სპეციალური ნაგავმზიდი მანქანა უკვე გურჯაანშია
გურჯაანის მუნიციპალიტეტის გამგებლის, ემზარ ჯიქურაშვილის ინიციატივით, გამგეობამ სპეციალური ნაგავმზიდი მანქანა შეიძინა, რომელიც თანამედროვე დახურული ტიპის კონტეინერების დაცლას და ნარჩენების გატანას უზრუნველყოფს.
თეთრი ფერის Ford cargo 1826 DC, 2014 წლის გამოშვებაა.
ახალი სპეციალური მანქანა ქალაქ გურჯაანის ქუჩებში 4 აპრილიდან გამოჩნდება, მას შემდეგ, რაც ერთი დღით ადრე, თანამედროვე 110 ნაგავშემკავ კონტეინერს განათავსებენ.
 
გურჯაანში მოსწავლეთა პროფესიული ორიენტაციის ხელშეწყობის პროგრამის ფარგლებში შეხვედრა გაიმართება3 აპრილს, 15 საათზე, ქ. გურჯაანის სამუსიკო სკოლის დარბაზში, სპოტისა და ახალგაზრდობის საქმეთა სამინისტროს, ახალგაზრდობის საქმეთა დეპარტამენტის უფროსი ნუგზარ კანდელაკი, მოსწავლეთა პროფესიული ორიენტაციის ხელშეწყობის პროგრამის ფარგლებში, დამამთავრებელი კლასის მოსწავლეებთან გამართავს შეხვედრას. შეხვედრაზე მოხდება წიგნის „აირჩიე პროფესია“ და ვებ-გვერდის www. myprofession.ge პრეზენტაცია. შეხვედრას ადგილობრივი ხელისუფლების წარმომადგენლები დაესწრებიან.
 
დასუფთავების აქცია გურჯაანშიგურჯაანის მუნიციპალიტეტის გამგეობის თანამშრომლებმა პროექტ „დავასუფთაოთ საქართველოს “ ფარგლებში ქალაქ გურჯაანის კულტურისა და დასვენების პარკი დაასაფთავეს. აქციაში გურჯაანის მუნიციპალიტეტის გამგებელმა, ემზარ ჯიქურაშვილმაც მიიღო მონაწილეობა.
 
„დავასუფთაოთ საქართველოს“ ფარგლებში შეხვედრას გამგებელი დაესწრო
ჩალაუბანში, საქართველოს მწვანეთა მოძრაობის პროექტის „დავასუფთაოთ საქართველო“ პრეზენტაციას გურჯაანის მუნიციპალიტეტის გამგებელი, ემზარ ჯიქურაშვილი დაესწრო.
შეხვედრაზე, სადაც, ჩალაუბნის, არაშენდის, ნანიანის, კაჭრეთის, ჯიმითის და ზემო კაჭრეთის რწმუნებულები იმყოფებოდნენ, პროექტის მენეჯერმა, ნინო ჩხობაძემ განმარტა, თუ როგორ არის შესაძლებელი საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის პროცესში.
 
აპრილის თვიდან, ქალაქ გურჯაანში, ნარჩენების მართვის ორგანიზება გაცილებით ეფექტური გახდება. მუნიციპალიტეტის გამგეობამ შეისყიდა 110 თანამედროვე დახურული ტიპის კონტეინერი, რომელთა განთავსება ქალაქის ტერიტორიაზე საჭიროებისამებრ მოხდება. თითოეულის ტევადობა 1100 ლიტრია და მას სპეციალური მანქანა მოემსახურება, რომელიც მუნიციპალიტეტის გამგეობამ შეიძინა.
 
„სოფლის მხარდაჭერის პროგრამის“ ფარგლებში გამართულ სოფლის საერთო კრებებზე, მოსახლეობამ პრიორიტეტულად საბავშვო ბაღების რეაბილიტაცია და ინვენტარით აღჭურვა დაასახელა.
წელს, გურჯაანის მუნიციპალიტეტისთვის 1 099 040 ლარია გამოყოფილი. აქედან, დაახლოებით 489 300 ლარი საბავშვო ბაღების შეკეთების, საჭირო ნივთების შეძენის და ფუნქციონირებისათვის შესაფერისი პირობების შექმნისთვის დაიხარჯება.
 
გურჯაანის მუნიციპალიტეტის გამგებლის, ემზარ ჯიქურაშვილის, 2014 წლის 19 თებერვლის მიმართვის საფუძველზე, ლევან სამხარაულის სახელობის „სასამართლო ექსპერტიზის ეროვნულმა ბიურომ“, 9 აპრილის №48 -ში მდებარე ავარიული კორპუსი შეისწავლა.
ვიზუალური დათვალიერების საფუძველზე, შენობა-ნაგებობის ტექნიკური მდგომარეობის დადგენის შემდეგ, გურჯაანის მუნიციპალიტეტმა მიიღო საინჟინრო ექსპერტიზის დასკვნა.
 
გურჯაანის მუნიციპალიტეტის გამგეობის კულტურის, განათლებისა და სოციალური განვითარების სამსახურის სპეციალისტის, თამაზ მარკოზაშვილის ინიციატივით, მოხდა უცნობი კულტურული ძეგლის აღრიცხვა.
ეკლესიის ნაშთი, რომელიც, სოფელ ჩუმლაყიდან აღმოსავლეთით, 15კმ-ის დაშორებით მდებარეობს, აქამდე შესწავლილი არ ყოფილა. ახლანდელი მდგომარეობით, შემორჩენილია ტაძრის საკურთხევლის კედლები, რომლებიც, რიყის მსხვილი ქვებითაა ნაგები.
 
გურჯაანში ღია მმართველობა საქართველოს ფარგლებში საჯარო შეხვედრა გაიმართადღეს გურჯაანის მუინიციპალიტეტში, სოფელ შაშიანის საზოგადოებრივ ცენტრში, ღია მმართველობა საქართველოს ფარგლებში საჯარო სამსახურის ბიუროს და ფონდ „ღია საზოგადოება საქართველოს“ წარმომადგენლებმა შეხვედრა გამართეს. მას ადგილობრივი ხელისუფლების, არასამთავრობო სექტორის და საზოგადოების წარმომადგენლები ესწრებოდნენ. შეხვედრა დიალოგის რეჟიმში წარიმართა, რომლის მთავარი მიზანიც იყო საზოგადოების ჩართულობის გაზრდა სახელმწიფო და თვითმმართველობის საქმიანობასა და გადაწყვეტილებების მიღების პროცესში.
 
გურჯაანის ჩემპიონატი მკლავჭიდში
დღეს, 14 მარტს, ჩემპიონატი მკლავჭიდში, „გურჯაანის მუნიციპალიტეტის მოსწავლეთა კომპლექსური სპარტაკიადის“ ფარგლებში გაიმართა.
შეჯიბრში 23 სკოლა მონაწილეობდა.
გუნდური პირველი ადგილი გურჯაანის №1 საჯარო სკოლამ დაიკავა. 3 -მა მოსწავლემ პირველობა არავის დაუთმო და 50-55-60 კგ. წონით კატეგორიებში გამარჯვება მოიპოვეს.