საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო, მინისტრის 2013 წლის 13 ნოემბრის #779 ბრძანებით დადგენილი წესისა და კრიტერიუმების შესაბამისად ახორციელებს სტიქიით დაზარალებული და გადაადგილებას დაქვემდებარებული ოჯახების -ეკომიგრანტების განსახლებას.
აღნიშნული ბრძანების შესაბამისად, სამინისტრო განიხილავს იმ ოჯახების განსახლების საკითხს, რომლებმაც მიმართეს სამინისტროს "საცხოვრებელი სახლის მოძიების თაობაზე" განაცხადით.
ზემოხსენებული განაცხადის შევსება, შესაძლებელი იყო მხოლოდ სამინისტროს ცენტრალურ აპარატში, ტერიტორიულ ორგანოებსა (ქუთაისი, ზუგდიდი) და აჭარის ა/რ ჯანმრთელობისა და სოციალური დაცვის სამინისტროში.
ამასთან დაკავშირებით გვინდა გაცნობოთ, რომ 2017 წელს სამინისტროსა და სსიპ "იუსტიციის სახლს" შორის გაფორმებული მემორანდუმის შესაბამისად, შესაძლებელი გახდა აღნიშნული განცხადების შევსება ქვეყნის მასშტაბით მოქმედ ნებისმიერ იუსტიციის სახლში. ამასთან ერთად, იუსტიციის სახლებში შესაძლებელი გახდა, ეკომიგრანტი მოქალაქეების მიერ, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სახელზე ნებისმიერი სახის განცხადების ჩაბარებაც.
აღნიშნული ცვლილების შესაბამისად, სახელმწიფო პროგრამა კიდევ უფრო ხელმისაწვდომი გახდა ეკომიგრანტი ოჯახებისთვის.
 
ქალაქ გურჯაანში, ტურისტულად მნიშვნელოვან და რეკრეაციულ ადგილებში 48 ცალი დახურული ტიპი ნაგვის კონტეინერის განთავსდა. 11 ცალი 1100 ლიტრიანი ლითონის კონტეინერის შესყიდვა ადგილობრივი ბიუჯეტიდან 2017 წელს მოხდა, რისთვისაც 11 800 ლარი დაიხარჯა, 37 კი მუნიციპალიტეტს მსოფლიო ბანკმა საჩუქრად გადასცა.
 
გურჯაანის მუნიციპალიტეტის მერია სოფლებში ბაღების გაზიფიცირებას განახორციელებს. 20 საბავშვო ბაღში გაზის შიდა ქსელის მოწყობის სამუშაოებზე ტენდერი უკვე გამოცხადდა და 6 მარტს დასრულდება. მუნიციპალიტეტში სულ 37 სკოლამდელი სააღმზრდელო დაწესებულებაა, საიდანაც დღეისთის მხოლოდ 15-ია გაზიფიცირებული.
 
დღეს, გურჯაანის მუნიციპალიტეტის სოფლებში - ვეჯინსა და ძირკოკში არასამთავრობო ორგანიზაცია „საქართველოს მწვანეთა მოძრაობა/დედამიწის მეგობრები საქართველომ“ მოსახლეობასთან შეხვედრები გამართა. ორგანიზაციის აღმასრულებელი საბჭოს წევრმა ნიკოლოზ ინაშვილმა აუდიტორიას მყარი ნარჩენების მართვის, მისი დახაროსხება/ სეპარაციის, კომპოსტირების და გადამუშავების აუცილებლობის შესახებ მიაწოდა ინფორმცაცია.
 
დღეს, გურჯაანის მუნიციპალიტეტის ადმინისტრაციულ შენობაში საავტომობილო გზების დეპარტამენტის წარმომადგენლებმა გურჯაანი - თელავის (30 კმ) შემოვლითი გზის პროექტის გარემოზე ზემოქმედების ანგარიშის საჯარო განხილვა მოაწყვეს. პროექტის მიხედვით შემოვლითი გზა სოფელ ახაშენში დაიწყება და თელავში დასრულდება.
 
გურჯაანის საბიბლიოთეკო გაერთიანებამ პროექტ „მაკულატურას“ ფარგლებში ჩაბარებული წიგნებიდან მიღებული ქულებით (თანხით) 16 დასახელების მხატვრული,შემეცნებითი და დარგობრივი ლიტერატურა შეიძინა. წიგნების ნაწილი ცენტრალურ ბიბლიოთეკაში დარჩება, ნაწილი კი სოფლებში გადანაწილდება. საბიბლიოთეკო გაერთიანება წიგნად ფონდს პერიოდულად ანახლებს. წიგნების შეძენას საკუთარი ბიუჯეტიდან მიმდინარე წელსაც გეგმავს. შესაძენი ლიტერატურის ნუსხაში მკითხველთა მოთხოვნა და ინტერესი იქნება გათვალისწინებული.
 
17-18 თებერვალს გურჯაანმა თავისუფალ ჭიდაობაში ჭაბუკთა შორის საქართველოს პირველობას უმასპინძლა. შეჯიბრი 10 წონით კატეგორიაში გაიმართა და მასში 300-მდე სპორტსმენმა მიიღო მონაწილეობა. გამარჯვებულები გურჯაანის მუნიციპალიტეტის მერმა არჩილ ხანდამაშვილმა, საკრებულოს თავმჯდომარემ ვანო ბერიძიშვილმა, მერის მოადგილემ ნიკოლოზ გეთიაშვილმა და კულტურის, განათლების, სპორტისა და ახალგაზრდულ საქმეთა სამსახურის უფროსმა ეკატერინე ცისკარაშვილმა დააჯილდოეს. პირველ, მე-2 და მე-3 ადგილზე გასულ სპორტსმენებს დიპლომები, მედლები და თასები გადაეცათ. ჩემპიონატი საქართველოს ჭიდაოების ეროვნული ფედერაციის ორგანიზებით და გურჯაანის მერიის ხელშეწყობით ჩატარდა.
 
ხვალ, 15 თებერვალს ქ.გურჯაანში სამების საკათედრო ტაძართან არსებული ახალგაზრდული ცენტრის და გურჯაანის მუნიციპალიტეტის მერიის მხარდაჭერით მარათონი გაიმართება. ღონისძიება სტარტს 9 აპრილის ქუჩის დასაწყისიდან 15:00 საათზე აიღებს და სპორტკომპლექსის მიმდებარე ტერიტორიაზე დასრულდება. მარათონში მონაწილეობა ნებისმიერი ასაკის მსურველს შეუძლია, რომელთა რეგისტარციაც ადგილზე 14:00 საათიდან დაიწყება. გამარჯვებულები დიპლომებით და მედლებით დაჯილდოვდებიან.
 
გურჯაანის მუნიციპალიტეტში 2017 წელს ფონდი „ქართუს“ დაფინანსებით კულტურული მემკვიდრეობის ხუთ ძეგლს ჩაუტარდა რეაბლიტაცია. სრულად აღდგა და პირვანდელი სახე დაუბრუნდა სოფელ ვაზისუბანში მდებარე წმ.გიორგის სახელობის ბაზილიკას (სამკარიანი) VI სს, რომელსაც კულტურული მემკვიდრეობის ძეგლის სტატუსი, გამგეობის შუამდგომლობით, 2 წლის წინ მიენიჭა. ასევე, სრულად რეაბილიტირდა სოფელ კარდენახში მდებარე წმ ნიკოლოზის სახელობის (VI სს) და სოფელ კალაურში მდებარე იოანე ნათლისმცემლის სახელობის ეკლესიები (IX სს) . ფონდ „ქართუს“ დაფინანსებით გასულ წელს შიდა სარეაბილიტაციო სამუშაოები ჩაუტარდა სოფელ კარდენახში მდებარე საბა წმინდის ეკლესიას (XIII-XV სს )და ვაზისუბანის სანაგირის მონასტერს (X-XI სს).
 
8 თებერვალს, წმინდა მეფის დავით აღმაშენებლის ხსენების დღე აღინიშნება. ამ დღესთან დაკავშირებით, გურჯაანის ცენტრალური ბიბლიოთეკის სამკითხველო დარბაზში, სკოლის მოსწავლეებისთვის შემეცნებით-საგანმანათლებლო შეხვედრა მოეწყო, რომელსაც ისტორიის სპეციალისტი შოთა ქიტიაშვილი დაესწრო.