სტუმრად საზოგადოებრივ კოლეჯ  „აისში“
გურჯაანის მუნიციპალიტეტის გამგებელი, ემზარ ჯიქურაშვილი, კაჭრეთის საზოგადოებრივ კოლეჯ „აისს“ ესტუმრა და დაათვალიერა.
კაჭრეთის პროფესიული კოლეჯი განთავსებულია სპეციალურ კომპლექსში, რომელსაც 12 ჰა ტერიტორია უკავია. აქ ოთხი ძირითადი ნაგებობაა: სასწავლო, საყოფაცხოვრებო, საერთო საცხოვრებლის კორპუსები და ღვინის სახლი.
 
გამგებელმა კაჭრეთის „საზოგადოებრივი ცენტრის“ მშენებლობა დაათვალიერა
გურჯაანის მუნიციპალიტეტის გამგებელმა, ემზარ ჯიქურაშვილმა, ადგილობრივი ხელისუფლების წარმომადგენლებთან ერთად, კაჭრეთის „საზოგადოებრივი ცენტრის“ მიმდინარე მშენებლობა დაათვალიერა.
სოფელ კაჭრეთის „საზოგადოებრივი ცენტრის“ მშენებლობას, იუსტიციის სამინისტროს მიერ გამოცხადებულ ტენდერში გამარჯვებული კომპანია „ჰორიზონტი“ ახორციელებს.
„საზოგადოებრივი ცენტრების განვითარების პროექტის“ მიზანია ცენტრალური ხელისუფლების და მუნიციპალური სერვისები სოფლის მოსახლეობისთვის ხელმისაწვდომი გახადოს.
 
პროფესიული ორიენტაციის ხელშეწყობის პროგრამის პრეზენტაცია გურჯაანშიდღეს, გურჯაანის სამუსიკო სკოლაში, პროფესიული ორიენტაციის ხელშეწყობის პროგრამის ფარგლებში, სპოტისა და ახალგაზრდობის საქმეთა სამინისტროს, ახალგაზრდობის საქმეთა დეპარტამენტის ხელმძღვანელმა ნუგზარ კანდელაკმა და პროექტის კურატორმა შორენა შიუკაშვილმა დამამთავრებელი კლასის მოსწავლეებს სახელმძღვანელო „აირჩიე პროფესია“ და ვებ-გვერდი www. myprofession.ge გააცნეს.
 
გამგებელმა ბაკურციხის ყოფილი ტექნიკუმის ბიბლიოთეკა მოინახულა
გურჯაანის მუნიციპალიტეტის გამგებელმა, ემზარ ჯიქურაშვილმა, ადგილობრივი ხელისუფლების სხვა წარმომადგენლებთან და ბაკურციხის „წმინდა გიორგის სახელობის“ ეკლესიის მოძღვართან ერთად, სოფელ ბაკურციხის ყოფილი სასოფლო-სამეურნეო ტექნიკუმის ბიბლიოთეკა მოინახულა.
შენობა სავალალო მდგომარეობაშია, ინგრევა. შესაბამისად, იქ დაცულ უნიკალურ წიგნებს განადგურების საფრთხე ემუქრება.
 
სპეციალური ნაგავმზიდი მანქანა უკვე გურჯაანშია
გურჯაანის მუნიციპალიტეტის გამგებლის, ემზარ ჯიქურაშვილის ინიციატივით, გამგეობამ სპეციალური ნაგავმზიდი მანქანა შეიძინა, რომელიც თანამედროვე დახურული ტიპის კონტეინერების დაცლას და ნარჩენების გატანას უზრუნველყოფს.
თეთრი ფერის Ford cargo 1826 DC, 2014 წლის გამოშვებაა.
ახალი სპეციალური მანქანა ქალაქ გურჯაანის ქუჩებში 4 აპრილიდან გამოჩნდება, მას შემდეგ, რაც ერთი დღით ადრე, თანამედროვე 110 ნაგავშემკავ კონტეინერს განათავსებენ.
 
გურჯაანში მოსწავლეთა პროფესიული ორიენტაციის ხელშეწყობის პროგრამის ფარგლებში შეხვედრა გაიმართება3 აპრილს, 15 საათზე, ქ. გურჯაანის სამუსიკო სკოლის დარბაზში, სპოტისა და ახალგაზრდობის საქმეთა სამინისტროს, ახალგაზრდობის საქმეთა დეპარტამენტის უფროსი ნუგზარ კანდელაკი, მოსწავლეთა პროფესიული ორიენტაციის ხელშეწყობის პროგრამის ფარგლებში, დამამთავრებელი კლასის მოსწავლეებთან გამართავს შეხვედრას. შეხვედრაზე მოხდება წიგნის „აირჩიე პროფესია“ და ვებ-გვერდის www. myprofession.ge პრეზენტაცია. შეხვედრას ადგილობრივი ხელისუფლების წარმომადგენლები დაესწრებიან.
 
დასუფთავების აქცია გურჯაანშიგურჯაანის მუნიციპალიტეტის გამგეობის თანამშრომლებმა პროექტ „დავასუფთაოთ საქართველოს “ ფარგლებში ქალაქ გურჯაანის კულტურისა და დასვენების პარკი დაასაფთავეს. აქციაში გურჯაანის მუნიციპალიტეტის გამგებელმა, ემზარ ჯიქურაშვილმაც მიიღო მონაწილეობა.
 
„დავასუფთაოთ საქართველოს“ ფარგლებში შეხვედრას გამგებელი დაესწრო
ჩალაუბანში, საქართველოს მწვანეთა მოძრაობის პროექტის „დავასუფთაოთ საქართველო“ პრეზენტაციას გურჯაანის მუნიციპალიტეტის გამგებელი, ემზარ ჯიქურაშვილი დაესწრო.
შეხვედრაზე, სადაც, ჩალაუბნის, არაშენდის, ნანიანის, კაჭრეთის, ჯიმითის და ზემო კაჭრეთის რწმუნებულები იმყოფებოდნენ, პროექტის მენეჯერმა, ნინო ჩხობაძემ განმარტა, თუ როგორ არის შესაძლებელი საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის პროცესში.
 
აპრილის თვიდან, ქალაქ გურჯაანში, ნარჩენების მართვის ორგანიზება გაცილებით ეფექტური გახდება. მუნიციპალიტეტის გამგეობამ შეისყიდა 110 თანამედროვე დახურული ტიპის კონტეინერი, რომელთა განთავსება ქალაქის ტერიტორიაზე საჭიროებისამებრ მოხდება. თითოეულის ტევადობა 1100 ლიტრია და მას სპეციალური მანქანა მოემსახურება, რომელიც მუნიციპალიტეტის გამგეობამ შეიძინა.
 
„სოფლის მხარდაჭერის პროგრამის“ ფარგლებში გამართულ სოფლის საერთო კრებებზე, მოსახლეობამ პრიორიტეტულად საბავშვო ბაღების რეაბილიტაცია და ინვენტარით აღჭურვა დაასახელა.
წელს, გურჯაანის მუნიციპალიტეტისთვის 1 099 040 ლარია გამოყოფილი. აქედან, დაახლოებით 489 300 ლარი საბავშვო ბაღების შეკეთების, საჭირო ნივთების შეძენის და ფუნქციონირებისათვის შესაფერისი პირობების შექმნისთვის დაიხარჯება.