გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ორგანიზებით, სპორტის 6 სახეობაში, სასკოლო სპარტაკიადა დაიწყო. სპარტაკიადის ფარგლებში პირველი ტურნირი მინი ფეხბურთში გაიმართა, რომლის გამარჯვებულიც სოფელ ბაკურციხის საჯარო სკოლის გუნდი გახდა. ბაკურციხე ფინალში ვაჩნაძიანის საჯარო სკოლის გუნდს დაუპირისპირდა, ანგარიშით 9:1 დაამარცხა და მუნიციპალიტეტის მერიის მიერ დაწესებულ თასს დაეუფლა, ფეხბურთელებს კი მედლები და დიპლომები გადაეცათ. მეორე ადგილზე სოფელ ვაჩნაძიანის, მესამეზე კი ქ.გურჯაანის #1 საჯარო სკოლის გუნდები გავიდნენ. სამივე საპრიზო ადგილზე გასულ გუნდს საჩუქრად ფეხბურთის ბურთები გადაეცათ. სასკოლო სპარტაკიადა კიდევ ხუთ სახეობაში - კალათბურთში, ფრენბურთში, მაგიდის ჩოგბურთსა და ბადმინტონში გაიმართება.
 
გურჯაანის მუნიციპალიტეტში პროექტები „ბავშთა ნევროლოგიური მომსახურების უახლესი მეთოდოლოგიების დანერგვა და მათი ფუნქციონირების ხელშეწყობა“ და „3 დან 6 წლამდე ასაკის ბავშვთა და მშობელთა მომსხურების დანერგვა“ იწყება.

პროექტების ფარგლებში მუნიციპალიტეტში მცხოვრებ 3 დან 6 წლამდე ასაკის ბავშვებს, ნევროლოგიის და ნეიროფსიქოლოგიის ინსტიტუტიდან მოწვეული ფსიქოლოგები და ექიმი-ნევროლოგები, უფასო კონსულტაციებს ჩაუტარებენ.
 
11 მაისს, გურჯაანის მერიის ადმინისტრაციულ შენობაში ენერგოომბუდსმენის წარმომადგენელმა სოფიო აივაზაშვილმა შეხვედრა გამართა. შეხვედრაზე გურჯაანის მუნიციპალიტეტში ელექტროენერგეტიკის, ბუნებრივი გაზით მომარაგების და წყალმომარაგების სფეროში არსებულ პრობლემებზე და მათი გადაჭრის გზებზე ისაუბრეს. სოფიო აივაზაშვილმა აუდიტორიას საზოგადოებრივი დამცველის ფუნქციების და მომხმარებელთა უფლებების შესახებ მიაწოდა ინფორმაცაი და არსებული პრობლემების აღმოფხვრაში ჩართულობა შესთავაზა. შეხვედრა კითხვა- პასუხის რეჟიმში წარიმართა. მას გურჯაანის მუნიციპალიტეტის მერის მოადგილე სიმონ ქოჩორაშვილი, ადმინისტრაციული სამსახურის უფროსი შორენა ნადაშვილი, ადმინისტრაციულ ერთეულებში მერის წარმომადგენლები, ადგილობრივი ხელისუფლების სხვა წარმომადგენლები და მოქალაქეები დაესწრნენ.
 
გურჯაანის ცენტრალური ბიბლიოთეკის სამკითხველო დარბაზში,მუნიციპალიტეტის საჯარო სკოლებს შორის, ინტელექტუალური თამაშის "რა? სად? როდის?" საგაზაფხულო, მე-12 სერიის მეოთხე ტური გაიმართა. ოთხი ტურის შემდეგ ფინალში, ჯამური საუკეთესო ქულების მქონე, ხუთი სკოლის გუნდი ითამაშებს. ესენი არიან - ბაკურციხის საჯარო სკოლა "Seen✓", ქ.გურჯაანის მე-4 საჯარო სკოლა "Sahasrāra", ქ.გურჯაანის #1 საჯარო სკოლა "ფენიქსის ორდენი", ქ.გურჯანის მე-2 საჯარო სკოლა "კრეაწივი" და ჭანდრის საჯარო სკოლა "პიგმაLion" .

 
გურჯაანმა ანიმაციური ფილმების საერთაშორისო ფესტივალს „ექო-თოფუზი"-ის უმასპინძლა, რომელიც ორი დღის განმავლობაში მიმდინარეობდა. დღეს, ფესტივალის ფარგლებში, ქალაქის ქუჩებში მოეწყო " ბარაბან- შოუ", შემდეგ კი, კულტურის ცენტრის დარბაზში, ანიმაციური ფილმების ჩვენება გაიმართა. მაყურებელმა ის ანიმციური რგოლიც იხილა, რომელიც გურჯაანელმა ბავშვებმა გუშინ, ანიმაციის „ვორქშოფ“-ზე შექმნეს. ეს ბავშვები, საერთაშორისო ფესტივალის „ექო-თოფუზის“ დასკვნით ღონისძიებაში მიიღებენ მონაწილეობას, რომელიც ოქტომბერში, ბათუმში გაიმართება.
 
დღეს გურჯაანის სამუსიკო სკოლაში ღონისძიება - „სცენაზე მხოლოდ ვაჟები“ გაიმართა, რომელშიც მონაწილეობა გურჯაანის, საგარეჯოს, ყვარლის, ლაგოდეხის და სიღნაღის სამუსიკო სკოლების ვაჟმა მოსწავლეებმა მიიღეს.

კონცერტს გურჯაანის მუნიციპალიტეტის მერი არჩილ ხანდამაშვილი და მერიის კულტურის, განათლების, სპორტის და ახალგაზრდულ საქმეთა სამსახურის უფროსი ეკა ცისკარაშვილი თანამშრომლებთან ერთად დაესწრნენ.

სამუსიკო სკოლების გაერთიანების ხელმძღვანელის რუსუდან ჩიტაურის განცხადებით, ასეთი მუსიკალური მეგობრული შეხვედრა-კონცერტი ტრადიცულ სახეს მიიღებს.
 
დღეს, გურჯაანის კულტურის ცენტრში ფესტივალის ფარგლებში, სამხატრო სკოლის მოსწავლეებისთვის, ანიმაციის „ ვორქშოფი“ გაიმართა. ბავშვები გაეცნენ ეტაპებს, თუ როგორ იქმნება ანიმაციური ფილმი და თავადაც შექმნეს პატარა ანიმაცია. ხვალ კი, „ექო-თოფუზის“ ფარგლებში, 14 :00 საათზე , ქალაქის ქუჩებში " ბარაბან- შოუ" მოეწყობა, რომლის შემდეგაც,კულტურის ცენტრის დარბაზში, ანიმაციური კინოჩვენება გაიმართება.

გურჯაანში ფესტივალი „ექო-თოფუზი“, გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის მხარდაჭერით იმართება.
 
დღეს გურჯაანში ფაშიზმზე გამარჯვების დღე აღინიშნა. მეორე მსოფლიო ომში გამარჯვების დღისადმი მიძღვნილი ღონისძიება დიდების მემორიალის ტერიტორიაზე გაიმართა.

გურჯაანის მუნიციპალიტეტის მერმა არჩილ ხანდამაშვილმა, გურჯაანის მაჟორიტარმა დეპუტატმა დავით სონღულაშვილმა, კახეთის მხარეში სახელმწფო რწმუნებულმა ირაკლი ქადაგიშვილმა და საკრებულოს თავმჯდომარემ ვანო ბერიძიშვილმა ადგილობრივი ხელისუფლების სხვა წარმომადგენლებთან ერთად გვირგვინებით შეამკეს უცნობი ჯარისკაცის საფლავი და დიდების მემორიალი.

 
დღეს გურჯაანის მუნიციპალიტეტის მერი არჩილ ხანდამაშვილი, მოადგილესთან ნიკოლოზ გეთიაშვილთან, საკრებულოს თავმჯდომარესთან ვანო ბერიძიშვილთან და ადგილობრივი ხელისუფლების სხვა წარმომადგენლებთან ერთად სოფელ ვეჯინში ღვინის მარნის და საოჯახო ტიპის სასტუმროს „ შატო ხარიტონას“ გახსნას დაესწრო.

 
გურჯაანის მუნიციპალიტეტის მერიამ და ა(ა)იპ გურჯაანის სამუზეუმო და საბიბლიოთეკო გაერთიანებამ დიდების მემორიალზე განთავსებული ჯიხურები, რომელიც მოსახლობამ დააზიანა, აღადგინა.

დღეს გურჯაანის მუნიციპალიტეტის მერმა არჩილ ხანდამაშვილმა, მოადგილესთან სიმონ ქოჩორაშვილთან და საკრებულოს თავმჯდომარესთან ვანო ბერიძიშვილთან ერთად სამუშაოები ადგილზე მოინახულა.