გურჯაანის მუნიციპალიტეტი გურჯაანის მუნიციპალიტეტი » გვერდი 42
 
გურჯაანელი სპორტსმენების კიდევ ერთი წარმატება7-9 ნოემბერს ქალაქ ონში გამართულ შურა მაისურაძის და გიორგი სხირტლაძის სახელობის რესპუბლიკურ ტურნირზე თავისუფალ ჭიდაობაში გურჯაანის რევაზ მინდორაშვილის სახელობის სკოლის ორმა სპორტსმენმა პირველი ადგილი დაიკავა.
ტურნირში გურჯაანიდან 3 ახალგაზრდა მოჭიდავე იღებდა მონაწილეობას, საიდანაც ორი ტურნირის გამარჯვებული გახდა.
85 კგ. წონით კატეგორიაში ბექა ნადაშვილმა, ხოლო 69 კგ. წონით კატეგორიაში იმედა ქაშიაშვილმა მოიპოვეს გამარჯვება.
 
გამგეობამ კიკბოქსინგელებს დაპირებული ინვენტარი გადასცაგურჯაანის სპორტსკოლის კიკბოქსინგის ჯგუფს გამგეობამ დაპირებული სპორტული ინვენტარი გადასცა. „ სპორტსკოლის ხელმძღვანელებისგან გავიგეთ, რომ „კიკბოქსინგის“ ჯგუფს ინვენტარის პრობლემა ჰქონდა და ჩვენ დავპირდით, რომ დავეხმარებოდით. გამგეობამ მათ კრივის ტომარა და ხელთათმანები შეუძნა, რომელიც დღეს გადავეცით. ეს დახმარება რა თქმა უნდა ერთჯერადი არ იქნება . “ - განაცხადა გამგებლის მოადგილემ ალექსანდრე ყვირალაშვილმა
„კიკბოქსინგის ჯგუფი „სპორტსკოლაში“ სამი წელია რაც ფუნქციონირებს და წარმატებებიც აქვს. შეგახსენებთ, რომ წელს თბილისში გამართულ კიკბოქსინგის კავკასიის პირველობაზე, სხვადასხვა წონით კატეგორიაში სპორტსკოლის 6 მოსწავლე ასპარეზობდა, საიდანც სამი სპორტსმენი ჩემპიონი გახდა.
 
"გურჯაანქალაქობა - 2014 "1 ნოემბერს „გურჯაანქალაქობა - 2014 “ გაიმართა. სახალხო ზეიმი კორორტ „ახტალის“ ტერიტორიაზე და კულტურის ცენტრში გაიმართა. მოეწყო ხალხური რეწვის ნიმუშების და მხატრული ნამუშევრების გამოფენა. გურჯაანის ღვინის ქარხნებმა წარმოადგინეს საკუთარი პროდუქცია, რომლის დაგემოვნების საშუალებაც ყველა სტუმარს შეეძლო. საკუთარი პროდუქციის გამოფენა მოაწყო ასევე სოფელ კაჭრეთის პროფესიულმა სასწავლებელმა „აისმა“.
კულტურის სახლში გამართულ ღონისძიებაზე დაჯილდოვდნენ საპატიო გურჯაანელები. საპატიო გურჯაანელის წოდება მიენიჭა : კინორეჟისორ რეზო ჩხეიძეს, ჰელსინკის XV ოლიმპიური თამაშების პირველ ქართველ ჩემპიონ ქალბატონს მზია ჯუღელს, საქართველოს რეგიონული განვითარების და ინფრასტრუქტურის მინისტრს დავით შავლიაშვილს, გურჯაანის რაიკომის პირვლ მდივანს (1979-1984 წწ) ბიჭიკო შინჯიაშვილს, გურჯაანის „ჯეო ჰოსპიტალის“ ექიმს ლალი დარჩიაშვილს, საქართველოს სამხედრო მეცნიერების აკადემიის აკადემიკოსს, საქართველოს სამხედრო აკადემიის პრეზიდენტს, ნობელის საერთაშორისო სამეცნიერო პრემიის ნომინანტს ეკონომიკაში გივი იასაშვილს, სატელივიზიო პროექტ „ეტალონის“ავტორს და წამყვანს გოჩა ტყეშელაშვილს, საზოგადოება „გურჯაანის“ საპატიო წევრს, მშენებელ ინჟინერს და მეღვინე - ტექნოლოგს დავით ლაღიძეს და არქეოლოგს, ძეგლთა დაცვის სპეციალისტს თამაზ მარკოზაშვილს.
 
გურჯაანის ღია პირველობა კრივშიგურჯაანში მოსწავლეთა შორის გურჯაანის ღია პირველობა კრივში ტარდება. ტურნირში მონაწილეობას 15 მუნიციპალიტეტიდან 84 ახალგაზრდა სპორტსმენი იღებს. სხვადასხვა წონით კატეგორიაში გამარჯვებულ სპორტსმენებს გამგეობის მიერ დაწესებეული პრიზები, სიგელები და მედლები გადაეცემათ.
ჩემპიონატი დღეს დაიწყო და 1 ნოემბერს დასრულდება. ტურნირი გურჯაანის მუნიციპალიტეტის გამგეობისა და გურჯაანის „სამების“ საკათედრო ტაძართან არსებული საქველმოქმედო ფონდის „დიდი ხარ შენ უფალოს“ ორგანიზებით ტარდება.
 
"გურჯაანქალაქობა - 2014 "
“გურჯაანქალაქობა - 2014 ” 1 ნოემბერს კურორტ „ახტალის“ ტერიტორიაზე გაიმართება. მოეწყობა ხალხური რეწვის ნიმუშების გამოფენა. გურჯაანის ღვინის ქარხნები წარმოადგენენ საკუთარ პროდუქციას და მოეწყობა დეგუსტაცია. საკუთარი პროდუქციის გამოფენას მოაწყობს ასევე სოფელ კაჭრეთის პროფესიული სასწავლებელი „აისი“. დღის განმავლობაში სხვადასხვა სპორტული და კულტურული ღონისძიებები მოეწყობა. ადგილობრივი შემსრულებლების და მოწვეული მომღერლების მონაწილეობით გაიმართება კონცერტი. მოხდება საპატიო გურჯაანელების დაჯილდოვება.
სადღესასწაულო ღონისძიებები დღის ბოლომდე გაგრძელდება, რომელზე დასწრებაც ყველა მსურველს შეეძლება.
„გურჯაანქალაქობისთვის" ადგილობრივი ბიუჯეტიდან 3755 ლარია გამოყოფილი.
 
გურჯაანის სპორტსკოლებს სპორტული ინვენტარი გადაეცათსპორტისა და ახალგაზრდობის საქმეთა სამინისტრომ გურჯაანში არსებულ სპორტსკოლებს საჩუქრად სპორტული ინვენტარი გადასცა. ფეხბურთის ბურთები, კრივის ტომარა, ხელთათმანები და ჩაფხუტები, საფეხბურთო და საკალათბურთო ფორმები, საჭიდაო ჩოხები და სხვა სპორტული ინვენტარი ააიპ „საფეხბურთო სკოლა გურჯაანს“, ააიპ „სპორტსკოლას“, ააიპ „სპორტკომპლექსს“ და ააიპ „რევაზ მინდორაშვილის სახელობის ჭიდაობის სპეციალიზირებულ სკოლას“ გადაეცა.
 
აქცია "გაიღე სისხლი-სიცოცხლის გადასარჩენად" გურჯაანშიდღეს გურჯაანში აქცია „გაიღე სისხლი-სიცოცხლის გადასარჩენად“ გაიმართა. აქციაში მონაწილეობა გურჯაანის მუნიციპალიტეტის საკრებულოს თავმჯდომარემ ვანო ბერიძიშვილმა, გამგებლის მოადგილემ ალეკო ყვირალაშვილმა, გამგეობის, საკრებულოს, ადმინისტრაციული ერთეულებისა და სახანძრო სამაშველო სამსახურის თანამშრომლებმა მიიღეს.
აქცია გურჯაანის მუნიციპალიტეტის გამგეობის და „ნატალია კვანტალიანის სახელობის ცენტრალური სისხლის ბანკის“ ორგანიზებით ჩატარდა, რომლის მიზანიც სხვადასხვა დაავადებების დროს საჭირო სისხლის მარაგის შექმნაა.
 
თვალის კლინიკა „ოფთალმიჯი“ გურჯაანში საქველმოქმედო აქციებს აგრძელებსჯავრიშვილის თვალის კლინიკა „ოფთალმიჯმა“ საქველმოქმედო აქცია სოფელ გურჯაანში გამართა. დღეს კლინიკის სპეციალისტებმა უფასო გამოკვლევა დაახლოებით 90 პაციენტს გაუწიეს. აქციის ორგანიზატორის, ჯავრიშვილის კლინიკა „ოფთალმიჯის“ კახეთის რეგიონული დირექტორის მანანა ხუციშვილის განცხადებით, საქველმოქმედო აქცია 2 კვირაა რაც დაიწყო და გურჯაანის მუნიციპალიტეტის რვა სოფელში უკვე ჩატრადა. სპეციალისტების კონსულტაცია 800-მდე პაციენტმა მიიღო.
ხვალ, 17 ოქტომბერს, 12 საათიდან ოფთალმოლოგები სოფელ ჭანდრის ამბულატორიაში მიიღებენ პაციენტებს.
აქციის ფარგლებში ჯავრიშვილის კლინიკის ექიმები გურჯაანის მუნიციპალიტეტის ყველა სოფელს ეწვევიან.
 
სოფელ ზიარში არქეოლოგიური გათხრები დაიწყოგურჯაანის მუნიციპალიტეტის სოფელ ზიარში არქეოლოგიური გათხრები დაიწყო. სპეციალისტები სოფელ ზიარში მდებარე ქვის ხანის ადამიანის სადგომი-სახელოსნოს შეისწავლიან, რომელიც მეცნიერთა ვარაუდით დაახლოებით ნახევარი მილიონი წლით თარიღდება.
სამუშაოები რამდენიმე დღეა რაც მიმდინარეობს. არქეოლოგებმა პირველ ეტაპზე ქვის ხანის ადამიანის სადგომი-სახელოსნოს მიმდებარე ტერიტორია შეისწავლეს, სადაც გვიანი შუა საუკუნეების (XVI-XVII სს) ნამოსახლარი, საყოფაცხოვრებო ნივთების და მოჭიქული კერამიკის ფრაგმენტები აღმოაჩინეს. გათხრებისას, ასევე აღმოჩნდა ცეცხლის ნაკვალევი, საიდანაც მოხდა სინჯების აღება და ლაბორატორიული კვლევის შემდეგ გახდება ცნობილი, თუ რა პერიოდს მიეკუთვნება.
აღმოჩენილი ნივთები საქართველოს ეროვნული მუზეუმის გურჯაანის ფონდსაცავს გადაეცემა.
ამჟამად ქვის ხანის ადამიანის სადგომი- სახელოსნოს ზედაპირის მცენარეებისაგან გაწმენდითი სამუშაოები მიმდინარეობს, რომლის დასრულების შემდეგაც არქეოლოგიური გათხრები გაგრძელდება.
 
რეგიონული და მუნიციპალური განვითარების მეორე პროექტი
გურჯაანში ბესიკის, ბარათაშვილისა და ჭავჭავაძის ქუჩების რეაბილიტაციის ქვე-პროექტის
ბუნებრივ და სოციალურ გარემოზე ზემოქმედების მართვის გეგმის საჯარო განხილვის ოქმი
10 ოქტომბერი, 2014
2014 წლის 10 ოქტომბერს გურჯაანში, მუსიკალური სკოლის შენობაში ჩატარდა გურჯაანში ბესიკის, ბარათაშვილისა და ჭავჭავაძის ქუჩების რეაბილიტაციის ქვე-პროექტის ბუნებრივ და სოციალურ გარემოზე ზემოქმედების მართვის გეგმის საჯარო განხილვა.