გურჯაანის მუნიციპალიტეტის სოფელ მუკუზანში შიდა საუბნო გზის სარეაბილიტაციო სამუშაოები განხორცილედება.
პროექტის ფარგლებში დაიგება ასფალტის საფარი და მოეწყობა სანიაღვრე არხი. აღნიშნულ გზას რამდენიმე უბანი უკავშირედება და სოფლის მოსახლეობის დაახლოებით 60 პროცენტი სარგლებლობს.
გზის სარეაბილიტაციო სამუშაოები რეგიონებში განსახორციელებილი პროექტების ფონდის და ადგილობრივი ბიუჯეტის თანადაფინანსებით განხორცილედება. სატენდერო თანხა 415 248 ლარს შეადგენდა, ამ ეტაპზე გამარჯვებული კომპანიის შერჩევა/შეფასება მიმდინარეობს.
 
კარდენახის სამუსიკოს სკოლის საანგარიშო კონცერტიგურჯაანის მუნიციპალიტეტის მერი არჩილ ხანდამაშვილი სოფელ კარდენახში, იოსებ ნონეშვილის სახლ-მუზეუმში კარდენახის სამუსიკო სკოლის მოსწავლეების საანგარიშო კონცერტს დაესწრო.
 
გურჯაანის მუნიციპალიტეტის მერიამ სტიქიის შედეგად დატბორილი ქუჩების გაწმენდითი სამუშაოები უმოკლეს დროში განახორციელა გურჯაანის მუნიციპალიტეტში მოსულმა სტიქიამ ქალაქი გურჯაანიც დააზარალა. სტიქიის შედეგად ადიდებულმა „ნავთის ხევმა“ დატბორა და ქვა-ღორღი ჩამოიტანა თავისუფლების ქუჩაზე, რომლის გაწმენდითი სამუშაოები მუნიციპლაიტეტის მერიამ უმოკლეს დროში განახორციელა.
სტიქიის მასშტაბურობიდან გამომდინარე გაწმენდითი სამუშაოები სხვა ლოკაციებზე ამ დრომდე მიმდინარეობს, რომლის პარალელურადაც დაიწყება ქუჩების გადარეცხვის სამუშაოები.
 
 გურჯაანში ატმის ჩაბარება-რეალიზაციის საკითხებზე იმსჯელესგურჯაანის მუნიციპალიტეტის მერიაში საქართველოს გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა, გურჯაანის მაჟორიტარ დეპუტატთან დავით სონღულაშვილთან, კახეთის მხარის გუბერნატორთან ირაკლი ქადაგიშვილთან და გურჯაანის მუნიციპალიტეტის მერთან არჩილ ხანდამაშვილთან ერთად, ატმისა და ვაშლატამას მოსავლის აღების, ჩაბარებისა და რეალიზაციის საკითხებთან დაკავშირებით, ფერმერებთან, ექსპორტიორებთან და გადამამუშავებელი საწარმოების ხელმძღვანელებთან შეხვედრა გამართა.
როგორც შეხვედრაზე აღინიშნა წელს კახეთის რეგიონში საპროგნოზო მოსავლის რაოდენობა 36 600 ტონას შეადგენს, საიდანაც ატმის წილი 23 600 ტონა, ხოლო ვაშლატამასი -13 000 ტონაა.
შეხვედრაზე, ასევე ცნობილი გახდა, რომ უახლოეს დღეებში გურჯაანში ატმის და ვაშლატამის მოსავლის აღების, ჩაბარებისა და რეალიზაციის ორგანიზებულად ჩატარების მიზნით, საკოორდინაციო შტაბი ამოქმედდება, რომელსაც გარემოს დაცვისა და სოფლის მეურნეობის სამინისტროს რეგიონებთან კოორდინაციის დეპარტამენტის ხელმძღვანელი - შალვა კერესელიძე უხელმძღვანელებს. იმუშავებს ცხელი ხაზიც, საიდანაც ფერმერებს შესაძლებლობა ექნებათ ნებისმიერ დროს მიიღონ ინფორმაცია მათთვის საინტერესო საკითხებთან დაკავშირებით.
 
სტიქიის შედეგების სალიკვიდაცო სამუშაოებში დამატებითი ტექნიკა ჩაერთო
გურჯაანის მუნიციპალიტეტი ბოლო დღეების განმავლობაში სტიქიამ რამდენჯერმე დააზარალა. მოსულმა ძლიერმა ნალექმა სოფლებში დააზიანა წყლის სათავე ნაგებობები, ადიდებული ხევებიდან გადმოსულმა წყალმა დატბორა შიდა საუბნო გზები და სავარგულები.
გურჯაანის მუნიციპალიტეტის მერიამ სტიქიის შედეგების სალიკვიდაციო სამუშაოები დაუყოვნებლივ დაიწყო, რომელშიც ჩართულია როგორც მუნიციპალიტეტის მერიის ტექნიკა, ასევე კომპანია „Black sea group“-ის დამატებითი ტექნიკა.
 
გურჯაანის მერიასა და პოჟავსკა-ბისრიცას შორის მემორანდუმი გაფორმდა გურჯაანის მუნიციპალიტეტსა და სლოვაკეთის, პოვაჟსკა-ბისტრიცას რაიონის მერიას შორის ურთიერთთანამშრომლობის სურვილის შესახებ მემორანდუმი გაფორმდა.
მემორანდუმს ხელი, 6 ივნისს, გურჯაანში, მუნიციპალიტეტის მერმა არჩილ ხანდამაშვილმა და პოვაჟსკა-ბისტრიცას რაიონის მერმა კარლოს იანასინმა მოაწერეს.
ურთიერთანამშრომლობის სურვილის მემორანდუმი სოფლის მეურნეობის, ეკონომიკის, ტურიზმის, კულტურის, სპორტის, განათლებისა და ტექნოლოგიური მიმართულებით თანამშრომლობას გულისხობს.
 
"ჩვენ არ ვცნობთ შეზღუდვებს"ღონისძიება ქალაქ გურჯაანის მე-4 საბავშვო ბაღში
გურჯაანის მუნიციპალიტეტის მერი არჩილ ხანდამაშვილი და საკრებულოს თავმჯდომარე ვანო ბერიძიშვილი ქალაქ გურჯაანის მე-4 საბავშვო ბაღში შშმ პირთა უფლებების დაცვის დღისადმი მიძღვნილ ღონისძიებას დაესწრნენ. მასში მონაწილეობა, ბაღის აღსაზრდელებთან ერთად დღის ცენტრის ,,ლაიფ ლაინის,, ბენეფიციარებმაც მიიღეს.
 
 გურჯაანში მხიარულთა და საზრიანთა გუნდები შეიქმნაგურჯაანის მუნიციპალიტეტის მერიის და მაჟორიტარი დეპუტატის დავით სონღულაშვილის ინიციატივით გურჯაანში მხიარულთა და საზრიანთა გუნდები შეიქმნა.
შესარჩევ ტურში მუნიციპალიტეტის ყველა საჯარო სკოლამ მიიღო მონაწილეობა. კონკურსის შედეგად მხიარულთა და საზრიანთა 17 გუნდი შეიქმნა, რომლებიც გურჯაანის „მანსანკანის“ ფესტივალში მიიღებენ მონაწილეობას.
„პროექტი მერიის კულტურის, განათლების, სპორტის და ახალგაზრდულ საქმეთა სამსახურის ორგანიზებით ხორციელდება. შესარცევი კონკურსი, ტენდერში გამარჯვებულმა კომპანიამ ჩაატარა, რომელიც საქართველოში „მანსანკანის“თამაშებს ოფიციალურად ატარებს. სცენარისტები, რომლებიც საქართველოს მხიარულთა და საზრიანთა კლუბის ნაკრების წევრები არიან გამარჯვებულ გუნდებთან იმუშავებენ.
 
 გურჯაანში სტიქიის შედეგების სალიკვიდაციო სამუშაოები დილიდან დაიწყოგურჯაანის მუნიციპალიტეტში დილიდან მიმდინარეობს სტიქიით გამოწვეული ზიანის სალიკვიდაციო სამუშაოები, რომელშიც მერიის ყველას შესაბამისი სამსახურია ჩართული.
გაიწმინდა ქალაქ გურჯაანში თავისუფლების ქუჩა, „კოტეხის ხევი“, „ნავთის ხევი“ და მისი მიმდებარე ტერიტორია. ასევე გაწმენდითი სამუშაოები ჩატარდა სოფლებში - კარდენახში, ვეჯინში, ჭანდარსა და ძირკოკში.
ამ ეტაპზე სტიქიის შედეგების სალიკვიდაციო სამუშაოები მიმდინარეობს სოფელ გურჯაანში, კომპანია “Black sea group”-ის დახმარებით, ხევისუბანში ეკლესიიკენ მიმავალ გზა, ჭარბი ნალექის შედეგად მოტანილი ქვა-ღორღისგან იწმინდება. ამ დროისთვის სამუშაოები მიმდინარეობს სოფელ კალაურშიც, რომელშიც ხვალ დამატებითი ტექნიკა ჩაერთვება. სტიქიამ ბაკურციხეშიც შექმნა პრობლემები, ჭარბი ნალექის გამო წყლის დონე ამ დრომდე მომატებულია და მისი დაკლებისთანავე დაიწყება სამუშაოები.
გუშინ გვიან ღამით მოსული ძლიერი წვიმის შედეგად ქალაქ გურჯაანში და მუნიციპალიტეტის რამდენიმე სოფელში ხევები ადიდდა და შიდა საუბნო გზები დაზიანდა.
 
გურჯაანში, საერთაშორისო დოკუმენტური კინოფესტივალი CinéDOC-TBILISI იწყება. ფესტივალის ფარგლებში კინოჩვენებები გურჯაანის მუნიციპალიტეტში მდებარე 4 მუზეუმში გაიმართება.
12 ივნისი, 19:00 საათზე, ნატო ვაჩნაძის სახლ მუზეუმში, დოკუმენტური კინოფესტივალის 2018 წლის გამოშვების ერთ-ერთი გამარჯვებული ფილმის ,,გამჭირვალე სამყარო"(რეჟისორი: ვახტანგ კუნცევ-გაბაშვილი) ჩვენება გაიმართება, 13 ივნისს, 19:00 საათზე, სოფელ ვეჯინში ივანე ბერიტაშვილის მუზეუმის კინოდარბაზში ნაჩვენები იქნება დოკუმენტური ფილმი ,,ქალი ტყვეობაში"( რეჟისორი: ბერნადეტ ტუზა-რიტერი) , 19 ივნისს, 19:00 საათზე კი მოკლემეტრაჟიანი დოკუმენტური ფილმები ,,ღმერთო მადლობა ჩაისთვის"( რეჟისორი: მაკა გოგოლაძე და აპოლო ჯავახეთი, ბაქარ ჩერქეზიშვილი ) იქნება ნაჩვენები სოფელ კარდენახში იოსებ ნონეშვილის მუზეუმში. ფესტივალი 2018 - ის ფარგლებში ბოლო კინოჩვენება ქალაქ გურჯაანში, დიდების მემორიუალური მუზეუმის ამფითეატრში გაიმართება, სადაც ნაჩვენები იქნება დოკუმენტური ფილმი ,,მზის ქალაქი" (რეჟისორი: რატი ონელი).
„ CinéDOC Tbilisi ეს არის დოკუმენტური ფილმების ფესტივალი, რომელიც თბილისში მაისის თვეში გაიმართა, ხოლო ეხლა კი გურჯაანის მუნიციპალიტეტი მასპინძლობს. ფესტივალს, მთავარი პრიზის მფლობელი ვახტანგ კუნცევ-გაბაშვილის ფილმი "გამჭვირვალე სამყარო" გახსნის. ასევე გურჯაანის კულტურის ცენტრში ვიწყებთ თავისუფალი კინოჩვენებს, რომელსაც ვანხორციელბთ ფონდი "აჰუაჰუ"-ს "თავისუფალ კინოჩვენებებთან" პარტნიორობით, პროექტის მხარდამჭერი კი Adjara.Net-ია!“ - განაცხადა გურჯაანის მუნიციპალიტეტის მერიის კულტურის და განთლების განყოფილების უფროსმა-თამარ ფურცელაძემ.

ფესტივალზე მისულ სტუმრებს საშუალება ექნებათ უფასოდ დაათვალიერონ მუზეუმები.

გურჯაანში, ფესტივალი CinéDOC-TBILISI მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ინიციატივით ტარდება.