ქალაქ გურჯაანში მეორე საბავშვო ბაღის რეაბილიტაცია მიმდინარეობსქალაქ გურჯაანში № 2 საბავშვო ბაღის რეაბილიტაცია მიმდინარეობს. სამუშაოები გურჯაანის მუნიციპალიტეტის გამგებელმა გია გერგიძემ დაათვალიერა. პროექტის ფარგლებში მოხდება შენობის სრული რეაბილიტაცია და №2 საბავშვო ბაღი მუნიციპალიტეტში პირველი იქნება, რომელიც ყველა სტანდარტს დააკმაყოფილებს.
სარეაბილიტაციო სამუშაოები ადგილობრივი ბიუჯეტიდან 179 000 ლარით დაფინანსდა. სამუშაოებს ტენდერში გამარჯვებული შპს „ბურჯი“ ასრულებს. ხელშეკრულების პირობების თანახმად ახალ სასწავლო წელს 100- მდე ბავშვი ახალ საბავშვო ბაღში გააგრძელებს სააღმზრდელო პროცესს.
აღსანიშნავია, რომ მიმდინარე წელს , „რეგიონებში განსახორციელებელი პროექტების“ ფონდის დაფინანსებით, ქალაქ გურჯაანის № 3 საბავშვო ბაღის სრული რეაბილიტაციაც მოხდება.
 
დღეს მოსახლეობა ჭანდარსა და სოფელ გურჯაანში შეიკრიბადღეს მოსახლეობა სოფელ ჭანდარსა და სოფელ გურჯაანში შეიკრიბა .
ორივე სოფლის მოსახლეობამ "სოფლის მხარდაჭერის პროგრამის" ფარგლებში განსახორცილებლი პრიორიტეტული პროექტები შეარჩია.
ჭანდრელებმა ყველაზე მთავარ საკითხად სოფლის ამბულატორიის რეაბილიტაცია და საბავშვო ბაღში, სამზერეულოს მოწყობა დაასახელეს. სოფელ ჭანდრისთვის, პროგრამის ფარგლებში 38 415 ლარია გამოყოფილი. ეს თანხა სწორედ დასახელებულ პროეექტებს მოხმარდება.
ოთხ უბანში გარე განათების მოწყობა, სოფლის ორივე საბავშვო ბაღში ოთახების რეაბილიტაცია, რამდენიმე უბანში წყლის მაგისტრალის და ქსელის მოწყობა - ეს ის პროექტებია რომელზეც, მოსახლეობის გადაწყვეტილებით, სოფლისთვის გამოყოფილი 72 300 ლარი გადანაწილდება.
დღევანდელ შეხვედრებს გურჯაანის მუნიციპალიტეტის გამგებელი გია გერგიძე მოადგილესთან დიმიტრი კალატოზიშვილთან ერთად დაესწრო. გამგებელმა მოსახლეობას პირადად გააცნო ის ინფრასტრუქტურული პროექტები, რომელიც წელს ადგილბრივი ბიუჯეტიდან და რეგიონებში განსახორციელებელი პროექტების ფონდის დაფინანსებით ამ სოფლებში განხორციელდება.
 
 პრიორიტეტები ჩუმლაყის და ყიტაანის მოსახლეობამაც შეარჩიადღეს გურჯაანის მუნიციპალიტეტის გამგებელი გია გერგიძე ადგილობრივი ხელისუფლების წარმომადგენლებთან ერთად ჩუმლაყსა და ყიტაანში სოფლის საერთო კრებებს დაესწრო.
ყიტაანის მოსახლეობამ "სოფლის მხარდაჭერის პროგრამის " ფარგლებში განსახორცილებელ პროექტად, არსებული ჭაბურღილის და ქსელის რეაბილიტაცია შეარჩია. მეორე პრიორიტეტად კი, სხვა სოფლების მსგავსად, საბავშვო ბაღში სამზარეულოს რეაბილიტაცია დაასახელა. სოფლისთვის გამოყოფილი 12 933 ლარი სწორედ ამ პრობლემების მოგვარებას მოხმარდება.
სოფელ ჩუმლაყის მოსახლეობამ კი სოფლისთვის გამოყოფილი 65 759 ლარით, ერთ უბანში სანიაღვრე არხის მოწყობა, სასაფლაოს შემოღობვა, საბავშვო ბაღში სამზარეულოს რეაბილიტაცია და ტექნიკის შეძენა გადაწყვიტა.
შეკრებილმა მოსახლეობამ ერთ-ერთ პრიორიტეტად სკოლის უბანში ახალი ჭაბურრილის მოწყობაც დაასახელა, რომელიც სკოლას და რამდენიმე უბანს წყლით მოამარაგებს. როგორც შეხვედრაზე აიღნიშნა, პროგრამის ფარგლებში გამოყოფილი თანხით, პროექტის განხორციელება ვერ მოხერხდება, მაგრამ მათ გამგებელი დაჰპირდა, რომ ეს პროექტი ადგილობრივი ბიუჯეტიდან დაფინანსდება და ზაფხულისთვის სოფელს ახალი ჭაბურღილი ექნება.
 
 საქართველოს ჩემპიონატს კრივში გურჯაანმა უმასპინძლასაქართველოს ჩემპიონატი კრივში ჭაბუკთა შორის, რომელსაც 5 დღე გურჯაანი მასპინძლობდა დასრულდა. ჩემპიონატზე სამმა გურჯაანელმა მოკრივემ ბრიონჯაოს მედალი მოიპოვა.
თორნიკე მთივლიშვილმა 46 კგ. წონით კატეგორიში, ოთარ ჭიტაძემ 52 კგ. წონით კატეგორიში და +80 კგ. წონაში მალხაზ ნადირაშვილმა მესამე ადგილი დაიკავეს და ბრინჯაოს მედლებს დაეუფლნენ. ახალგაზრდა სპორტსმენებს მედლები და დიპლომები, ადგილობრივი თვითმართველობის ხელმძღვანელებმა გადასცეს.
უნდა აღინიშნოს, რომ ახალგაზრდა მოკრივეებმა საქართველოს ჩემპიონატზე პირველად იასპარეზეს.
 
 სოფლის საერთო კრება ახაშენსა და ჭერემში."სოფლის მხარდაჭერის პროგრამის " ფარგლებში განსახორციელებელი პროექტების შერჩევის მიზნით, სოფლის საერთო კრებები გრძელდება. დღეს მოსახლეობა ახაშენსა და ჭერემში შეიკრიბა. საერთო კრებებზე სოფელში არსებულ პრობლემებზე ისაუბრეს და ყველაზე მნიშვნელოვანი პრიორიტეტებიც განსაზღვრეს.
სოფელ ახაშენში პროგრამისთვის გამოყოფილი 47 387 ლარით რამდენიმე უბანს წყალმომარაგების პრობლემა მოეხსნება და მოიხრეშება გზა.
სოფელ ჭერემისთვის გამოყოფილი 5 334 ლარი, მოსახლეობის გადაწყვეტილებით, ასევე წყალმომარაგების გაუმჯობესებას მოხმარდება.
დღეს გამართულ კრებებს გურჯაანის მუნიციპალიტეტის გამგებელი გია გერგიძე და საკრებულოს თავმჯდომარე ვანო ბერიძიშვილი დაესწრნენ.
მუნიციპალიტეტის ხელმძღვანელობამ მოსახლეობას სხვა ინფრასტრუქტურული პროექტების შესახებაც მიაწოდა ინფორმაცია, რომელიც წელს ამ სოფლებში განხორციელდება.
 
 ვაზისუბანში და ველისციხეში სოფლის საერთო კრება გაიმართა დღეს „სოფლის მხარდაჭერის პროგრამის“ ფარგლებში სოფლის საერთო კრებები გაიმართა ვაზისუბანსა და ველისციხეში. სოფელ ვაზისუბანში, მიმდინარე წელს, პროგრამის ფარგლებში 71 836 ლარი დაიხარჯება. მოსახლეობამ აღნიშნული თანხით რამდენიმე უბანში სასმელი წყლის პრობლემის გადაჭრა და საბავშვო ბაღში წყლის რეზერვუარის დამონტაჟება გადაწყვიტა.
წყლის სათავე ნაგებობის რეაბილიტაცია, სპორტული დარბაზის აშენება, საბავშვო ბაღის შენობის დასრულება, რომელიც გასულ წელს სოფლის მხარდაჭერის პროგრამით გაკეთდა, საუბნო გზების რეაბილიტაცია - ეს ის პრობლემებია რომელთა გადაჭრაც ველისციხის მოსახლეობამ საერთო კრებაზე მოითხოვა. აზრთა სხვადასახვაობის გამო, ძირითადი პრიორიტეტის შერჩევა დღეს ვერ მოხერხდა და მათ მეორედ მოუწევთ შეკრება. სოფელ ველისციხისთვის 96 082 ლარია გამოყოფილი.
სოფლის საერთო კრებას მუნიციპალიტეტის გამგებელი გივი გერგიძე და საკრებულოს თავმჯდომარე ვანო ბერიძიშვილიც დაესწრნენ.
წელს გურჯაანის მუნიციპალიტეტისთვის "სოფლის მხარდაჭერის პროგრამის" ფარგლებში 1 095 561 ლარია გამოყოფილი. სოფლის საერთო კრებები 9 მარტს დაიწყო და 23 მარტს დასრულდება.
 
ზეგაანის და მუკუზნის მოსახლეობამ პრიორიტეტები შეარჩია დღეს, სოფლის საერთო კრებაზე "სოფლის მხარდაჭერის პროგრამის" ფარგლებში განსახორციელებელი პრიორიტეტები ზეგაანის და მუკუზნის მოსახლეობამ შეარჩია.
წელს სოფელ ზეგაანში, პროგრამის ფარგლებში 14 553 ლარი დაიხარჯება. მოსახლეობამ მთავარ მოსაგვარებელ პრობლემებად ე.წ. სასაფლაოს გზაზე სანიაღვრე არხის გაკეთება, საბავშვო ბაღში სამზარეულოს რეაბილიტაცია და შიდა უბნებში გარე განათების მოწყობა დაასახელა.
მუკუზნელებმა სოფლისთვის გამოყოფილი 25 642 ლარით, ასევე საბავშვო ბაღის სამზარეულოს რეაბილიტაცია და გარე განათების მოწყობა გადაწყვიტეს.
 
უფასო სასადილოს ბენეფიციართა რიცხვი 180- მდე გაიზარდაგურჯაანის მუნიციპალიტეტის უფასო სასადილოს ბენეფიციართა რიცხვი 180- მდე გაიზარდა. მიმდინარე წლის მარტიდან ააიპ „თანადგომას“, რომელიც სოციალურად დაუცველი ადამიანთა კვებას უზრუნველყოფ დაფინანსება გაიზარდა.
დღეისთვის გურჯაანის მუნიციპალიტეტის გამგეობაში შემოსული ყველა განცხადება, რომლითაც მოქალქეები უფასო სადილით სარგებლობას ითხოვდნენ დაკმაყოფილებულია. წელს ააიპ „თანადგომა“ ადგილობრივი ბიუჯეტიდან 148 000 ლარით დაფინანსდა.
 
სოფლის საერთო კრება კალაურსა და შაშიანში დღეს „სოფლის მხარდაჭერის პროგრამის“ ფარგლებში, პრიორიტეტების განსაზღვრის მიზნით, სოფლის საერთო კრებები კალაურსა და შაშიანში გაიმართა. მას გურჯაანის მუნიციპალიტეტის საკრებულოს თავმჯდომარე ვანო ბერიძიშვილი გამგებლის მოადგილესთან, დიმიტრი კალატოზიშვილთან ერთად დაესწრო. მოსახლეობამ მუნიციპალიტეტის ხელმძღვანელობასთან სოფელში არსებულ პრობლემებზე ისაუბრა და ის პრიორიტეტები შეარჩია, რომლის მოგვარებაც აღნიშნული პროგრამის ფარგლებში სურს.
სოფელ კალაურის მოსახლეობამ მთავარ პრიორიტეტად, სოფლის ორივე საბავშვო ბაღში, წყლის რეზერვუარის დამონტაჟება და შენობის ნაწილის რეაბილიტაცია შეარჩია, ასევე სოფლისთვის გამოყოფილი თანხით სოფლის ამბულატორიაში ორი ოთახის მოწყობა დაიგეგმა.
 
წელს„სოფლის მხარდაჭერის პროგრამის“ფარგლებში გურჯაანის მუნიციპალიტეტში 1  095 561 ლარი დაიხარჯებაგურჯაანის მუნიციპალიტეტში „სოფლის მხარდაჭერის პროგრამის“ ფარგლებში განსახორცილებელი პროექტების გამოვლენის მიზნით მოსალეობასთან შეხვედრები დაიწყო.
დღეს პრიორიტეტები, სოფლის საერთო კრებებზე, სოფელ ვაჩნაძეანისა და კახიფარის მოსახლეობამ შეარჩია. შეხვედრას მუნიციპალიტეტის გამგებელი გია გერგიძე და საკრებულოს თავმჯდომარე ვანო ბერიძიშვილი, ადგილობრივი ხელისუფლების სხვა წარმომადგენლეთან ერთად დაესწრნენ.
მსჯელობის შემდეგ, ორივე სოფლის მოსახლეობამ, პროგრამის ფარგლებში გამოყოფილი თანხებით, საბავშვო ბაღების რეაბილიტაცია დაასახელა.
მოსახლეობის გადაწყვეტილებით, სოფელ ვაჩნაძეანისთვის გამოყოფილი 38 517 ლარით, საბავშვო ბაღში მოეწყობა სამზარეულო და სურსათის შესანახე ოთახი, მეორე პრიორიტეტად კი სოფლის ამბულატორიის დაზიანებული სახურავის შეკეთება შეირჩა. სოფელ კახიფარისთვის გამოყოფილი 5656 ლარი კი, საბავშვო ბაღში - ბავშვთა ოთახის, სამზარეულოს რემონტს და ინვენტარის შეძენას მოხმარდება.
მოსალეობასთან შეხვედრის დასრულების შემდეგ ადგილობრივი თვითმართველობის ხელმძღვანელები აღნიშნულ საბავშვო ბაღებში და ამბულატორიაში არსებულ პრობლემებს ადგილზე გაეცნენ.
წელს „სოფლის მხარდაჭერის პროგრამის“ ფარგლებში გურჯაანის მუნიციპალიტეტისთვის 1 095 561 ლარია გამოყოფილი.
სოფლის საერთო კრებები მუნიციპალიტეტის ყველა სოფელში გაიმართება და 23 მარტს დასრულდება.