ანსამბლ "ერისიონის" კონცერტი ველისციხეშიველისციხის ვასო გოძიაშვილის სახელობის თეატრში ანსამბლ „ერისიონის“ კონცერტი გაიმართა. ქართული ხალხური სიმღერისა და ცეკვის სახელმწიფო აკადემიური ანსამბლი მაყურებლის წინაშე გრანდიოზული შოუ პროგრამით - „ქართული საგანძური“ წარდგა.
 
დღევანდელი მონაცემები ატმის რეალიზაციის შესახებ ატმის მოსავლის ექსპორტთან დაკავშირებით, წელს ქვეყანაში უკეთესი მდგომარეობაა შექმნილი, ვიდრე ეს წინა წელს იყო. ეს განსხვავება ფასზეც აისახება და ამ ეტაპისთვის ატმის ღირებულება 40 თეთრიდან 1 ლარამდე მერყეობს.
ექსპორტზე გასულია 1000 ტონაზე მეტი ატმის და ვაშლატამის მოსავალი.
ამ დროისთვის კი გურჯაანში სულ მოკრეფილია 6000 ტონაზე მეტი მოსავალი. გასულ წელს ამ პერიოდისთვის ექსპორტზე გატანილი იყო 200 ტონამდე პროდუქცია.
ივნისის მონაცემებით ატმის ფასი 40 თეთრიდან 1 ლარამდე მერყეობს, რაც გამომდინარეობს მისი ხარისხიდან.
ამ დროისთვის ხილის ექსპორტირება ხდება სომხეთში, აზერბაიჯანში, რუსეთში, უზბეკეთში, უკრაინაში.
წელს ატმის ექსპორტზე 18 კომპანიას აქვს ხელშეკრულება დადებული.
ამ დროისთვის ხინჯიანი, დაბალი ხარისხის ატმის და ვაშლატამის რაოდენობა მცირეა, რომლის რეალიზება ხდება ბაზარზე და მისი ფასი 30 თეთრიდან 40 თეთრამდე მერყეობს, რაც გასულ წელთან შედარებით 10 თეთრით მაღალია. საჭიროების შემთხვევაში ასეთი პროდუქტის ჩაბარება მოხდება ჩუმლაყის, მარნეულის და გორის კონცენტრანტების საწარმოში.
გურჯაანში, ამ დროსთვის 4 სამაცივრე მეურნეობა იბარებს ატამს და ვაშლატამას - ახაშენში, ველისციხეში და 2 ჩუმლაყში. რამდენიმე დღეში კიდევ 3 დაემატება.
ატმის მიღება დაიწყო ჩუმლაყის სამაცივრე მეურნეობამ, რომელიც ხილს 80 თეთრად იბარებს, საწარმო ამ დღეებში აამუშავებს დაფასოების ნაწილსაც, რომელიც აქამდე ტექნიკური მიზეზის გამო არ მუშაობდა.
წელს გურჯაანი დაახლოებით 28 000 ტონა ატმისა და ვაშლატამის მოსავალს ელოდება, საიდანაც ექსპორტზე 10000 ტონა გავა. წინა წლის სტატისტიკის მიხედვით, ექსპორტზე გავიდა 8000ტონა.➡️სოფლის მეურნეოობის სააგენტოში მოქმედებს ერთი ფანჯრის პრინციპი, რომელიც ხელს უწყობს ექსპორტიორებს გამარტივებული წესით მოხდეს პროდუქციის გატანა, ასევე გურჯაანში გახსნილია შტაბი რომელიც ატმის და ვაშლატამის ჩაბარება-რეალიზაციის ხელშეწყობის მიზნით მუშაობს.
 
გურჯაანის პარკის რეაბილიტაცია მალე დაიწყებაროგორც იცით, გურჯაანის პარკის რეაბილიტაცია მალე დაიწყება!
მოგეხსენებათ, პროექტი იმდენად მასშტაბურია, რომ საჭიროებს თითოეული ადგილის მიზნობრივად გამოყენებას. ამიტომაც, გურჯაანის მუნიციპალიტეტის მერიამ პარკის მიმდებარე ტერიტორია ძირითად განუსხვისებელ ტერიტორიად დაარეგისტრირა.
 
 ფესტივალი 'კუუსალუ-გურჯაანი' - 27 ივნისიგურჯაანმა საგუნდო და ხალხური სიმღერის საერთაშორისო ფესტივალს უმასპინძლა, რომლის ფარგლებშიც ესტონეთის კუუსალუს მუნიციპალიტეტსა და გურჯაანის მუნიციპალიტეტს შორის ურთიერთანამშრომლობის მემორანდუმი გაფორმდა.

მემორანდუმი ორ მხარეს შორის კულტურის, ეკონომიკის, ტურიზმისა და სოფლის მეურნეობის კუთხით თანამშრომლობას გულისხმობს, რომელსაც გურჯაანის მუნიციპალიტეტის მერმა, არჩილ ხანდამაშვილმა და მისმა ესტონელმა კოლეგამ, მონიკა სალუმ მოაწერეს ხელი.

ოფიციალური ნაწილის დასრულების შემდეგ კი გაიმართა კონცერტი, რომელშიც მონაწილეობა კუუსალუს (ესტონეთი), გურჯაანის, საგარეჯოსა და გარდაბნის მუნიციპალიტეტების ბავშვთა ანსამბლებმა და გუნდებმა მიიღეს.

კუუსალუს ბავშვთა გუნდმა ქართველ მსმენელს საჩუქარი გაუკეთა და ქართულად "სულიკო" და "შენ ხარ ვენახი" შეასრულა.

ფესტივალის ფარგლებში გურჯაანის მუნიციპალიტეტს ასევე სტუმრობდა კუუსალუს მუნიციპალიტეტის საკრებულოს თავმჯდომარე მაით კრონსტრომი.
 
„ერთიანი აგროპროექტის“ ფარგლებში, „აგროწარმოების ხელშეწყობის პროგრამის“ ბენეფიციარმა, მაია ბეროშვილმა გურჯაანის მუნიციპალიტეტის სოფელ გურჯაანში მარწყვის ახალი ბაღი გააშენა.

ბაღის გასაშენებლად სულ 50,000 ლარის ინვესტიცია განხორციელდა, აქედან, 11,285 ლარი ფერმერმა გრანტის სახით მიიღო, რომელიც სარწყავი სისტემების შესაძენად გამოიყო.

 
ველისციხეში წყლის ორი ახალი ჭაბურღილის მოწყობის სამუშაოები მიმდინარეობს.

ჭაბურღილიდან მოპოვებული წყალი სოფლის სათავეში მდებარე ავზში ჩაეშვება, საიდანაც მოსახლეობა მარაგდება.

ჭაბურღილების მოწყობის სამუშაოები რეგიონებში განსახორციელებელი პროექტების ფონდიდან, ადგილობრივი ბიუჯეტის თანამონაწილეობით 230 175 ლარით დაფინანსდა.სამუშაოებს ტენდერში გამარჯვებული შპს „ ჰიდროგეო“ ასრულებს
 
სოფელ ჩუმლაყში ე.წ. "კოშკის" უბნის გზა მოასფალტდება.

სარეაბილიტაციო სამუშაოები რამდენიმე დღეში დაიწყება, რომლის ფარგლებშიც 1000 მეტრზე დაიგება ასფალტის საფარი , მოეწყობა სანიაღვრე არხი და გაკეთდება საგზაო მონიშვნები.

პროექტს ტენდერში გამარჯვებული შპს"ნიუ ბილდ გრუპი" განახორცილებს, რომელიც რეგიონებში განსახორცილებელი პროექტების ფონდიდან, ადგილობრივი ბიუჯეტის თანამონაწილეობით, 366 000-მდე ლარით დაფინანსდება.
 
გურჯაანში, მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ორგანიზებით, მდგრადი ენერგეტიკის დღე აღინიშნა. ღონისძიებას, რომლის მიზანიც ადგილობრივი მოსახლეობის ინფორმირება და განახლებადი ენერგეტიკისა და ენერგოეფექტური ტექნოლოგიების პოპულარიზაციაში მათი ჩართვაა, მუნიციპალიტეტის მერი არჩილ ხანდამაშვილი შეუერთდა.

მდგრადი ენერგეტიკის დღე სხვადასხვა აქტივობებით იყო დატვირთული:

ღონისძიება გაიხსნა პრეზენტაციით თემაზე: ენერგოეფექტურობა-საზოგადოების გონებრივი არჩევანი, მოდერატორი ახალგაზრდული საბჭოს თავჯდომარე მარიამ ბაწელაშვილი;
ნაჩვენები იქნა მოკლემეტრაჟიანი დოკუმენტური ფილმები თემაზე ,,დაზოგე ელექტროენერგია“;
გაიმართა სპორტული შეჯიბრებები (რბოლა, ბოგირის გაწევა და ა.შ);
პატარა მხატვრებმა მოხატეს ასფალტი;
შესრულდა სპორტული ცეკვები ელექტრონული მუსიკის ფონზე;

სპორტულ შეჯიბრებებში გამარჯვებულებს ა(ა)იპ გურჯაანის სპორტული გაერთიანების ხელმძღვანელმა არჩილ გოგიაშვილმა საცურაო აუზის აბონემენტები გადასცა.


 
სოფელ არაშენდაში წყლის ჭაბურღილი მოეწყობა. სამუშაოებზე, რომელიც რეგიონებში განსახორციელებელი პროექტების ფონდიდან, ადგილობრივი ბიუჯეტის თანამონაწილეობით ფინანსდება ტენდერი გამოცხადდა და 17 ივლისს დასრულდება.

✅ ახალი ჭაბურღილიდან წყლით სოფლის ცენტრალური უბანი მომარაგდება და 250 -მდე ოჯახის წყალმომარაგება მნიშვნელოვნად გაუმჯობესდება
 
 შეხვედრა სოფელ ყიტაანში ატმის მწარმოებლებთან და ექსპორტიორებთანგურჯაანის მუნიციპალიტეტის მერი არჩილ ხანდამაშვილი სოფელ ყიტაანში ატმით მოვაჭრეებს და ექსპორტიორებს შეხვდა.

ისაუბრეს ატმისა და ვაშლატამის რეალიზაციასთან დაკავშირებულ საკითხებზე, არსებულ ფასზე, რომელიც დღეისთვის 50 თეთრიდან 1 ლარამდე მერყეობს და იმ გამარტივებულ პროცედურებზე, რომელსაც საქართველოს გარემოს დაცვისა და სოფლის მეურნეობის სამინისტრო უზრუნველყოფს.