გამგებელი კიკბოქსინგში კავკასიის ჩემპიონებს შეხვდაგურჯაანის მუნიციპალიტეტის გამგებელი გია გერგიძე და გამგებლის მოადგილე ალექსანდრე ყვირალაშვილი კიკბოქსინგში კავკასიის 2014 წლის ჩემპიონებს შეხვდნენ და გამარჯვება მიულოცეს.
3-4 ოქტომბერს თბილისში გამართულ ამიერკავკასიის პირველობაზე კიკბოქსინგში სამმა გურჯაანელმა სპორტსმენმა მოიპოვა გამარჯვება. 35 კგ წონით კატეგორიაში ახაშნელმა გიგა გოგაშვილმა, 42 კგ წონით კატეგორიაში გურჯაანელმა შალვა ყანდიაშვილმა და 65 კგ წონით კატეგორიაში ჩუმლაყელმა ნიკა რუაძემ მოიპოვეს ოქროს მედლები. ტურნირში მონაწილეობას საქართველოს, სომხეთის და აზერბაიჯანის 200 -მდე სპორტსმენი იღებდა.
 
თვალის კლინიკა „ოფთალმიჯი“ გურჯაანში საქველმოქმედო აქციას ჩაატარებსჯავრიშვილის თვალის კლინიკა „ოფთალმიჯი“ 2 ოქტომბერს გურჯაანში საქველმოქმედო აქციას იწყებს. კლინიკის სპეციალისტები მოსახლეობას უფასო კონსულტაციებს გაუწევენ.
2 ოქტომბერს, 12 საათიდან ოფთალმოლოგები სოფელ ვაჩნაძიანის ამბულატორიაში ვაჩნაძიანის, კახიფარის და კალაურის მოსახლეობას გაუწევენ უფასო კონსულტაციებს.
საქველმოქმედო აქცია ვაჩნაძიანიდან იწყება და 3 ოქტომბერს შაშიანში, ხოლო 4 ოქტომბერს ვაზისუბანში გაიმართება.
აქციის ფარგლებში ჯავრიშვილის კლინიკის ექიმები გურჯაანის მუნიციპალიტეტის ყველა სოფელს ეწვევიან და უფასო კონსულტაციებს ჩაატარებენ.
 
27 სექტემბერს  გურჯაანში   „მწნილისა და მურაბის ფესტივალი“ გაიმართება
27 სექტემბერს გურჯაანში „მწნილისა და მურაბის ფესტივალი“ გაიმართება. „პაპას ბაღში“ მოეწყობა მწნილისა და მურაბის კუთხეები. ფესტივალი 12 საათზე გაიხსნება და მისულ სტუმრებს „მარნეულის სასაურსათო ქარხნის“ პროდუქციის დაგემოვნებისა და სპეციალურ ფასად შეძენის საშუალებაც ექნებათ. ფესტივალს ფოლკლორული ანსამბლი „მოძახილი“ გახსნის და სტუმრებს ანიმატორები და ქუჩის თეატრის მსახიობები გაართობენ. ორგანიზატორებმა პატარა სტუმრებისთვისაც იზრუნეს, სადაც მათ ტკბილეული და ზღაპრის გმირები ელოდებათ.
ფესტივალი შპს"ჯეპრას", სს „წყალი მარგებელის“ და შპს „მარნეულის სასურსათო ქარხნის“ ორგანიზებით საქართველოს 10 ქალაქში ტარდება. პირველად ფესტივალი 2013 წელს „თბილისობის“ დღესასწაულზე გაიმართა, რის შემდეგაც ის ყოველწლიური გახდა. ფესტივალის მიზანი ქართული სუფრის ტრადიციების წარმოჩენა და შენარჩუნებაა.
 
გამგებელმა და საკრებულოს თავმჯდომარემ ველისციხის ახალ საბავშვო ბაღში ჩატარებული სარეაბილიტაციო სამუშაოები დაათვალიერესგურჯაანის მუნიციპალიტეტის გამგებელმა გია გერგიძემ და საკრებულოს თავმჯდომარემ ვანო ბერიძიშვილმა ველისციხის ახალ საბავშვო ბაღში ჩატარებული სამუშაოები დაათვალიერეს. საბავშვო ბაღის ახალ შენობაში განთავსება და რეაბილიტაცია „სოფლის მხარდაჭერის პროგრამის“ ფარგლებში განხორციელდა, რისთვისაც 90 000 ლარი დაიხარჯა. გია გერგიძის განცხადებთ „ სრულდება სამუშაოების პირველი ეტაპი, რეაბილიტაცია ჩაუტარდა ოთახებს, შეიცვალა იატაკი და კარ-ფანჯრები, მოეწყო სველი წერტილები. რასაც ვხედავთ სამუშაოები კარგად არის შესრულობული, თუმც ჯერ-ჯერობით ბაღის ამ შენობაში გადმოტანა შეუძლებელია, რადგან დარჩენილია გარკვეული სამუშაოები, რომელიც ამ პროექტით ვერ განხორციელდა. ჩვენ აუცილებლად გამოვნახავთ საშუალებას რომ დასრულდეს ამ ბაღის სრული რეაბილიტაცია და ბავშვებს რაც შეიძლება მალე შევუქმნათ კარგი გარემო და პირობები“.
სოფელ ველისციხის ორივე საბავშვო ბაღი დროებით ძველ შენობაში აგრძელებს სააღმზრდელო პროცესს. შენობის სრულად რეაბილიტაციის შემდეგ ორივე ბაღი ერთად განთავსდება.
 
მსოფლიო ჩემპიონი ალექსანდრე ზავრაშვილი სამშობლოში დაბრუნდაგურჯაანელი მსოფლიო ჩემპიონი მკლავჭიდში ალექსანდრე ზავრაშვილი სამშობლოში გვიან ღამით დაბრუნა. მას თბილისის საერთაშორისო აეროპორტში გურჯაანის მუნიციპალიტეტის საკრებულოს თავმჯდომარე ვანო ბერიძიშვილი და გამგებლის მოადგილე ალეკო ყვირალაშვილი ოჯახის წევრებთან და გულშემატკივრებთან ერთად დახვდნენ და ჩემპიონს გამარჯვება მიულოცეს.
შეგახსენებთ, რომ 15- 22 სექტემბერს, ლიტვის დედაქალაქ ვილნიუსში გამართულ მსოფლიო ჩემპიონატზე მკლავჭიდში, ვეჯინელი ალექსანდრე ზავრაშვილი მსოფლიო ჩემპიონი გახდა. მან გადამწყვეტი გამარჯვება აზერბაიჯანელ, მსოფლიოს მრავალგზის ჩემპიონთან მოიპოვა.
აღსანიშნავია, რომ ალექსანდრე ზავრაშვილმა 2014 წლის მაისში, ბაქოში გამართულ ევროპის ჩემპიონატზე მეორე ადგილი დაიკავა, მან ფინალური შეხვედრა სწორედ ამავე აზერბაიჯანელ სპორტსმენთან, მსაჯების არაობიექტურობის გამო წააგო.
გურჯაანის მუნიციპალიტეტს გამგეობა მსოფლიო ჩემპიონს საჩუქრად ფულად თანხას გადასცემს.
 
გურჯაანში დასუფთავების აქცია მოეწყოგურჯაანის მუნიციპალიტეტის საკრებულოს თავმჯდამარემ ვანო ბერიძიშვილმა და გამგებლის მოადგილემ ალეკო ყვირალაშვილმა გამგეობის თანამშრომლებთან ერთად აქციაში „დავასუფთავოთ საქართველო“ მიიღეს მონაწილეობა. მათ ქ.გურჯაანში „ობელისკების“ ტერიტორია დაასუფთავეს.
დასუფთავების ყოველწლიური საერთაშორისო კამპანია 19-21 სექტემბერს მსოფლიოს 134 ქვეყანაში ტარდება. საქართველო მსოფლიო კამპანიას 2010 წელს შეუერთდა. გურჯაანის მუნიციპალიტეტის გამგეობაც ყოველ წელს უერთდება აქციას.
 
გურჯაანელი მკლავჭიდელი ალექსანდრე ზავრაშვილი მსოფლიო ჩემპიონი გახდა 15- 22 სექტემბერს ლიტვის დედაქალაქ ვილნიუსში მიმდინარე მსოფლიო ჩემპიონატზე მკლავჭიდში, ვეჯინელი ალექსანდრე ზავრაშვილი მსოფლიო ჩემპიონი გახდა. მან გადამწყვეტი გამარჯვება აზერბაიჯანელ მსოფლიოს მრავალგზის ჩემპიონთან მოიპოვა . ალექსანდრე ზავრაშვილმა 2014 წლის მაისში, ბაქოში გამართულ ევროპის ჩემპიონატზე მეორე ადგილი დაიკავა, ფინალური შეხვედრა სწორედ იმავე აზერბაიჯანელ სპორტსმენთან, მსაჯების არაობიექტურობის გამო წააგო.
 
დღეს გურჯაანის მუნიციპალიტეტის გამგებელი გია გერგიძე ქ. გურჯაანის N1 საჯარო სკოლას ეწვია და მოსწავლეებს და პედაგოგებს ახალი სასწავლო წლის დაწყება მიულოცა. გია გერგიძემ მოსწავლეებს სკოლის წლების ნაყოფიერად გამოყებნება ურჩია, რაც შემდგომ მათი წარმატებების საწინდარი იქნება. გამგებელმა ახალი ხელისუფლების მიერ განათლების სისტემაში განხორციელებულ ცვლილებზეც ისიაუბრა .
 
15 სექტემბერს გურჯაანის მუნიციპალიტეტის სკოლამდელ სააღმზრდელო დაწესებულებებში სასწავლო პროცესი იწყება. გურჯაანის მუნიციპალიტეტის გამგებელმა გია გერგიძემ, ადგილობრივი ხელისუფლების სხვა წარმომადგენლებთან ერთად ახლად რეაბილიტირებული ვაზისუბნის, მუკუზნის და ჭანდრის საბავშო ბაღები დაათვალიერა. გამგებელი ადგილზე გაეცნო თუ როგორი მომზადებულები ხვდებიან საბავშვო ბაღები ახალ სასწავლო წელს. გურჯაანის მუნიციპალიტეტის გამგებელის განცხადებით: „წელს „სოფლის მხარდაჭერის პროგრამის“ ფარგლებში, მუნიციპალიტეტის ყველა სოფლის საბავშვო ბაღს ჩაუტარდა რეაბილიტაცია. რა თქმა უნდა ბაღების სრული რეაბილიტაცია დიდ თანხებს მოითხოვდა და გამოყოფილი თანხა საბავშვო ბაღებში ინფრასტრუქტურული საჭიროებების მიხედვით დაიხარჯა. ვფიქრობ, რომ ბევრი რამე გაკეთდა, კიდევ ბევრია გასაკეთებელი, თუმც დღეისთვის საბავშვო ბაღებში არსებული მდგომარეობა ნორმალურია.“
 
მუნიციპალიტეტის ხელმძღვანელებმა უხუცეს კალაურელ ნიკოლოზ ქევხიშვილს 100 წლის იუბილე მიულოცეს გურჯაანის მუნიციპალიტეტის გამგებელმა გია გერგიძემ და საკრებულოს თავმჯდომარემ ვანო ბერიძიშვილმა ადგილობრივი ხელისუფლების წარმომადგენლებთან ერთად კალაურელ ნიკოლოზ ქევხიშვილს 100 წლის იუბილე მიულოცეს. იუბილარს მუნიციპალიტეტის ხელმძღვანელებმა საჩუქრად სიმბოლური თანხა გადასცეს, ხოლო სოფლის ადმინისტრაციამ უხუცესი ხმლით დაასაჩუქრა.
ნიკალა პაპამ სტუმრეთან საკუთარი ბავშვობა, სტუდენტობა, მეორე მსოფლიო ომში გადატანილი ისტორიები და საქართველოდან გადასახლების პერიოდის ამბები გაიხსენა. ნილოლოზ ქევხიშვილი კალაურში ყველაზე უხუცესია, ის თავს მხნედ გრძნობს და სურს საკუთარი ცხოვრებისეული გამოცდილება შთამომავლობას გაუზიაროს. მას ორი შვილი, სამი შვილიშვილი და ორი შვილთაშვილი ჰყავს.