გურჯაანის მუნიციპალიტეტი სიახლეები » გვერდი 31 » გურჯაანის მუნიციპალიტეტი
 
მუნიციპალიტეტის ხელმძღვანელებმა უხუცეს კალაურელ ნიკოლოზ ქევხიშვილს 100 წლის იუბილე მიულოცეს გურჯაანის მუნიციპალიტეტის გამგებელმა გია გერგიძემ და საკრებულოს თავმჯდომარემ ვანო ბერიძიშვილმა ადგილობრივი ხელისუფლების წარმომადგენლებთან ერთად კალაურელ ნიკოლოზ ქევხიშვილს 100 წლის იუბილე მიულოცეს. იუბილარს მუნიციპალიტეტის ხელმძღვანელებმა საჩუქრად სიმბოლური თანხა გადასცეს, ხოლო სოფლის ადმინისტრაციამ უხუცესი ხმლით დაასაჩუქრა.
ნიკალა პაპამ სტუმრეთან საკუთარი ბავშვობა, სტუდენტობა, მეორე მსოფლიო ომში გადატანილი ისტორიები და საქართველოდან გადასახლების პერიოდის ამბები გაიხსენა. ნილოლოზ ქევხიშვილი კალაურში ყველაზე უხუცესია, ის თავს მხნედ გრძნობს და სურს საკუთარი ცხოვრებისეული გამოცდილება შთამომავლობას გაუზიაროს. მას ორი შვილი, სამი შვილიშვილი და ორი შვილთაშვილი ჰყავს.
 
პრემიერ-მინისტრმა ველისციხეში ახალი ღვინის ქარხანა გახსნა საქართველოს პრემიერ-მინისტრმა ირაკლი ღარიბაშვილმა სოფელ ველისციხეში ახალი ღვინის ქარხანა „კახეთის ტრადიციული მეღვინეობა“ გახსნა. საწარმოს გახსნას საქართველოს სოფლის მეურნეობის და ფინანსთა მინისტრები, ასევე ადგილობრივი ხელისუფლების წარმომადგენლები ესწრებოდნენ.
პრემიერმა კომპანიას წარმატებები უსურვა და სტუმრებთან ერთად ქარხანა დაათვალიერა.
ველისციხის ღვინის ქარხნის მშენებლობა აგრო კრედიტის ფარგლებში მარტის თვეში დაიწყო და დღეისთვის უკვე აწარმოებს ყურძნის ჩაბარებას. ქარხანა ევროპული სტანდარტების დანადგარებით არის აღჭურვილი, სადაც 100 - მდე ადამიანი დასაქმდება. კომპანიამ იაფი კრედიტის ფარგლებში სახელმწიფოსგან 600 ათასი დოლარის სუბსიდია მიიღო.
წელს ველისციხის ახალი ქარხანა 5 ათას ტონამდე სხვადასხვა ჯიშის ყურძნის ჩაბარებას გეგმავს.
 
სოფელ კაჭრეთში ახალი წყლის ჭაბურღილი ჩაირთოგურჯაანის მუნიციპალიტეტის გამგებალი გია გერგიძე და საკრებულოს თავმჯდომარე ვანო ბერიძიშვილი სოფელ კაჭრეთში ახალი წყლის ჭაბურღილის ჩართვის პროცეს დაესწრნენ.
ახალი ჭაბურღილის მოწყობა რეგიონებში განსახორციელებელე პროექტების ფონდიდან დაფინანსდა, რისთვისაც 89 990 ლარი დაიხარჯა. პროექტის ფარგლებში მოეწყო ჭაბურღილი, დაიდგა 2 -16 ტონიანი ავზი, დამონტაჟდა ტუმბო და მოეწყო ახალი შიდა საუბნო ქსელი. ახალი ჭაბურღილიდან წყალს დაახლოვებით 200 ოჯახი მიიღებს.
წყალი ქსელში დასუფთავების შემდეგ გაეშვება.
სამუშაოები ტენდერში გამარჯვებულმა შპს „გეოკორმა“ შეასრულა.
 
დღეს გურჯაანის მუნიციპალიტეტის გამგეობა წინასაარჩევნო სააგიტაციო მასალების ნარჩენებისგან დასუფთავების აქციას შეუერთდა, რომელიც ქალაქ გურჯაანსა და ყველა სოფელში ერთდროულად გაიმართა.
 
გურჯაანის ბავშვთა და მოზარდთა ქორეოგრაფიული ანსამბლი "ცერული I"ჩეხეთსა და პოლონეთში გამართულ საერთაშორისო ფოლკლორულ ფესტივალიდან გამარჯვებული დაბრუნდა.
 
გურჯაანის მუნიციპალიტეტში მოსახლეობისთვი წყლის დარიგება გრძელდებაკახეთში ძლიერი გვალვის გამო გურჯაანის მუნიციპალიტეტის სოფლებში შექმნილი წყალმომარაგების პრობლემა კვლავ მწვავედ დგას. მუნიციპალიტეტის გამგეობა სოფლებში, იმ უბნების მოსახლეობას, რომელთაც წყალი არ მიეწოდება სპეციალური ტრანსპორტით ამარაგებს.
დღეს წყალი სოფელ ველისციხის, ჭანდრის, კოლაგის და კარდენახის მოსახლეობამ მიიღო..
გურჯაანში წყლის დარიგება კახეთის გუბერნატორის ირაკლი შიოლაშვილის ინიციატივით რამდენიმე დღეა რაც მიმდინარეობს და პროცესი იქამდე გაგრძელდება სანამ მოსახლეობას წყლის მიწოდება აღუდგება.
 
სოფელ ველისციხეში წყლის მიწოდება კიდევ რამდენიმე უბანს აღუდგადღეს სოფელ ველისციხეში წყლის მიწოდება კიდევ რამდენიმე უბანს აღუდგა. გურჯაანის მუნიციპალიტეტის გამგებლმა გია გერგიძემ და საკრებულოს თავმჯდომარემ ვანო ბერიძიშვილმა თავად შეამოწმეს როგორ მიეწოდება მოსახლეობას სახლებში წყალი.
სოფელ ველისციხეში ძლიერი გვალვის გამო რამდენიმე უბანი სასმელი წყლის გარეშე დარჩა. წყლის სათავე ნაგებობაში არასაკმარისი დებეტის გამო სოფლის წყალმომარაგება არსებული 32 ჭაბურღილიდან ხორციელდება, თუმც არსებობს უბნები სადაც წყლის მიწოდება ქსელით ვერ ხერხდება. გამომდინარე იქიდან, რომ მოკლე ვადაში შეუძლებელი იყო ახალი წყლის ჭაბურღილის მოწყობა, პრობლემის გადასაჭრელად მუნიციპალიტეტის გამგებლის გადაწყვეტილებით არსებულ ორ ჭაბურღილზე მოეწყო ტუმბო, დამონტაჟდა რეზერვუარები და გაკეთდა უბნებამდე მისასვლელი ქსელები. ახალი ქსელებით წყალი რამდენიმე დიდ უბანს მიეწოდება. იმ უბნებში კი, სადაც მოსახლეობა კვლავ წყლის გარეშეა დარჩენილი გამგეობა მათ სასმელ წყალს სპეციალური ტრანსპორტით ურიგებს.
 
მუნიციპალიტეტის გამგეობა მოსახლეობას წყლით ამარაგებსგურჯაანის მუნიციპალიტეტის გამგეობა სოფელ გურჯაანში იმ უბნების მოსახლეობას, რომელთაც ძლიერი გვალვის გამო მაგისტრალებით წყალი ვერ მიეწოდება ცისტერნებით ამარაგებს.
იგივე აქცია პარალელურად ზემო კაჭრეთშიც მიმდინარეობს.
დღესვე იგეგმება სოფელ მუკუზნის, კარდენახის და ველისციხის მოსახლეობის წყლით მომარაგება.
არსებული პრობლემები ძლიერმა გვალვამ გამოიწვია, რის გამოც რამდენიმე სოფლის წყლის სათავე ნაგებობაში დაშრა წყალი. დღეისათვის სოფლები ძირითადად არსებული ჭაბურღილებით მარაგდება, მაგრამ არსებობს უბნები სადაც მაგისტრალებით წყლით მომარაგება ვერ ხორციელდება და მოსახლეობა წყლის გარეშეა დარჩენილი.
 
პროექტი „წიგნი ყველა სოფელს“ გურჯაანში14 აგვისტოს, 13 საათზე გურჯაანის ცენტრალურ ბიბლიოთეკას პროექტის „წიგნი ყველა სოფელს“ ფარგლებში „მოსიარულე ბიბლიოთეკა“ ესტუმრება. პროექტის ფარგლებში გურჯაანის ცენტრალურ, სოფელ ვეჯინის და ვაჩნაძიანის ბიბლიოთეკებს წიგნები გადაეცემათ.
პროექტი „წიგნი ყველა სოფელს“ არასამთავრობო, სახელმწიფო, საქართველოს საპატრიარქოს, კერძო სექტორის, ორგანიზაცია „სტუდენტური ერთიანობის“ და „წიგნის მეგობრობის “ ინიციატივით იმართება. პროექტის ფარგლებში შეგროვდა წიგნები, რომელიც საქართველოს რეგიონების ცენტრალურ და სოფლის ბიბლიოთეკებს გადაეცემათ. პროექტი რეგიონებსა და სოფლებში წიგნის პოპულარიზაციას ისახავს მიზნად.
პროექტი „წიგნი ყველა სოფელს“ 14 აგვისტოს კახეთიდან იწყება.
 
ვაჩნაძიანის გომართის ეკლესიას (XII-XIII სს) რეაბილიტაცია ჩაუტარდა.ვაჩნაძიანის გომართის ეკლესიას (XII-XIII სს) რეაბილიტაცია ჩაუტარდა. ის არის არქიტექტურული კომპლექსი რომელშიც შედის დარბაზული ტიპის ეკლესია, გალავანი, სატრაპეზო და კარიბჭე.
ეკლესია ძალიან იყო დაზიანებილი და არსებობდა დანგრევის საფრთხე.
2013 წელს გურჯაანის მუნიციპალიტეტის გამგეობის შუამდგომლობით ეკლესიას კულტურული მემკვიდრეობის ძეგლის სტატუსი მიენიჭა და საქველმოქმედო ფონდ “ქართუს“ დაფინანსებით რეაბილიტაცია ჩაუტარდა. ვაჩნაძიანის გომართს პირვანდელი სახე დაუბრუნდა.