სოფელ ზიარში არქეოლოგიური გათხრები დაიწყოგურჯაანის მუნიციპალიტეტის სოფელ ზიარში არქეოლოგიური გათხრები დაიწყო. სპეციალისტები სოფელ ზიარში მდებარე ქვის ხანის ადამიანის სადგომი-სახელოსნოს შეისწავლიან, რომელიც მეცნიერთა ვარაუდით დაახლოებით ნახევარი მილიონი წლით თარიღდება.
სამუშაოები რამდენიმე დღეა რაც მიმდინარეობს. არქეოლოგებმა პირველ ეტაპზე ქვის ხანის ადამიანის სადგომი-სახელოსნოს მიმდებარე ტერიტორია შეისწავლეს, სადაც გვიანი შუა საუკუნეების (XVI-XVII სს) ნამოსახლარი, საყოფაცხოვრებო ნივთების და მოჭიქული კერამიკის ფრაგმენტები აღმოაჩინეს. გათხრებისას, ასევე აღმოჩნდა ცეცხლის ნაკვალევი, საიდანაც მოხდა სინჯების აღება და ლაბორატორიული კვლევის შემდეგ გახდება ცნობილი, თუ რა პერიოდს მიეკუთვნება.
აღმოჩენილი ნივთები საქართველოს ეროვნული მუზეუმის გურჯაანის ფონდსაცავს გადაეცემა.
ამჟამად ქვის ხანის ადამიანის სადგომი- სახელოსნოს ზედაპირის მცენარეებისაგან გაწმენდითი სამუშაოები მიმდინარეობს, რომლის დასრულების შემდეგაც არქეოლოგიური გათხრები გაგრძელდება.
 
რეგიონული და მუნიციპალური განვითარების მეორე პროექტი
გურჯაანში ბესიკის, ბარათაშვილისა და ჭავჭავაძის ქუჩების რეაბილიტაციის ქვე-პროექტის
ბუნებრივ და სოციალურ გარემოზე ზემოქმედების მართვის გეგმის საჯარო განხილვის ოქმი
10 ოქტომბერი, 2014
2014 წლის 10 ოქტომბერს გურჯაანში, მუსიკალური სკოლის შენობაში ჩატარდა გურჯაანში ბესიკის, ბარათაშვილისა და ჭავჭავაძის ქუჩების რეაბილიტაციის ქვე-პროექტის ბუნებრივ და სოციალურ გარემოზე ზემოქმედების მართვის გეგმის საჯარო განხილვა.
 
დღეს, გურჯაანის სამუსიკო სკოლაში მუნიციპალური განვითარების ფონდის პროექტის - ქალაქ გურჯაანში ბესიკის, ბარათაშვილისა და ჭავჭავაძის ქუჩების რეაბილიტაციის ქვე-პროექტის ბუნებრივ და სოციალურ გარემოზე ზემოქმედების მართვის გეგმის საჯარო განხილვა მოეწყო. შეხვედრას გურჯაანის მუნიციპალიტეტის გამგეობის თანამშრომლები, ბესიკის, ბარათაშვილისა და ჭავჭავაძის ქუჩების მაცხოვრებლები და მუნიციპალური განვითარების ფონდის წარმომადგენლები ესწრებოდნენ.
მუნიციპალური განვითარების ფონდის წარმომადგენელმა ანა რუხაძემ შეხვედრის მონაწილეებს პროექტის შესახებ მიაწოდა დეტალური ინფორმაცია და დასმულ შეკითხვებს უპასუხა.
 
ვეჯინის მოსახლეობის წყალმომარაგება  მალე გაუმჯობესდება
გურჯაანის მუნიციპალიტეტის სოფელ ვეჯინში ახალი ჭაბურღილი კეთდება, რომლის ამოქმედების შემდეგაც ვეჯინის მოსახლეობის დაახლოებით 80 პროცენტი წყალს ყოველდღიურად მიიღებს.
დღეისთვის სოფელს სასმელი წყალი გრაფიკით, კვირაში 2-3 ჯერ მიეწოდება.
ჭაბურღილის მოწყობის სამუშაოები რეგიონებში განსახორციელებელი პროექტების ფონდიდან ფინანსდება, რისთვისას 65 600 ლარი დაიხარჯება.
სამუშაოები დეკემბრის დასაწყისისთვი დასრულდება, რომელსაც ტენდერში გამარჯვებული ი/მ გურამ მამუკაშვილი ახორციელებს.
 
გურჯაანელი ძალოსანი გიორგი ბეროშვილი ორჭიდში მოსკოვის ღია პირველობის აბსოლუტური ჩემპიონი გახდა27 სექტემბერს რუსეთის დედაქალაქ მოსკოვში გამართულ მოსკოვის ღია პირველობაზე ორჭიდში საქართველოს სახელით მოასპარეზე გურჯაანელი სპორტსმენი გიორგი ბეროშვილი აბსოლუტური ჩემპიონი გახდა.
გიორგი ბეროშვილი 120 კგ. წონით კატეგორიშია ასპარეზობდა, სადაც პირველი ადგილი დაიკავა, რის შემდეგაც აბსოლუტურ წონით კატეგორიაში იასპარეზა. მან 277 კგ წონის აწევა შეძლო და ტურნირის აბსოლუტური ჩემპიონი და მსოფლიო რეკორდსმენი გახდა.
ტურნირში სხვადასხვა ქვეყნის 120 -ზე მეტი სპორტსმენი იღებდა მონაწილეობას.
გურჯაანის მუნიციპალიტეტის გამგებელი ჩემპიონს შეხვდა, გამარჯვება მიულოცა და წარმატებები უსურვა.
 
გამგებელი კიკბოქსინგში კავკასიის ჩემპიონებს შეხვდაგურჯაანის მუნიციპალიტეტის გამგებელი გია გერგიძე და გამგებლის მოადგილე ალექსანდრე ყვირალაშვილი კიკბოქსინგში კავკასიის 2014 წლის ჩემპიონებს შეხვდნენ და გამარჯვება მიულოცეს.
3-4 ოქტომბერს თბილისში გამართულ ამიერკავკასიის პირველობაზე კიკბოქსინგში სამმა გურჯაანელმა სპორტსმენმა მოიპოვა გამარჯვება. 35 კგ წონით კატეგორიაში ახაშნელმა გიგა გოგაშვილმა, 42 კგ წონით კატეგორიაში გურჯაანელმა შალვა ყანდიაშვილმა და 65 კგ წონით კატეგორიაში ჩუმლაყელმა ნიკა რუაძემ მოიპოვეს ოქროს მედლები. ტურნირში მონაწილეობას საქართველოს, სომხეთის და აზერბაიჯანის 200 -მდე სპორტსმენი იღებდა.
 
თვალის კლინიკა „ოფთალმიჯი“ გურჯაანში საქველმოქმედო აქციას ჩაატარებსჯავრიშვილის თვალის კლინიკა „ოფთალმიჯი“ 2 ოქტომბერს გურჯაანში საქველმოქმედო აქციას იწყებს. კლინიკის სპეციალისტები მოსახლეობას უფასო კონსულტაციებს გაუწევენ.
2 ოქტომბერს, 12 საათიდან ოფთალმოლოგები სოფელ ვაჩნაძიანის ამბულატორიაში ვაჩნაძიანის, კახიფარის და კალაურის მოსახლეობას გაუწევენ უფასო კონსულტაციებს.
საქველმოქმედო აქცია ვაჩნაძიანიდან იწყება და 3 ოქტომბერს შაშიანში, ხოლო 4 ოქტომბერს ვაზისუბანში გაიმართება.
აქციის ფარგლებში ჯავრიშვილის კლინიკის ექიმები გურჯაანის მუნიციპალიტეტის ყველა სოფელს ეწვევიან და უფასო კონსულტაციებს ჩაატარებენ.
 
27 სექტემბერს  გურჯაანში   „მწნილისა და მურაბის ფესტივალი“ გაიმართება
27 სექტემბერს გურჯაანში „მწნილისა და მურაბის ფესტივალი“ გაიმართება. „პაპას ბაღში“ მოეწყობა მწნილისა და მურაბის კუთხეები. ფესტივალი 12 საათზე გაიხსნება და მისულ სტუმრებს „მარნეულის სასაურსათო ქარხნის“ პროდუქციის დაგემოვნებისა და სპეციალურ ფასად შეძენის საშუალებაც ექნებათ. ფესტივალს ფოლკლორული ანსამბლი „მოძახილი“ გახსნის და სტუმრებს ანიმატორები და ქუჩის თეატრის მსახიობები გაართობენ. ორგანიზატორებმა პატარა სტუმრებისთვისაც იზრუნეს, სადაც მათ ტკბილეული და ზღაპრის გმირები ელოდებათ.
ფესტივალი შპს"ჯეპრას", სს „წყალი მარგებელის“ და შპს „მარნეულის სასურსათო ქარხნის“ ორგანიზებით საქართველოს 10 ქალაქში ტარდება. პირველად ფესტივალი 2013 წელს „თბილისობის“ დღესასწაულზე გაიმართა, რის შემდეგაც ის ყოველწლიური გახდა. ფესტივალის მიზანი ქართული სუფრის ტრადიციების წარმოჩენა და შენარჩუნებაა.
 
გამგებელმა და საკრებულოს თავმჯდომარემ ველისციხის ახალ საბავშვო ბაღში ჩატარებული სარეაბილიტაციო სამუშაოები დაათვალიერესგურჯაანის მუნიციპალიტეტის გამგებელმა გია გერგიძემ და საკრებულოს თავმჯდომარემ ვანო ბერიძიშვილმა ველისციხის ახალ საბავშვო ბაღში ჩატარებული სამუშაოები დაათვალიერეს. საბავშვო ბაღის ახალ შენობაში განთავსება და რეაბილიტაცია „სოფლის მხარდაჭერის პროგრამის“ ფარგლებში განხორციელდა, რისთვისაც 90 000 ლარი დაიხარჯა. გია გერგიძის განცხადებთ „ სრულდება სამუშაოების პირველი ეტაპი, რეაბილიტაცია ჩაუტარდა ოთახებს, შეიცვალა იატაკი და კარ-ფანჯრები, მოეწყო სველი წერტილები. რასაც ვხედავთ სამუშაოები კარგად არის შესრულობული, თუმც ჯერ-ჯერობით ბაღის ამ შენობაში გადმოტანა შეუძლებელია, რადგან დარჩენილია გარკვეული სამუშაოები, რომელიც ამ პროექტით ვერ განხორციელდა. ჩვენ აუცილებლად გამოვნახავთ საშუალებას რომ დასრულდეს ამ ბაღის სრული რეაბილიტაცია და ბავშვებს რაც შეიძლება მალე შევუქმნათ კარგი გარემო და პირობები“.
სოფელ ველისციხის ორივე საბავშვო ბაღი დროებით ძველ შენობაში აგრძელებს სააღმზრდელო პროცესს. შენობის სრულად რეაბილიტაციის შემდეგ ორივე ბაღი ერთად განთავსდება.
 
მსოფლიო ჩემპიონი ალექსანდრე ზავრაშვილი სამშობლოში დაბრუნდაგურჯაანელი მსოფლიო ჩემპიონი მკლავჭიდში ალექსანდრე ზავრაშვილი სამშობლოში გვიან ღამით დაბრუნა. მას თბილისის საერთაშორისო აეროპორტში გურჯაანის მუნიციპალიტეტის საკრებულოს თავმჯდომარე ვანო ბერიძიშვილი და გამგებლის მოადგილე ალეკო ყვირალაშვილი ოჯახის წევრებთან და გულშემატკივრებთან ერთად დახვდნენ და ჩემპიონს გამარჯვება მიულოცეს.
შეგახსენებთ, რომ 15- 22 სექტემბერს, ლიტვის დედაქალაქ ვილნიუსში გამართულ მსოფლიო ჩემპიონატზე მკლავჭიდში, ვეჯინელი ალექსანდრე ზავრაშვილი მსოფლიო ჩემპიონი გახდა. მან გადამწყვეტი გამარჯვება აზერბაიჯანელ, მსოფლიოს მრავალგზის ჩემპიონთან მოიპოვა.
აღსანიშნავია, რომ ალექსანდრე ზავრაშვილმა 2014 წლის მაისში, ბაქოში გამართულ ევროპის ჩემპიონატზე მეორე ადგილი დაიკავა, მან ფინალური შეხვედრა სწორედ ამავე აზერბაიჯანელ სპორტსმენთან, მსაჯების არაობიექტურობის გამო წააგო.
გურჯაანის მუნიციპალიტეტს გამგეობა მსოფლიო ჩემპიონს საჩუქრად ფულად თანხას გადასცემს.