გურჯაანში დეკანოზ გიორგი თევდორაშვილთან შეხვედრა გაიმართა
დღეს გურჯაანის სამუსიკო სკოლაში თბილისის ნარიყალას წმინდა ნიკოლოზის ეკლესიის წინამძღვართან, დეკანოზ გიორგი თევდორაშვილთან შეხვედრა გაიმართა.
შემოქმედებით საღამოზე მონაწილეობას სამუსიკო სკოლის პედაგოგები, მოსწავლეები და ადგილობრივი ფოლკლორული ანსამბლები იღებდნენ. მონაწილეებმა მამა გიორგის მიერ დაწერილი, ბევრისთვის უცნობი ლექსები წაიკითხეს, ასევე შესრულდა მუსიკოს მაია ჩუგოშვილის მიერ მამა გიორგის ლექსებზე დაწერლი ორი სიმღერის პრემიერა. მრევლმა მამა გიორგის გურჯაანში მოღვაწეობის პერიოდიც გაიხსენა.
 
ფაშიზმზე გამარჯვების 69-ე წლისთავი გურჯაანში
კახეთის მხარეში სახელმწიფო რწმუნებულმა-გუბერნატორმა ირაკლი შიოლაშვილმა და გურჯაანის მუნიციპალიტეტის გამგებელმა ემზარ ჯიქურაშვილმა ადგილობრივი ხელისუფლების წარმომადგენლებთან ერთად მეორე მსოლიო ომის გმირებს ფაშიზმზე გამარჯვების დღე მიულოცეს.
გამარჯვების 69-ე წლისთავთან დაკავშირებით მათ საბრძოლო დიდების მემორიალი და ომში გარდაცვლილთა საფლავები ყვავილებით შეამკეს.
 
გურჯაანს ესტონელები სტუმრობდნენ
გურჯაანის მუნიციპალიტეტის გამგებელმა ემზარ ჯიქურაშვილმა ადგილობრივი ხელისუფლების წარმომადგენლებთან ერთად ესტონეთის სამხრეთით მდებარე დასახლების, სეტომას მკვიდრთა დელეგაციას უმასპინძლა და მათ ქართული სუვენირები გადასცა.
სეტო ხალხი ესტონეთის განსაკუთრებული მოსახლეობაა, რომლებიც ინარჩუნებენ ტრადიციებს, პოლიფონიურ სიმღერას, რომელსაც UNESCO იცავს და არიან მართლმადიდებელი ქრისტიანები.
16 კაციანი დელეგაციის შემადგენლობაში იყვნენ: მომღერლების ქალთა და მამაკაცთა ჯგუფები, სეტომას ეკლესიის მოძღვარი, მამა ზაქარია და სეტო ხალხის მიერ არჩეული სეტომას ხელმძღვანელი.
 
ფაშიზმზე გამარჯვების 69 წლისთავისადმი მიძღვნილი ღონისძიებათა   ა ნ ო ნ ს ი9 მაისს, 11 საათზე მუნიციპალიტეტის ყველა სოფელში, ტერიტორიული ორგანოს რწმუნებულები და თანამშრომრომლები ყვავილებით შეამკობენ მეორე მსოფლიო ომში დაღუპულთა მემორიალებს.
12 საათზე, ქ.გურჯაანში საბრძოლო დიდების მეომორიალზე ადგილობრივი ხელისუფლების წარმომადგენლები გვირგვინებით შეამკობენ მეორე მსოფლიო ომში დაღუპულთა მემორიალურ დაფას, სადაც ომის ვეტერანებისადმი მიძღვნილი კონცერტი გაიმართება.
15 საათზე, სოფელ კარდენაში , შინ მოუსვლელთა პარკში გაიმართება კონცერტი და სპორტული ღონიოსძიება „გრანდიოზული“, რომელსაც ადგილობრივი ხელისუფლების წარმომადგენლები დაესწრებიან.
 
რეზო ჩხეიძე გურჯაანში
წელს ქართულ მხატვრულ ფილმს „ჯარისკაცის მამას“, რომელიც მეორე მსოფლიო ომის მოვლენებს ასახავს 50 წელი უსრულდება. ფილმის რეჟისორი რეზო ჩხეიძე ამ თარიღთან დაკავშირებით გურჯაანს სტუმრობდა.
ფილმის საიუბილეო თარიღი ცნობილ ქართველ რეჟისორს ადგილობრივი ხელისუფლების წარმომადგენლებმა მიულოცეს.
 
გურჯაანის მუნიციპალიტეტის გამგებელი სახალხო დამცველს შეხვდა დღეს გურჯაანის მუნიციპალიტეტის გამგებელი ემზარ ჯიქურაშვილი სახალხო დამცველს უჩა ნანუაშვილს შეხვდა. შეხვედრაზე მუნიციპალიტეტში ადამიანის უფლებათა დაცვის კუთხით არსებულ მდგომარეობაზე ისაუბრეს, ასევე გამოითქვა სურვილი, რომ ადგილობრივმა
ხელისუფლებამ თელავში ახლად გახსნილ სახალხო დამცველის ოფისთან მჭიდროდ და კოორდინირებულად ითანამშრომლოს.
 
ემზარ ჯიქურაშვილი კაჭრეთის ბაგა-ბაღ  „მზიანეთის“ ზეიმს დაესწრო
გურჯაანის მუნიციპალიტეტის გამგებელი, ემზარ ჯიქურაშვილი, ადგილობრივი ხელისუფლების წარმომადგენლებთან ერთად კაჭრეთის საბავშვო ბაგა-ბაღ „მზიანეთის“ ზეიმს დაესწრო.
„მზიანეთობა“, ანუ ბაღის დღესასწაული წელს პირველად გაიმართა. ამ დღესთან დაკავშირებით ბაღის ეზოში გამოიფინა ბავშვების ნამუშევრები.
კაჭრეთის ბაგა-ბაღ „მზიანეთის“ სახელობის დღესასწაული ყოველ წელს გაიმართება.
 
2014 წელს გურჯაანის მუნიციპალიტეტში განსახორციელებელი პროექტებიგურჯაანის მუნიციპალიტეტში 2014 წელს 39 ინფრასტრუქტურული პროექტი განხორციელდება, რისთვისაც ჯამში 3 270 000 ლარი დაიხარჯება. აქედან 26 პროექტი რეგიონებში განსახორციელებელი ფონდიდან ფინანსდება, რისთვისაც 2 მლ 995 000 ლარია გამოყოფილი, ხოლო 13 ინფრასტრუქტურული პროექტი ადგილობრივი ბიუჯეტიდან განხორციელდება, რომლისთვისაც 275 000 ლარია გამოყოფილი.
 
გურჯაანში კულტურული მემკვიდრეობის ძეგლების  რეაბილიტაცია დაიწყო
გურჯაანის მუნიციპალიტეტის სოფელ ფხოველში ლომისის წმ.გიორგის სახელობის ეკლესიის სარეაბილიტაციო სამუშაოები მიმდინარეობს. ფხოველის „ლომისა“ კულტურულ მემკვიდრეობის ძეგლია, რომელიც ადრეულ შუა საუკუნეებს მიეკუთვნება. სარეაბილიტაციო სამუშაოებს ფონდი „ქართუ“ აფინანსებს.
 
მაწანწალა ძაღლების პრობლემა ქ. გურჯაანში მალე მოგვარდება

ქ. გურჯაანში მაწანწალა ძაღლების პრობლემა სულ მალე მოგვარდება, რისთვისაც წელს ადგილობრივი ბიუჯეტიდან 14 000 ლარი გამოიყო.
გურჯაანის მუნიციპალიტეტის გამგეობის მიერ გამოცხადებულ ტენდერში, ინდ. მეწარმე დავით სულხანიშვილმა 13 700 ლარით გაიმარჯვა, რომელთანაც უახლოეს დღეებში 2014 წლის 25 დეკემბრამდე გაფორმდება ხელშეკრულება, რომლის თანახმადაც გამარჯვებულს, წელს ქ. გურჯაანში 330 მაწანწალა ძაღლის დაჭერის და თავშესაფარში გადაიყვანის ვალდებულება აქვს.
შეგახსენებთ, რომ ქალაქ გურჯაანში მაწანწალა ძაღლების პრობლემა დიდი ხანია არსებობს.