ახალი გზა ნატო ვაჩნაძის სახლ-მუზეუმამდესოფელ გურჯაანში ნატო ვაჩნაძის სახლ-მუზეუმამდე მისასვლელი გზის მოასფალტება მიმდინარეობს. პროექტის მიხედვით ახალი ასფალტი დაიგება თბილისი-თელავის ცენტრალური მაგისტრალიდან სახლ-მუზეუმამდე მისასვლელ 572 მეტრი სიგრძის გზაზე.
სამუშაოებს შ.პ.ს "გზამშენი 2005" აწარმოებს.
 
ტრენინგი მიგრაციისა და ევროკავშირთან უვიზო მიმოსვლის საკითხებზე
30 ივლისს გურჯაანის იუსტიციის სახლში ადგილობრივი თვითმმართველობის საჯარო მოხელეებისთვის, საინფორმაციო შეხვედრა მოეწყო მიგრაციის და ევროკავშირთან უვიზო მიმოსვლის საკითხებზე. მომხსენებლები სახელმწიფო მინისტრის აპარატის ევროპულ და ევროატლანტიკურ სტრუქტურებში ინტეგრაციის საკითხებში, მიგრაციის პოლიტიკის განვითარების საერთაშორისო ცენტრის (ICMPD), მიგრაციის საკითხთა სამთავრობო კომისიის სამდივნოს, საგარეო საქმეთა სამინისტროს, სახელმწიფო სერვისების განვითარების სააგენტოს, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს, და შინაგან საქმეთა სამინისტროს წარმომადგენლები იყვნენ.
შეხვედრა კითხვა-პასუხის რეჟიმში წარიმართა. მომხსენებლებმა ისაუბრეს საქართველოსა და ევროკავშირს შორის ასოცირების ხელშეკრულებით გათვალისწინებული ვალდებულებების შესრულებასა და ამ მიმართულებით გასატარებელ ღონისძიებებზე.
 
გურჯაანში სამხედრო მოსამსახურეებისთვის ღონისძიება მოეწყოგურჯაანის მუნიციპალიტეტის ტერიტორიაზე განლაგებული სამხედრო მოსამსახურეებისთვის, ადგილობრივი თვითმმართველობის ინიციატივით ღონისძიება გაიმართა, რომლის ფარგლებშიც ჯარისკაცებსა და ადგილობრივ სპორტსმენებს შორის შეჯიბრებები ჩატარდა ქართულ ჭიდაობასა და მკლავჭიდში. ღონისძიება დასრულდა კონცერტით, რომელშიც მონაწილეობას იღებდნენ ანსამბლი „გურჯაანი“ და ბიჭუნათა ფოლკლორული ანსამბლი „გურჯაანი“.
ღონისძიებას გურჯაანის მუნიციპალიტეტის ხელმძღვანელ პირებთან ერთად, საქართველოს თავდაცვის მინისტრი თინათინ ხიდაშელი და კახეთის გუბერნატორი ირაკლი შიოლაშვილი დაესწრენენ. სპორტულ შეჯიბრებებში გამარჯვებული მონაწილეები სპეციალური სიგელებითა და მედლებით დაჯილდოვდნენ.
 
 ახაშენში სტიქიის სალიკვიდაციო სამუშაოებში ჯარი ჩაერთოდღეს დილიდან სოფელ ახაშენში სტიქიის სალიკვიდაციო სამუშაობში თელავის მე - 20 კადრირებული ბრიგადის 100 ჯარისკაცი ოღებს მონაწილეობას. ისინი მოსახლეობას საკუთარი ეზოების გაწმენდაში ეხმარებიან, ასევე ქვა-ღორღისაგან ასუფთავებენ შიდა საუბნო გზებს და სანიაღვრე არხებს.
გაწმენდით სამუშაობში ჯარისკაცები ორი დღის განმავლობაში მიიღებენ მონაწილებას. სტიქიის სალიკვიდაციო სამუშაოებში ჯარისკაცების ჩართვა კახეთის მხარის გუბერნატორის ინიციატივით მოხდა.
 
სტიქია ახაშენში გვიან ღამით მოსულმა ძლიერმა წვიმამ გურჯაანის მუნიციპალიტეტის სოფელი ახაშენი დააზარალა. ჭარბი ნალექის შედეგად მოვარდნილმა წყალმა დატბორა საცხოვრებელი სახლები, ეზოები, დაზიანდა შიდა საუბნო გზები და ქვა-ღორღისგან ჩაიკეტა სოფელში გამავალი რკინიგზა.
 
ჩუმლაყსა და ყიტაანში ინტენსიური სამუშაოები მიმდინარეობსგურჯაანის მუნიციპალიტეტის სოფელ ჩუმლაყსა და სოფელ ყიტაანში „სოფლის მხარდაჭერის პროგრამის ფარგლებში“ სამუშაოები ინტენსიურად მიმდინარეობს. ამ დროისთვის რეაბილიტაცია უტარდება სოფელ ჩუმლაყის ამბულატორიას და მიმდინარეობს სოფლის სასაფლაოს შემოღობვა. სარეაბილიტაციო სამუშაოები მიმდინარეობს სოფელ ყიტაანის საბავშვო ბაღში, სადაც სტანდარტების შესაბამისად მოეწყობა სამზარეულო ოთახი და შეიცვლება ელექტრო გაყვანილობა. სამუშაოებს შპს „ნიუ ლაინი“ ასრულებს.
წელს „სოფლის მხარდაჭერის პროგრამის“ ფარგლებში სოფელ ჩუმლაყისთვის 65 759 ლარი, სოფელ ყიტაანისთვის კი 12 933 ლარი გამოიყო. პრიორიტეტული პროექტები სოფლის საერთო კრებაზე მოსახლეობამ, თავად შეარჩია.
 
გურჯაანის საჯარო ბიბლიოთეკაში წიგნის პრეზენტაცია გაიმართა
არასამთავრობო ორგანიზაცია „რადარამიმ“ გურჯაანის საჯარო ბიბლიოთეკის სამკითხველო დარბაზში, ჰედერ როჯერსის წიგნის „ხვალამდე გაქრება-ს“(ნაგვის გასაიდუმლოებული ისტორია) პრეზენტაცია გამართა. ღონისძიების ფარგლებში გაიმართა დისკუსია ეკოლოგიისა და გარემოს დაცვის საკითხებზე. დამსწრე საზოგადოებას საშუალება მიეცა აღნიშნულ თემებზე დაესვათ შეკითხვები. ღონისძიების ორგანიზატორთა თქმით ისინი შეხვედრებს სხვა მუნიციპალიტეტებშიც გამართავენ.
 
გურჯაანში საბავშვო ბაღების რეაბილიტაცია მიმდინარეობსგურჯაანის მუნიციპალიტეტის საბავშვო ბაღებში სარეაბილიტაციო სამუშაობი მიმდინარეობს. „რეგიონებში განსახორციელებელი პროექტების“ ფონდიდან ქალაქ გურჯაანის № 3 საბავშვო ბაღის სრული რეაბილიტაცია ხორციელდება. სარეაბილიტაციო სამუშაოები სრულდება ქალაქ გურჯაანის № 2 საბავშვო ბაღში, რომელიც ადგილობრივი ბიუჯეტიდან ფინანსდება.
„სოფლის მხადრაჭერის პროგრამის“ ფარგლებში საბავშვო ბაღების რეაბილიტაცია მიმდინარეობს თითქმის ყველა სოფელში, რომლის ფარგლებშიც სტანდარტების შესაბამისად მოეწყობა სამზარეულო ოთახები.
დღეს ა (ა)იპ „სკოლამდელი სააღმზრდელო დაწესებულების“ ხელმძღვანელი ლელა თევდორაშვილი ქალაქ გურჯაანის № 3 და სოფელ ჩუმლაყის № 1 საბავშვო ბაღებში მიმდინარე სამუშაოებს ადგილზე გაეცნო.
 
სოფელ კოლაგში შიდა გზების რეაბილიტაცია მიმდინარეობსსოფელ კოლაგში შიდა გზების რეაბილიტაცია მიმდინარეობს. მთლიანობაში ასფალტი იგება 2460 მეტრზე. პროექტის მიხედვით უნდა მოპირკეთდეს, სოფლის სასაფლაოსთან, ეკლესიასთან, ამბულატორიასთან, ადმინისტრაციულ შენობასთან და სკოლასთან მისასვლელი გზები. ახლიდან კეთდება სანიაღვრე არხები, კოლექტორები და რკინის ცხაურები. ამ დროისათვის უკვე დაგებულია 900 მეტრი გზა. სამუშაოებს ს.ს „კავკაზავტომაგისტრალი“ აწარმოებს.
სამუშაოებისთვის 563041 ლარი დაიხარჯება
 
 ბავშვთა დაცვის საერთაშორისო დღე გურჯაანში1 ივნისს მსოფლიო ბავშვთა დაცვის საერთაშორისო დღეს აღნიშნავს. ბავშვთა დღესთან დაკავშირებით ქალაქ გურჯაანში, „პაპას ბაღში“ სადღესასწაულო ღონისძიებები დილიდან დაიწყო. გურჯაანის თოჯინების სახელმწიფო თეატრმა პატარებისთვის სპექტაკლი , „სამი გოჭი“ წარმოადგინა, რის შემდეგაც საბავშვო ბაღის აღსაზრდელებმა თავად გადაინაცვლეს სცენაზე და კონცერტი გამართეს. სამხატვრო სკოლამ მოსწავლეების ნამუშევრების გამოფენა და პატარებისთვის ასფალტზე ხატვა მოაწყო. გურჯაანის №1 და № 4 საბავშვო ბაღის აღსაზრდელებს შორის კი მხიარული სტარტების ფინალი გაიმართა.
ღონისძიებაზე მისულ ბავშვებს „ გურჯაანის ნაყინმა“ და სანაყინე „პინგომ“ საკუთარი პროდუქციით უმასპინძლა.
ბავშვთა დაცვის დღისადმი მიძღვნილი ღონისძიებები კონცერტით დასრულდა, რომელიც სამუსიკო სკოლაში გაიმართა. ღონისძიებაზე სხვადასხვა კონკურსებში გამარჯვებული მოსწავლეებიც დაჯილდოვდნენ. გამგეობის წარმომადგენლებმა, გურჯაანის ხუთივე სამუსიკო სკოლას საჩუქრად ხმის გამახმოვანებელი აპარატურა გადასცა.