განმარტება - ტელეკომპანია რუსთავი2-ის ეთერში გასული სიუჟეტი სიმართლეს არ შეესაბამება

„გუშინ ტელეკომპანია რუსთავი 2-ის გადაცემა P.S-ში გასულ სიუჟეტში დასახელებული რამდენიმე ფაქტი, რომელიც გურჯაანის მუნიციპალიტეტს ეხებოდა, სიმართლეს არ შეესაბამება“.
საკითხები ეხება ქალაქ გურჯაანისა და სოფელ ზიარის დამაკავშირებელ გზასა და მერის მოადგილეების უწინდელ სამუშაო პოზიციებს გურჯაანის გამგეობაში.
პირველი საკითხის განხილვისას რუსთავი 2-ის სიუჟეტის შინაარსში დაშვებულია ფაქტობრივი შეცდომები, რომლის თაობაზეც მოსახლეობას გვინდა მივაწოდოთ რეალური ინფორმაცია.
2015 წლის სექტემბერში გამოცხადდა ტენდერი სოფელ ზიარისა და ქ.გურჯაანის დამაკავშირებელი გზის რებილიტაციისთვის საპროექტო-სახარჯთაღრიცხვო დოკუმენტაციის შედგენის მომსახურებაზე. ტენდერში მონაწილეობა მიიღო სამმა კომპანიამ: შპს ‘არქიტრავი-XXI’, ჰიდროგეოდეზიური ცენტრი და შპს „ხალი“. ვაჭრობის შედეგად ტენდერში გამარჯვებულად გამოცხადდა შპს „ხალი“, რომლის შეთავაზებული წინადადებაც 22349.00 ლარს შეადგენდა.
როგორც მოგეხსენებათ, საჯარო პროექტების განხორციელებისთვის, თავდაპირველად საჭიროა საპროექტო დოკუმენტაციის შექმნა, მისი წინასწარ მომზადება და დეტალური ხარჯთაღრიცხვის შედგენა, რათა საბიუჯეტო თანხები გეგმაზომიერად და სწორად დაიხარჯოს. შპს „ხალის“ მიერ ტენდერით გათვალისიწინებულ ვადებში მოხდა გურჯაანი-ზიარის დამაკავშირებელი გზის რეაბილიტაციისთვის საჭირო ხარჯთაღრიცხვის შედგენა და წარედგინა დამკვეთს. ინფრასტრუქუტურული პროექტის საერთო ღირებულებამ შეადგინა 800 000 ლარი. 121 გვერდიან დოკუმენტში დეტალურად არის აღწერილი სარეაბილიტაციო უბნებსა და მონაკვეთებზე ჩასატარებელი სამუშაოების ხარჯთაღრიცხვა.
2018 წლიდან გურჯაანის მერია გეგმავს დამატებითი თანხების მობილიზებისთვის საჭირო სამუშაოების ჩატარებას, რათა გურჯაანი-ზიარის გზის რეაბილიტაცია უმოკლეს ვადებში განხორციელდეს.
სიუჟეტში გახმაურებული მეორე თემა, რომელიც გურჯაანის მერის მოადგილის წარსულში, ოთხი წლის განმავლობაში შიდა აუდიტის სამსახურის უფროსად საქმიანობას ეხებოდა, ასევე არ შეესაბამება სინამდვილეს. გურჯაანის მერის ორი მოადგილიდან არცერთი მუშაობდა გურჯაანის მუნიციპალიტეტის გამგეობის შიდა აუდიტში.




სახელი:*
E-Mail:*
კომენტარი:*
მუქი დახრილი ტექსტი ხაზგასმული ტექსტი აღნიშნული ტექსტი | მარცხნივ განთავსება ცენტრში მარჯვნივ განთავსება | სმაილების ჩასმა აირჩიეთ ფერი | ტექსტის დაფარვა ციტატის ჩასმა მონიშნული ტექსტის კირილიკურში გადაყვანა ჩასვით სპოილერი