საკრებულოს წევრები მუნიციპალიტეტის სოფლებს ესტურნენ
საკრებულოს წევრები მუნიციპალიტეტის სოფლებს ესტურნენ
გურჯაანის მუნიციპლაიტეტის საკრებულოს სივრცით-ტერიტორიული დაგეგმარების, ინფრასტრუქტურისა და ბუნებრივი რესურსების კომისიის თავმჯდომარის ინიციატივით, საკრებულოს დეპუტატები ადგილზე გაეცნენ მუნიციპალიტეტის სოფლებში მიმდინარე და დასრულებულ პროექტებს.
საკრებულოს წევრებმა მოინახულეს, სოფელ ჩუმლაყის ამბულატორია, საბავშვო ბაღი და მინი სპორტული მოედანი, სოფელ ზეგაანში მიმდინარე გზის რეაბილიტაციის და დასრულებული საბავშვო ბაღის, სოფელ ველისციხეში რეაბილიტირებული N 1 საბავშვო ბაღის, სოფელ კალაურის ორივე რეაბილიტირებული საბავშვო ბაღის, მინი საფეხბურთო მოედნის და ამბულატორიის, სოფელ კახიფარისა და ვაჩნაძიანის საბავშვო ბაღების რეაბილიტაციის, სოფელ ვაჩნაძიანის კულტურის სახლის და ამბულატორიის რეაბილიტაციის ფარგლებში განხორციელებული პროექტები.
მომდევნო დღეებში, საკრებულოს დეპუტატები მუნიციპალიტეტის სხვა სოფლებში მიმდინარე და დასრულებულ პროექტებს ადგილზე გაეცნობიან.
 
გურჯაანში ორ საბავშვო ბაღს სრულმასშტაბიანი რეაბილიტაცია ჩაუტარდაქ. გურჯაანში #2 და #3 რეაბილიტირებული საბავშვო ბაღები გაიხსნა. გახსნის ცერემონიალს კახეთის გუბერნატორი ირაკლი შიოლაშვილი, გურჯაანის მუნიციპალიტეტის გამგებელი გია გერგიძე და საკრებულოს თავმჯდომარე ვანო ბერიძიშვილი დაესწრნენ.
#2 საბავშვო ბაღის რეაბილიტაციისთვის ადგილობრივი ბიუჯეტიდან 213177 ლარი დაიხარჯა, ხოლო #3 საბავშვო ბაღის რეაბილიტაციისთვის _ 199990 ლარი. #3 საბავშვო ბაღი რეგიონებში განსახორილებელი პროექტების ფარგლებში დაფინანსდა.
ორივე ბაღის ინფრასტრუტურა, თანამედროვე სტანდარტების შესაბამისად მოეწყო.
 
 ახაშენში სტიქიის სალიკვიდაციო სამუშაოებში ჯარი ჩაერთოდღეს დილიდან სოფელ ახაშენში სტიქიის სალიკვიდაციო სამუშაობში თელავის მე - 20 კადრირებული ბრიგადის 100 ჯარისკაცი ოღებს მონაწილეობას. ისინი მოსახლეობას საკუთარი ეზოების გაწმენდაში ეხმარებიან, ასევე ქვა-ღორღისაგან ასუფთავებენ შიდა საუბნო გზებს და სანიაღვრე არხებს.
გაწმენდით სამუშაობში ჯარისკაცები ორი დღის განმავლობაში მიიღებენ მონაწილებას. სტიქიის სალიკვიდაციო სამუშაოებში ჯარისკაცების ჩართვა კახეთის მხარის გუბერნატორის ინიციატივით მოხდა.
 
სტიქია ახაშენში გვიან ღამით მოსულმა ძლიერმა წვიმამ გურჯაანის მუნიციპალიტეტის სოფელი ახაშენი დააზარალა. ჭარბი ნალექის შედეგად მოვარდნილმა წყალმა დატბორა საცხოვრებელი სახლები, ეზოები, დაზიანდა შიდა საუბნო გზები და ქვა-ღორღისგან ჩაიკეტა სოფელში გამავალი რკინიგზა.
 
 ბავშვთა დაცვის საერთაშორისო დღე გურჯაანში1 ივნისს მსოფლიო ბავშვთა დაცვის საერთაშორისო დღეს აღნიშნავს. ბავშვთა დღესთან დაკავშირებით ქალაქ გურჯაანში, „პაპას ბაღში“ სადღესასწაულო ღონისძიებები დილიდან დაიწყო. გურჯაანის თოჯინების სახელმწიფო თეატრმა პატარებისთვის სპექტაკლი , „სამი გოჭი“ წარმოადგინა, რის შემდეგაც საბავშვო ბაღის აღსაზრდელებმა თავად გადაინაცვლეს სცენაზე და კონცერტი გამართეს. სამხატვრო სკოლამ მოსწავლეების ნამუშევრების გამოფენა და პატარებისთვის ასფალტზე ხატვა მოაწყო. გურჯაანის №1 და № 4 საბავშვო ბაღის აღსაზრდელებს შორის კი მხიარული სტარტების ფინალი გაიმართა.
ღონისძიებაზე მისულ ბავშვებს „ გურჯაანის ნაყინმა“ და სანაყინე „პინგომ“ საკუთარი პროდუქციით უმასპინძლა.
ბავშვთა დაცვის დღისადმი მიძღვნილი ღონისძიებები კონცერტით დასრულდა, რომელიც სამუსიკო სკოლაში გაიმართა. ღონისძიებაზე სხვადასხვა კონკურსებში გამარჯვებული მოსწავლეებიც დაჯილდოვდნენ. გამგეობის წარმომადგენლებმა, გურჯაანის ხუთივე სამუსიკო სკოლას საჩუქრად ხმის გამახმოვანებელი აპარატურა გადასცა.
 
26 მაისს გურჯაანში დამოუკიდებლობის დღისადმი მიძღვნილი ღონისძიებები გაიმართება 26 მაისს, გურჯაანში დამოუკიდებლობისადმი მიძღვნილი ღონისძიებები 12 საათზე დაიწყება. კურორტ „ახტალის“ ტერიტორიაზე მოეწყობა სამუზეუმო ექსპონატების, მხატვრული ნამუშევრების, ხალხური რეწვის ნიმუშების და ფოტო ნამუშევრების - „ძველი გურჯაანი“ გამოფენა. 26 მაიის, საკუთარ პროდუქციას გურჯაანში მოქმედი საწარმოებიც წარმოადგენენ. ასევე მოეწყობა შშმ პირთა ნამუშევრების გამოფენა. გურჯაანის მუნიციპალიტეტის გამგეობა კი მოსახლეობას გაწეული საქმიანობის ანგარიშს წარუდგენს. გამოფენების პარალელურად გაიმართება კონცერტი და სპორტული შეჯიბრებები. დამოუკიდებლობის დღისადმი მიძღვნილი ღონისძიებები 14 საათზე, გურჯაანის შესახებ, დოკუმენტური ფილმის „არის ასეთი ქვეყანა“ პრეზენტაციით დასრულდება. ფილმის ჩვენება გურჯაანის თოჯინების თეატრში გაიმართება.
 
ალექსანდრე ყვირალაშვილი წოლჭიმის მსოფლიო ჩემპიონატზე გამარჯვებულ გიორგი ბეროშვილს შეხვდადღეს გურჯაანის მუნიციპალიტეტის გამგებლის მოადგილე ალექსანდრე ყვირალაშვილი წოლჭიმის 2015 წლის მსოფლიო ჩემპიონატში გამარჯვებულ გიორგი ბეროშვილს შეხვდა. ალექსანდრე ყვირალაშვილმა ახალგაზრდა სპორტსმენს უკრაინაში, მსოფლიო ჩემპიონატზე მოპოვებული გამარჯვება მიულოცა და მის სამომავლო გეგმებზე ისაუბრეს. შეგახსენებთ, რომ 31 წლის ველისციხელი ძალოსანი, გიორგი ბეროშვილი 14-17 მაისს, უკრაინის ქალაქ ლუცკში გამართულ საიუბილეო მსოფლიო ჩემპიონატზე, პროფესიულ კატეგორიაში ჩემპიონი გახდა. მან ყველაზე მეტი წონა, 297,5 კგ ასწია და მსოფლიოს საუკეთესო შედეგი დააფიქსირა.
გიორგი ბეროშვილმა წოლჭიმში ჩემპიონის ტიტული მეორედ მოიპოვა.
 
ველისციხის სახალხო თეატრი 130 წლის იუბილეს აღნიშნავსველისციხის ვასო გოძიაშვილის სახელობის სახალხო თეატრი 130 წლის იუბილეს აღნიშნავს. საიუბილეო თარიღთან დაკავშირებით ველისციხეში სხვადასხვა კულტურული ღონისძიებები გაიმართება.
დღეს, 22 მაისს, 18 საათზე, ველისციხის კულტურის ცენტრის დარბაზში, „იუმორინას“ მსახიობების და მუსიკოსების მონაწილეობით კონცერტი გაიმართება.
23 მაისს, 18 საათზე, კოტე მარჯანიშვილის სახელობის თეატრალური დასი სპექტაკლს „თავისუფალი პეპელა“ (რეჟისორი ანი ხიდაშელი, სადადგმო ხელმძღვანელი ლევან წულაძე) გამართავს.
24 მაისს, 16 საათზე თეატრის საიუბილეო საღამო გაიმართება.
დახურვის ღონისძიებას კულტურის სამინისტროს, სამხარეო ადმინისტრაციის, ადგილობრივი თვითმართველობის წარმომადგენლები და ხელოვნების მოღვაწეები დაესწრებიან.
ველისციხის თეატრის საიუბილეო დღეების ორგანიზიტორი ააიპ „ველისციხის თეატრია.“
 
„ჯაყო“ გურჯაანის კულტურის ცენტრის სცენაზე.გურჯაანის კულტურის ცენტრის სცენაზე ცხინვალის ივანე მაჩაბლის სახელობის სახელმწიფო თეატრალურმა დასმა, წარმოდგება გამართა. სპექტაკლი „ჯაყო“ რეჟისორმა გოჩა კაპანაძემ მიხეილ ჯავახიშვილის რომანის „ჯაყოს ხიზნების“ მიხედვით დადგა. წარმოდგენას ადგილობრივი ხელისუფლების წარმომადგენლ;ებიც დაესწრნენ.
 
გურჯაანის საკალათბურთო გუნდი კახეთის თასის მფლობელი გახდაგურჯაანის 1998-1997 წლიანთა საკალათბურთო გუნდი კახეთის პირველობის გამარჯვებული გახდა. ფინალურ შეხვედრაში გურჯაანელებმა 62 : 59 თელაველები დაამარცხეს. რეგიონულ ტურნირში, რომელიც სექტემბერში დაიწყო, კახეთის ყველა მუნიციპალიტეტის გუნდი მონაწილეობდა. აღსანიშნავია, რომ გურჯაანელებმა რეგიონის თასი ზედიზედ მეორედ მოიპოვეს.