გურჯაანში მეორე მსოფლიო ომში გამარჯვების დღე აღინიშნა

დღეს გურჯაანში ფაშიზმზე გამარჯვების დღე აღინიშნა. მეორე მსოფლიო ომში გამარჯვების დღისადმი მიძღვნილი ღონისძიება დიდების მემორიალის ტერიტორიაზე გაიმართა.

გურჯაანის მუნიციპალიტეტის მერმა არჩილ ხანდამაშვილმა, გურჯაანის მაჟორიტარმა დეპუტატმა დავით სონღულაშვილმა, კახეთის მხარეში სახელმწფო რწმუნებულმა ირაკლი ქადაგიშვილმა და საკრებულოს თავმჯდომარემ ვანო ბერიძიშვილმა ადგილობრივი ხელისუფლების სხვა წარმომადგენლებთან ერთად გვირგვინებით შეამკეს უცნობი ჯარისკაცის საფლავი და დიდების მემორიალი.

„ მეორე მსოფლიო ომში ძალიან მნიშვნელოვანია ქართველების, იმ ადამიანების როლი, რომლებმაც უზარმაზარი წვლილი შეიტანეს ამ გამარჯვებაში. გურჯაანში მეორე მსოფლიო ომის მონაწილე 10 ვეტერანი გვყვავს, რომლებსაც საჩუქრად გადავეცით 300 ლარი. მინდა ყველა ვეტერანს მადლობა გადავუხადო იმ თავდადებისთვის, მივულოცო დღევნდელი დღე და ჯანმრთელობა ვუსურვო. “ - განაცხადა გურჯაანის მუნიციპალიტეტის მერმა არჩილ ხანდამაშვილმა.

„დიდების საბრძოლო მემორიალურ“ მუზეუმში ომის თემაზე წარმოდგენილი იყო ექსპოზიციები და ღია ცის ქვეშ მოეწყო ფოტოგამოფენა . ამფი თეატრის სცენაზე, სკოლის მოსწავლეებმა და ფოლკლორული ანსამბლის წევრებმა წარმოადგინეს კომპოზიციები ქართული მხატრული ფილმებიდან - „ღიმილის ბიჭები“ და „ჯარისკაცის მამა “. ფოლკოლორული ანსამბლების მონაწილეობით გაიმართა კონცერტი.




სახელი:*
E-Mail:*
კომენტარი:*
მუქი დახრილი ტექსტი ხაზგასმული ტექსტი აღნიშნული ტექსტი | მარცხნივ განთავსება ცენტრში მარჯვნივ განთავსება | სმაილების ჩასმა აირჩიეთ ფერი | ტექსტის დაფარვა ციტატის ჩასმა მონიშნული ტექსტის კირილიკურში გადაყვანა ჩასვით სპოილერი