ვეჯინელი კიკბოქსინგელი თამარ  მთივლიშვილი საქართველოს ჩემპიონი გახდა20-21 დეკემბერს თბილისში გამართულ საქართველოს ჩემპიონატზე კიკბოქსინგში ერთადერთი გურჯაანელი გოგონა, 17 წლის თამარ მთივლიშვილი ჩემპიონი გახდა. თამარი ვეჯინის წმ. გიორგის სახელობის კრივის სკოლაში მეხუთე წელია ვარჯიშობს. იგი სამგზის საქართველოს და ერთგზის კავკასიის ჩემპიონია. ახალგაზრდა სპორტსმენი უფრო ფართო ასპარეზზე გასვლას გეგმავს.
საქართველოს ჩემპიონატში კიდევ ერთი გურჯაანელი, გიორგი ელიკაშვილი მონაწილეობდა, რომელმაც მეორე ადგილი დაიკავა.
სპორტსმენებს ჩემპიონატზე გამგზავრებაში გურჯაანის მუნიციპალიტეტის გამგეობა დაეხმარა. დღეს მათ გურჯაანის მუნიციპალიტეტის გამგებლის მოადგილე ალექსანდრე ყვირალაშვილი შეხვდა და წარმატება მიულოცა.
 
გურჯაანელი ძალოსანი გიორგი ბეროშვილი მსოფლიო ჩემპიონი გახდა
ველისციხელი ძალოსანი, 30 წლის გიორგი ბეროშვილი ძალისმიერ სამჭიდში მსოფლიო ჩემპიონი გახდა. ახალგაზრდა სპორტსმენმა 125 კგ და აბსოლუტურ (272,5 კგ) წონით კატეგორიაში ოქროს მედალი მოიპოვა. მსოფლიო ჩემპიონატი უკრაინის დედაქალაქ კიევში 12-14 დეკემბერს გაიმართა, რომელშიც 26 ქვეყნის 160 სპორტსმენი მონაწილეობდა.
გიორგი ბეროშვილმა მსოფლიო ჩემპიონობა მეორედ მოიპოვა.
დღეს ჩემპიონს გურჯაანის მუნიციპალიტეტის გამგეობის წარმომადგენლები შეხვდნენ და გამარჯვება მიულოცეს.

 
გურჯაანელი მოჭიდავე ბექა ნადაშვილი საერთაშორისო ტურნირის ჩემპიონი გახდაგურჯაანელი მოჭიდავე, 16 წლის ბექა ნადაშვილი ზედიზედ მესამედ სხვადასხვა ტურნირის ჩემპიონი გახდა. ახალგაზრდა სპორტსმენმა 6-7 დეკემბერს აჭარაში გამართულ გიორგი გოგიჩაიშვილის ხსოვნისადმი მიძღვნილ მე-10 საერთაშორისო ტურნირზე თავისუფალ ჭიდაობაში პირველი ადგილი დაიკავა. ტურნირში 5 ქვეყნის - საქართველოს, აზერბაიჯანის, სომხეთის, თურქეთის და რუსეთის წარმომადგენლები მონაწილეობდნენ.
შეგახსენებთ, რომ ბექა ნადაშვილი მიმდინარე წლის ნოემბერში ორი ტურნირის ჩემპიონი გახდა.
 
გურჯაანში ადგილობრივი თვითმართველობის მოხელეთა შესარჩევი კონკურსი გამოცხადდაგურჯაანის მუნიციპალიტეტის გამგეობასა და საკრებულოში 152 ვაკანტურ თანამდებობაზე კონკურსი გამოცხადდა. კონკურსში მონაწილეობის მსურველებს 14 დეკემბრამდე შეუძლიათ რეგისტრაცია გაიარონ საჯარო სამსახურის ბიუროს ადმინისტრირებულ ვებგვერდზე www.hr.gov.ge
 
გურჯაანის კულტურის ცენტრში რეჟისორ დავით ნაცვალაშვილის სპექტაკლის „ალაზანი დიდია“-ს პრემიერა გაიმართა. ორ მოქმედებიანი დრამა რომლის სცენარის ავტორიც თავად რეჟისორია რამდენიმე ცხოვრებისეული ეპიზოდისაგან შედგება, რომელიც საზოგადოებისთვის დღესათვის აქტუალურ თემებს ეხება. სპექტაკლში როლებს მოყვარული მსახიობები თამაშობენ.
9 წლიანი შესვენების შემდეგ გურჯაანის კულტურის ცენტრის სცენაზე გურჯაანელი არაპროფესიონალი მსახიობების მონაწილეობით წარმოდგენა პირველად დაიდგა.
 
ახაშენში შიდა საუბნო გზების რეაბილიტაცია მიმდინარეობსგურჯაანის მუნიციპელიტეტის სოფელ ახაშენში შიდა საუბნო გზების მოასფალტების სამუშაოები მიმდინარეობს. პროექტი რეგიონებში განსახორციელებელი პროექების ფონდიდან ფინანსდება, რისთვისაც 287 682 ლარი დაიხარჯება. ასფალტო- ბეტონის საფარი დაიგება ორ უბანში და მოეწყობა სანიაღვრე არხი. სამუშაოებს ტენდერში გამარჯვებული შპს „გზამშენი 2005 “ ასრულებს და წლის ბოლომდე დასრულდება.
 
ქალაქ გურჯაანში ავარიული საცხოვრებელი კორპუსის გამაგრების სამუშაოები სრულდებაქალაქ გურჯაანში 9 აპრილის ქუჩაზე 48 ნომერში მდებარე საცხოვრებელი კორპუსის გამაგრებითი სამუშაოები სრულდება. 45 ოჯახს თითქმის 10 წელია ავარიულ საცხოვრებელ ბინაში უწევს ცხოვრება. კორპუსის მაცხოვრებლების თქმით შენობის საძირკველი და კედლები იმდენად დაზიანებული იყო, რომ ჩამონგრევის საფრთხე არსებობდა. ავარიული კორპუსის რეაბილიტაციისთვის რეგიონებში განსახორციელებელი პროექტების ფონდიდან 65 600 ლარი გამოიყო. პროექტის ფარგლებში მოხდება შენობის საძირკველის და კედლების გამაგრება. სამუშაოებს ტენდერში გამარჯვებული შპს „მოდერნი“ აწარმოებს.
 
კონცერტი სამუსიკო სკოლაშიგურჯაანის სამუსიკო სკოლაში კონცერტი „შემოდგომის ზეიმი “ გაიმართა. ღონისძიებაში სამუსიკო სკოლის მოსწავლეები მონაწილეობდნენ. კონცერტს გურჯაანის მუნიციპალიტეტის საკრებულოს თავმჯდომარის მოადგილე ზვიად ყვირალაშვილი ადგილობრივი ხელისუფლების სხვა წარმომადგენლებთან ერთად დაესწრო.

 
გურჯაანელი მოჭიდავეების წარმატება
22-23 ნოემბერს ქუთაისში გამართულ დიმიტრი დოხტურაშვილის და ზაურ შეყრილაძის სახელობის მე-8 საერთაშორისო ტურნირზე თავისუფალ ჭიდაობაში გურჯაანელი ბექა ნადაშვილი ჩემპიონი გახდა. მესამე ადგილი კი 69 კგ წონით კატეგორიაში გურჯაანელმა იმედა ქაშიაშვილმა დაიკავა.
ტურნირში 5 ქვეყნის - საქართველოს, აზერბაიჯანის, სომხეთის, თურქეთის და რუსეთის 250 -მდე სპორტსმენი იღებდა მონაწილეობას. გურჯაანიდან ტურნირში 2 სპორტსმენი ასპარეზობდა, რომლებიც გურჯაანის რევაზ მინდორაშვილის სახელობის სკოლაში ვარჯიშობენ. გამარჯვებულ სპორტსმენებს დღეს გურჯაანის მუნიციპალიტეტის გამგებლის მოადგილე ალექსანდრე ყვირალაშვილი შეხვდა და გამარჯვება მიულოცა.
 
ქალაქ გურჯაანში ჭავჭავაძის ქუჩაზე გზის რეაბილიტაცია მიმდინარეობს. პროექტის ფარგლებში დაიგება ასფალტის ახალი საფარი, რეაბილიტაცია ჩაუტარდება ტროტუარებს და სრულად მოსეწრიგდება საგზაო ინფრასტრუქტურა. სამუშაოები მუნიციპალური განვითარების ფონდის დაფინანსებით მიმდინარეობს.
ამავე პროექტის ფარგლებში, ქალაქ გურჯაანში ახალი გზის საფარი დაიგება ბარათაშვილის და ბესიკის ქუჩებში, ასევე რეაბილიტაცია ჩაუტარდება ბესიკის ქუჩაზე არსებულ საკანალიზაციო სისტემას. პროექტი 2015 წლის გაზაფხულზე დასრულდება.