოგოლაძე და აპოლო ჯავახეთი, ბაქარ ჩერქეზიშვილი ) იქნება ნაჩვენები სოფელ კარდენახში იოსებ ნონეშვილის მუზეუმში. ფესტივალი 2018 - ის ფარგლებში ბოლო კინოჩვენება ქალაქ გურჯაანში, დიდების მემორიუალური მუზეუმის ამფითეატრში გაიმართება, სადაც ნაჩვენები იქნება დოკუმენტური ფილმი ,,მზის ქალაქი" (რეჟისორი: რატი ონელი).
„ CinéDOC Tbilisi ეს არის დოკუმენტური ფილმების ფესტივალი, რომელიც თბილისში მაისის თვეში გაიმართა, ხოლო ეხლა კი გურჯაანის მუნიციპალიტეტი მასპინძლობს. ფესტივალს, მთავარი პრიზის მფლობელი ვახტანგ კუნცევ-გაბაშვილის ფილმი "გამჭვირვალე სამყარო" გახსნის. ასევე გურჯაანის კულტურის ცენტრში ვიწყებთ თავისუფალი კინოჩვენებს, რომელსაც ვანხორციელბთ ფონდი "აჰუაჰუ"-ს "თავისუფალ კინოჩვენებებთან" პარტნიორობით, პროექტის მხარდამჭერი კი Adjara.Net-ია!“ - განაცხადა გურჯაანის მუნიციპალიტეტის მერიის კულტურის და განთლების განყოფილების უფროსმა-თამარ ფურცელაძემ.

ფესტივალზე მისულ სტუმრებს საშუალება ექნებათ უფასოდ დაათვალიერონ მუზეუმები.

გურჯაანში, ფესტივალი CinéDOC-TBILISI მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ინიციატივით ტარდება.
 
გურჯაანში, მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა სამსახურის ორგანიზებით და აა(ი)პ "კულტურის ცენტრის" მხარდაჭერით თავისუფალი კინოჩვენებების კვირეულს იწყება. კინოჩვენებები გურჯაანის კულტური ცენტრში გაიმართება.

12 ივნისი, 18:00 საათი - ანიმაციური ფილმი "ზოოტოპია" (რეჟისორი: Byron Howard);
14 ივნისი, 19:00 საათი - მხატვრული ფილმი "ალი და ნინო" (რეჟისორი: Asif Kapadia);
18 ივნისი, 19:00 საათი - მხატვრული ფილმი "ჰაქსოუს გმირი" (რეჟისორი: Mel Gibson);
21 ივნისი, 18:00 საათი - ანიმაციური ფილმი "შინაური ცხოველების საიდუმლო ცხოვრება" (რეჟისორი: Chris Renaud,Yarrow Cheney);
25 ივნისი, 19:00 საათი - მხატვრული ფილმი "მგზავრები" (რეჟისორი: Morten Tyldum);

„გურჯაანის კულტურის ცენტრში დავიწყეთ თავისუფალი კინოჩვენებების კვირეული, რომელსაც ფონდი "აჰუაჰუს" პარტნიორობითა და აჭარანეტის მხარდაჭერით ვახორციელებთ. პროექტი მიზნად ისახავს კინოკლუბის განვითარების ხელშეწყობასა და კინოინდუსტრიის მიმართულებით ინტერესის ამაღლებას გურჯაანში.“ განაცხადა გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის უფროსმა ეკა ცისკარაშვილმა.
 
გურჯაანის მუნიციპალიტეტის მერმა არჩილ ხანდამაშვილმა სეტყვით დაზარალებული სოფლები - მელაანი, არაშენდა და ქოდალო მოინახულა და ვითარებას ადგილზე გაეცნო. მუნიციპალიტეტის მერი ადგილობრივებს შეხვდა და დასეტყვილი სავარგულებიც დაათვალიერა.
გუშინ საღამოს მოსულმა ძლიერმა სეტყვამ გურჯაანის მუნიციპალიტეტის 3 სოფელი დააზარალა, სტიქიით მიყენებულ ზიანს მერიაში შექმნილი სპეციალური კომისია დაითვლის.
 
გურჯაანის მუნიციპალიტეტის სოფელ კოლაგში ჭაბურღილი მოეწყობა, რომელიც წყლით 6 უბანს მოამარაგებს. პროექტი რეგიონებში განსახორცილებელი პროექტების ფონდიდან ადგილობრივი ბიუჯეტის თანადაფინანსებით განხორცილედება. ჭაბურღილის მოწყობის სამუშაოებზე გამოცხადებულია ტენდერი, რომელიც 8 ივნისს დასრულედება. სატენდერო თანხა 122 887 ლარს შეადგენს.
ახალი ჭაბურღილის ამოქმედება მნიშვნელოვნად გააუმჯობესებს სოფლის წყალმომარაგებას.
 
ჩუმლაყის მე-2 საბავშვო ბაღს"აგრომოტორსმა"საჩუქრები გადასცაგურჯაანის მუნიციპალიტეტის სოფელ ჩუმლაყის #2 საბავშვო ბაღმა კომპანია „აგრომოტორსისგან“ საჩუქრები მიიღო.
კომპანიის წარმომადგენლები საბავშვო ბაღს გურჯაანის მუნიციპალიტეტის მერთან -არჩილ ხანდამაშლილთან, მერის მოადგილესთან - ნიკოლოზ გეთიაშვილთან და სოფ. ჩუმლაყის მაჟორიტარ დეპუტატთან - გია შაოშვილთან ერთად ესტუმრნენ და პატარებს საჩუქრები თავად მიუტანეს, რომლითაც მოეწყო სათამაშო ზონა.
 
 შეხვედრა ფერმერებთან სოფელ ჩუმლაყშიგურჯაანის მუნიციპალიტეტის მერი მოადგილესთან ერთად, დღეს, სოფელ ჩუმლაყში ფერმერებს შეხვდა და გარგარის და ატმის რეალიზაციით დაინტერესდა.
არჩილ ხანდამაშვილმა და ნიკოლოზ გეთიაშვილმა ფერმერებთან მოსავლის მასშტაბურობაზე და რეალიზაციასთან დაკავშირებულ საკითხებზე ისაუბრეს.
 
გურჯაანის მუნიციპალიტეტში ინფრასტრუქტურული პროექტების განხორციელება იწყება. 2018 წელს შემდეგი მასშტაბური პროექტებია დაგეგმილი -

ესენია:

✅ სოფელ ბაკურციხეში შიდა სასოფლო გზის მოასფალტება (სამადაანთ უბანი);

✅ სოფელ კარდენახში სასაფლაოს გზის მოასფალტება და ცენტრალური გზიდან საუბნო გზებზე ჩასასვლელებში ბეტონის საფარის მოწყობა;

✅ სოფელ ვეჯინში ჰესის უბნის გზის მოასფალტება;

✅ სოფელ ჩუმლაყში "კოშკის" სასაფლაოს გზის რეაბილიტაცია;

✅ სოფელ ახაშენში სკოლისკენ მიმავალი გზის რეაბილიტაცია;

✅ სოფელ ველისციხეში ორი ახალი ჭაბურღილის მოწყობა;

✅ სოფელ გურჯაანში "ქვემო წითელ უბანში" ჭაბურღილის მოწყობა;

✅ სოფელ ველისციხეში შიდა საუბნო გზების რეაბილიტაცია;

✅ სოფელ მუკუზანში შიდა სასოფლო გზების რეაბილიტაცია;

✅ ქალაქ გურჯაანში ფურცელაძის ჩიხში არსებული სანიაღვრე-საკანალიზაციო კოლექტორის რეაბილიტაცია;

✅ სოფელ ზეგაანში შიდა სასოფლო გზების რეაბილიტაცია;

✅ სოფელ კოლაგში ახალი ჭაბურღილის მოწყობა;

✅ სოფელ არაშენდაში ახალი ჭაბურღილის მოწყობა;

✅ სოფელ ჭერემში შიდა სასოფლო გზის რეაბილიტაცია;

ეს მხოლოდ ნაწილია პროექტების, რომლის განხორციელებაც მიმდინარე წელს გურჯაანის მუნიციპალიტეტში იგეგმება.
 
გურჯაანის მერი კაჭრეთის სამუსიკო სკოლის საიუბილეო კონცერტს დაესწრგურჯაანის მუნიციპალიტეტის მერი არჩილ ხანდამაშვილი სოფელ კაჭრეთის სამუსიკო სკოლაში გამართულ სკოლის დაარსებიდან 35-ე წლისთავისადმი მიძღვნილ საიუბილეო კონცერტს დაესწრო. ღონისძიებაში მონაწილეობა სამუსიკო სკოლის მოსწავლეებმა და პედაგოგებმა მიიღეს.
 
გურჯაანის მუნიციპალიტეტეტის მერი არჩილ ხანდამაშვილი მერიის კულტურის, განათლების, სპორტის და ახალგაზრდულ საქმეთა სამსახურის ხელმძღვანელთან - ეკა ცისკარაშვილთან და კულტურის და განათლების განყოფილების უფროსთან - თამარ ფურცელაძესთან ერთად, გურჯაანის შოთა რუსთაველის სახელობის ბიბლიოთეკაში მწერალ ლევან გოთუას შემოქმედებისადმი მიძღვნილ ღონისძიებას დაესწრო.