გურჯაანის მუნიციპალიტეტში დასუფთავების აქცია მოეწყოგურჯაანის მუნიციპალიტეტის მასშტაბით დასუფთავების აქცია მოეწყო, რომელშიც მონაწილეობა მიიღეს მუნიციპალიტეტის მერიის და საკრებულოს თანამშრომელებმა. ქალაქ გურჯაანში სანაპიროს და წმინდა ნინოს ქუჩებზე მიმდინარე დასუფთავების აქციაში მონაწილეობა მიიღეს გურჯაანის მუნიციპალიტეტის მერმა არჩილ ხანდამაშვილმა, მერის პირველმა მოადგილემ სიმონ ქოჩორაშვილმა, მერის მოადგილემ ნიკოლოზ გეთიაშვილმა და საკრებულოს თავმჯდომარის მოადგილემ გია შაოშვილმა.
 
 შშმ პირთა ოჯახის წევრთა გაძლიერების პროექტი დაიწყო.საქართველოს რეგიონებში შეზღუდული შესაძლებლობების მქონე პირების ოჯახის წევრების გაძლიერების პროექტი დაიწყო. ორგანიზაცია „ხელი ხელს“ და შვეიცარიული ასოციაცია „Meet-Train Encourage / შეხვდი-ასწავლე-წაახალისე“-ს ინიციატივით, გურჯაანის მუნიციპალიტეტის შენობის მცირე დარბაზში, შშმ პირებისა და მათი მშობლებისთვის ხუთ დღიანი შეხვედრა-ტრენინგი იმართება, რომელიც პარასკევს დასრულდება.
 
გურჯაანელი სპორტსმენებმა მორიგ წარმატებას მიაღწიეს. საქართველოს პირველობაზე კრივში ვეჯინის წმინდა გიორგის სახელობის კრივის სკოლის მოსწავლეებმა - ოთარ ჩახვაშვილმა 60 კგ წონით კატეგორიაში მეორე ადგილი დაიკავა და ვერცხლის მედალი დაიმსახურა, ხოლო 52 კგ. წონით კატეგორიაში ნიკა თვალმიხელაშვილმა და 57 კგ. წონაში საბა ჭანყოშვილმა მესამი ადგილი დაიკავეს და ბრინჯაოს მედლები მოიპოვეს.
 
გურჯაანის საბიბლიოთეკო გაერთინებამ 177 დასახელების 649 ახალი წიგნი შეიძინა, რომელიც გურჯაანის შოთა რუსთაველის სახელობის ცენტრალურ და მუნიციპალიტეტის 12 სოფლის ბიბლიოთეკაში გადანაწილდება.
საბიბლიოთეკო გაერთიანება მიმდინარე წელს დამატებით კიდევ აპირებს როგორც მხატვრული ისე დარგობრივი ლიტერატურის შეძენას.
 
გურჯაანის მუნიციპალიტეტის თვითმართველობის თანამშრომლები „უთვალავი წინდის“ იდეას და კამპანიას #წინდამინდა შეუერთდნენ. 21 მარტი დაუნის სინდრომის მსოფლიო დღეა! მეგობრები არ ითვლიან ქრომოსომებს! ☀
 
მერმა საბავშვო ბაღებში სამზარეულოების მდგომარეობა შეამოწმადღეს გურჯაანის მუნიციპალიტეტის მერი არჩილ ხანდამაშვილი მოულოდნელად მუნიციპალიტეტის რამდენიმე საბავშვო ბაღს ესტუმრა და სამზარეულოებში არსებული მდგომარეობა შეამოწმა. როგორც ვაჩნაძიანის, ვაზისუბნის, შაშიანის, ჩუმლაყის, კალაურის #1 და #2 საბვშვო ბაღების შემოწმებისას აღმოჩნდა, აღნიშნულ ბაღებში სამზარეულოები სტანდარტებს აკმაყოფილებს, თუმც არსებობს ხარვეზებიც. ბაღები უზრუნველყოფილია წყლით, მოწესრიგებულია სავენტილაციო სისტემა, იატაკები შეესაბამება მოთხოვნილ სტანდარტებს, დაცულია ჰიგიენური ნორმები. კოსმეტიკურ რემონტს საჭიროებს შაშიანის და ჩუმლაყის საბავშვო ბაღების სამზარეულოები. გურჯაანის მუნიციპალიტეტში სულ 37 საბავშვო ბაღია.
 
რკინიგზის გადასასვლელების მოწყობისა და მომსახურეობის ინსტრუქციის თანახმად შემოუღობავი რკინიგზის მიწის ვაკისიდან 300-მ -ზე ნებადართულია მხოლოდ დაბმული საქონლის ძოვება და გადარეკვა, ხოლო რკინიგზის ლიანდაგიდან 200 მ-მდე დაშორებით პირუტყვი უნდა იმყოფებოდეს ზედამხედველობის ქვეშ.

აღნიშნული წესების დარღვევა რეგულირდება საქართველოს ადმინისტრაციული სამართალდარღვევათა კოდექსისი მე-10 თავის 106 -ე მუხლით, რომელიც გულისხმობს მოქალაქეთა გაფრთხილებას და დაჯარიმებას შრომის ანაზღაურების ნახევარ მინიმალურ ოდენობამდე, თანამდებობის პირთა გაფრთილებას ან დაჯარიმებას შრომის ანაზღაურების ერთიდან ორ მინიმალურ ოდანობამდე.

გთხოვთ, გამოიჩინოთ ყურადღება და დაიცვათ წესები!
 
ბულინგის თემაზე მოსწავლეებთან შეხვედრა მოეწყოგურჯაანის მუნიციპალიტეტის საკრებულოს გენდერული თანასწორობის საბჭოს ინიციატივით, შოთა რუსთაველის სახელობის ცენტრალური ბიბლიოთეკის სამკითხველო დარბაზში, მოსწავლეებისთვის შეხვედრა მოეწყო, რომლის ფარგლებშიც განხილულ იქნა მოზარდებში ბულინგის პრობლემა.
 
„World Vision“ - ის საჩუქრები საბავშვო ბაღებს.დღეს გურჯაანის მუნიციპალიტეტის 5 საბავშვო ბაღს - შაშიანის, ვაზისუბნის, ვაჩნაძიანის, კალაურის N1 და N2 საბავშვო ბაღებს, არასამთავრობო ორგანიზაცია „World Vision“-მა საჭირო ინვენტარი გადასცა. საბავშვო ბაღებს, აღსაზრდელების რაოდენობის გათვალისწინებით, მაგიდები და სკამები გადაეცათ, რომელიც სტანდარტების შესაბამისად ბავშვთა ასაკობრივი ჯგუფების მიხედვითაა შერჩეული. ასევე, ყველა ჯგუფს გადაეცა გამყოფი თაროები. საბავშვო ბაღებს საჩუქრები სამხარეო განვითარების პროგრამის ხელმძღვანელმა ნანა ათუაშვილმა, მუნიციპალიტეტის მერთან არჩილ ხანდამაშვილთან, მერის მოადგილე ნიკოლოზ გეთიაშვილთან და სკოლამდელი სააღმზრდელო დაწესებულების ხემძღვანელ ლელა თევდორაშვილთან ერთად გადასცა.
 
16 მარტიდან 1 აპრილის ჩათვლით კახეთში, საქართველოს ეკონომიკისა და მდგრადი განვითარების სამინისტროს სსიპ ტურიზმის ეროვნული ადმინისტრაციის ინიციატივით, „ფასდაკლებების კვირეული'' იმართება. კვირეულს გურჯაანის მუნიციპალიტეტის სამუზეუმო გაერთიანებაც უერთება და 16 დან 1 აპრილის ჩათვლით მუნიციპალიტეტში არსებული 5 მუზეუმი ვიზიტორებისტვის უფასო იქნება.

 ნატო ვაჩნაძის სახელობის მუზეუმი (სოფელი გურჯაანი);

 იოსებ ნონეშვილის სახელობის მუზეუმი (სოფელი კარდენახი);

 ივ.ბერიტაშვილის სახელობის მუზეუმი (სოფელი ვეჯინი);

 გიორგი მაისურაძის ისტორიის მუზეუმი (სოფელი ვაჩნაძიანი) ;

 საბრძოლო დიდების მემორიალური მუზეუმი (ქალაქი გურჯაანი);

მუზეუმები დამთვალიერებლებისთვის ღიაა ყოველდღე 10:00 -დან 17: 00 საათამდე, გარდა ორსაბათისა.