გურჯაანში აგვისტოს ომში დაღუპული  გმირები ალექსი ნატროშვილი და სოსო ღვინიაშვილი  გაიხსენესდღეს გურჯაანის მუნიციპალიტეტის გამგებელმა გია გერგიძემ და საკრებულოს თავმჯდომარემ ვანო ბერიძიშვილმა ადგილობრივი ხელისუფლების სხვა წარმომადგენლებთან ერთად აგვისტოს ომში დაღუპულ გმირებს პატივი მიაგეს და მათი საფლავები გვირგვინებით შეამკეს.
2008 წლის აგვისტოს ომშო ორი გურჯაანელი ახალგაზრდა, ვაჩნაძიანელი ალექსი ნატროშვილი და მახარაძელი სოსო ღვინიაშვილი გმირულად დაიღუპნენ.
 
ანსამბლი "ხარება" ესტონეთში საერთაშორისო ფოლკლორულ ფესტივალზე მიემგზავრება8-10 აგვისტოს გურჯაანის ანსამბლი „ხარება“ ესტონეთში, ტალინში გასამართ საერთაშორისო ფოლკლორულ ფესტივალ „voru folk“-ზე გაემგზავრება.
ფესტივალში მონაწილეობას 29 ქვეყნის ფოლკლორული ანსამბლები მიიღებენ.
 
სოფელ ვაზისუბანში ე.წ. "სანაგირეს"გზის რეაბილიტაცია დაიწყოსოფელ ვაზისუბანში რეგიონებში განსახორციელებელი პროექტების ფონდის დაფინანსებით ე.წ. „სანაგირეს“ გზის რეაბილიტაცია დაიწყო.
პროექტის ფარგლებში მოიხრეშება 7 კმ-იანი სიგრძის გზა, გაკეთდება სანიაღვრე არხები და რამდენიმე ადგილზე მოეწყობა ხიდ-ბოგირები. აღნიშნული გზა სოფელს სანაგირეს მონასტერთან აკავშირებს, რომელიც (X-XI სს) ეროვნული მნიშვნელობის, კულტურული მემკვიდრეობის ძეგლია.
 
სოფელ ჩუმლაყში ახალი ჭაბურღილი მოეწყოსოფელ ჩუმლაყში სასმელი წყლის შიდა საუბნო ქსელის და ჭაბურღილის მოწყობის სამუშაოები სრულდება. პროექტი რეგიონებში განსახორციელებელი პროექტების ფონდიდად ხორციელდება, რისთვისაც 84 049 ლარი დაიხარჯება.
პროექტის ფარგლებში მოეწყო ახალი ჭაბურღილი, 1065 მეტრზე გაკეთდა სასმელი წყლის ახალი ქსელი და დამონტაჟდება 2 ( ჯამში 40 ტონამდე) რეზერვუარი . არსებული რეზერვუარებიდან წყალს 2000-მდე მოსახლე მიიღებს. სამუშაოებს ი/მ გურამ მამუკაშვილი ასრულებს.
წელს, რეგიონებში განსახორციელებელი პროექტების ფონდიდან ექვს სოფელში მოეწყობა ახალი ჭაბურღილი, რისთვისაც ჯამში დაახლოვებით 500 000 ლარი დაიხარჯება.
 
სოფელ ჭანდარში საბავშვო ბაღის რეაბილიტაცია მიმდინარეობსგურჯაანის მუნიციპალიტეტის სოფელ ჭანდარში საბავშვო ბაღის რეაბილიტაცია მიმდინარეობს. სამუშაოები „სოფლის მხარდაჭერის პროგრამის ფარგლებში “ ხორციელდება. საბავშო ბაღის რეაბილიტაციისთვის 6 000 ლარი დაიხარჯება. სამუშაოებს ი/მ „გიორგი გოგინაშვილი“ ასრულებს.
წელს სოფელ ჭანდარში „სოფლის მხარდაჩერის პროგრამის ფარგლებში“ , ასევე რამდენიმე უბანში მოეწყო გარე განათება და სანიაღვრე არხები. სოფლის სასაფლაოზე მოეწყობა საპირფარეშო.
წელს პროგრამის ფარგლებში სოფელ ჭანრდისთვის 38 597 ლარი გამოიყო.
პრიორიტეტები სოფლის საერთო კრებაზე თავად მოსახლეობამ შეარჩიე.
 
გურჯაანი-არაშენდის საავტომობილო გზის რეაბილიტაცია დასრულდა
გურჯაანი-არაშენდის საავტომობილო გზის რეაბილიტაცია დასრულდა. პროექტის ფარგლებში 4 კმ-ზე დაიგო ასფალტის ახალი საფარი. მოეწყო მილხიდები და მოხდა ე.წ. „ლაკბის ხიდის“ აღდგენა.
სამუშაოები რეგიონებში განსახორციელებელი პროექტების ფონდიდან დაფინანსდა რისთვისაც 906 557 ლარი გამოიყო. სარეაბილიტაციო სამუშაოები შპს „გზამშენი 2005“ შეასრულა.
აღნიშნული გზით ე.წ. „უკანა მხრის“ სოფლის მოსახლეობა სარგებლობს, რომლითაც ისინი ქალაქ გურჯაანს შემოკლებული გზით უკავშირდებიან.

 
სოფელ ზიარში არქეოლოგიური გათხრები იწყება მომავალი კვირიდან სოფელ ზიარში ქართველი არქეოლოგების ჯგუფი დაიწყებს მუშაობას, რომელსაც პროფესორი ნიკა თუშაბრამიშვილი უხელმძღვანელებს. არქეოლოგები სოფელ ზიარში მდებარე ქვის ხანის ადამიანის სადგომი-სახელოსნოს შეისწავლიან, რომელიც მეცნიერთა ვარაუდით დაახლოებით ნახევარი მილიონი წლით თარიღდება. არქეოლოგიური გათხრები დაახლოვებით 1 თვე გაგრძელდება.
აღნიშნული ტერიტორი არქეოლოგიურმა ექსპედიციამ, კიანზო ფიცხელაურის ხელმძღვანელობით გასული საუკუნის 60-იან წლებში ნაწილობრივ შეისწავლა, რომლის დროსაც აღმოჩნდა უნიკალური, ქვის ხანის იარაღები: ხელცულები, ნუკლეუსები, წვეტანები, საფხეკები და ა.შ.
ამ ეტაპზი იგეგმება ტერიტორიის სრული შესწავლა.

 
ფხოველის „ლომისას“  პირვანდელი სახე დაუბრუნდა
გურჯაანის მუნიციპალიტეტის სოფელ ფხოველში ლომისის წმ.გიორგის სახელობის ეკლესიის სარეაბილიტაციო სამუშაოები დასრულდა. ფხოველის „ლომისა“ კულტურული მემკვიდრეობის ძეგლია, რომელიც ადრეულ შუა (VIII-IX ) საუკუნეებს მიეკუთვნება. ეკლესია დარბაზული ტიპისაა და ე.წ. „კიკოს“ ტყეში მდებარეობს. პროექტის ავტორი არქიტექტორი ნოდარ მინდორაშვილია. სარეაბილიტაციო სამუშაოები ფონდმა „ქართუმ“ დააფინანსა.
მიმდინარე წელს გურჯაანის მუნიციპალიტეტის გამგეობის შუამდგომლობით, ფონდი "ქართუს" დაფინანსებით 7 ძეგლს ჩაუტარდა რეაბილიტაცია.
 
გურჯაანის მუნიციპალიტეტს  ახალი  გამგებელი  ჰყავს. გურჯაანის მუნიციპალიტეტს ახალი გამგებელი ჰყავს. გია გერგიძე დღეიდან შეუდგა მუშაობას.
ის პირველი გამგებელია, რომელიც მოსახლეობამ პირდაპირი წესით აირჩია. თვითმმართველობის არჩევნებში გია გერიძემ, რომელიც კოალიცია „ქართული ოცნება-დემოკრატიული საქართველოს“ კანდიდატი იყო 61,25 % მიიღო.
დღეს გამგებელი თანამშრომლებს შეხვდა და მათ სამსახურებრივ საქმიანობაში წარმატებები უსურვა.
 
 გურჯაანში საკრებულოს პირველი სხდომა გაიმართა.
დღეს გურჯაანის მუნიციპალიტეტის ახლად არჩეული საკრებულოს პირველი სხდომა გაიმართა. სხდომა გურჯაანის საოლქო კომისიის თავჯდომარემ ნატალია ბეგაშვილმა გახსნა.