გურჯაანის მუნიციპალიტეტი აცხადებს ელექტრონულ
ა უ ქ ც ი ო ნ ს N2

აუქციონის დაწყება - დამთავრება 21.05.2018წ. 17:00 - 19.06.2018წ. 15:00

1) ელექტრონულ აუქციონზე, პრივატიზების მიზნით, გამოტანილია მუნიციპალიტეტის საკუთრებაში არსებული, შენობა-ნაგებობები:

ა) სოფელ ვაჩნაძიანში მდებარე შენობა-ნაგებობა, ყოფილი კულტურის სახლი - ს.კ. 51.02.58.104, შენობის ფართი - 2901,3კვმ, მიმაგრებული არასასოფლო-სამეურნეო დანიშნულების მიწა - 7333,0კვმ.
- ქონების საწყისი საპრივატიზებო ფასი - 102 589 (ას ორი ათას ხუთას ოთხმოცდა ცხრა) ლარი. (შენობის ღირებულება - 51 698,0 (ორმოცდა თერთმეტი ათას ექვსას ოთხმოცდა თვრამეტი) ლარი, მიწის ღირებულება - 50 891,0 (ორმოცდა ათი ათას რვაას ოთხმოცდა თერთმეტი) ლარი.)
- „ბე“ შეადგენს საწყისი საპრივატიზაციო ფასის 20%-ს - 20 518 (ოცი ათას ხუთას თვრამეტი) ლარი. სავაჭრო ბიჯი - საწყისი ფასის 5% - 5 130 (ხუთი ათას ას ოცდა ათი) ლარი.
ობიექტის აღწერილობა:
შენობა ამორტიზებულია, დაზიანებულია სახურავი, ჩამოედინება ბუნებრივი ნალექი, რის გამოც დაზიანებულია სამივე სართული. შენობას არ გააჩნია კარ-ფანჯარა.
 
"მოდი ღამე მუზეუმი"-ს პროექტის ფარგლებში, 19 მაისს, გურჯაანის მუნიციპალიტეტის ტერიტორიაზე არსებული ყველა მუზეუმი 10:00 საათიდან 01:00 საათამდე დამთვალიერებს უფასოდ მოემსახურა.
გურჯაანის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა სამსახურის და ა(ა)იპ "საბიბლიოთეკო და სამუზეუმო გაერთიანების" ორგანიზებით, ეს დღე განსაკუთრებულად აღინიშნა სოფელ კარდენახში, იოსებ ნონეშვილის მუზეუმში. ღია ცის ქვეშ გაიმართა ფოლკლორული ანსამბლი "ხარება"-ს კონცერტი, კოცონთან მოეწყო პოეზიის საღამო, სტუმრებს საშუალება ჰქონდათ დაეთვალიერებინათ საქართველოს დამოუკიდებლობის 100 წლისთავისადმი მიძღვნილი გამოფენა და ეხილათ დამოუკიდებლობის დღისადმი მიძღვნილი დოკუმენტური ფილმი. სტუმრებს შესაძლებლობა ჰქონდათ დაეგემოვნებინათ ქვევრის ღვინო, მიერთვათ ჩაი და ეთამაშათ სამაგიდო თამაშები.
იოსებ ნონეშვილის მუზეუმში გამართულ ღონისძიებას სხვა სტუმრებთან ერთად, გურჯაანის მუნიციპალიტეტის მერი არჩილ ხანდამაშვილი ოჯახთან ერთად ესწრებოდა.

 
დღეს გურჯაანში, ნატო ვაჩნაძის სახლ-მუზეუმში, გურჯაანის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა სამსახურის ორგანიზებით ეროვნული სამოსის დღე ორიგინალურად აღინიშნა. ღონისძიებაზე მისულმა სტუმრებმა, ძველი ქართული ფილმებიდან გაცოცხლებული ეპიზოდები იხილეს. სახლ-მუზეუმის ეზოში მოეწყო გამოფენა, სადაც წარმოდგენილი იყო ნატო ვაჩნაძისა და ქართული ტრადიციული სამოსის ფოტო არქივი. მე-19 საუკუნის საქართველოში მოგზაურობასთან ერთად, სტუმრებს საშუალება ჰქონდათ დაეგემოვნებინათ ქვევრის კახური ღვინო. ღონისძიების ყველა სტუმარი ეროვნულ სამოსში იყო გამოწყობილი, მათ შორის გურჯაანის მუნიციპალიტეტის მერი არჩილ ხანდამაშვილი და მერის მოადგილე ნიკოლოზ გეთიაშვილი, ადგილობრივი თვითმართველობის სხვა წარმომადგენლებთან ერთად
 
დღეს, გურჯაანის მუნიციპალიტეტის სოფელ კაჭრეთში, გურჯაანის მაჟორიტარი დეპუტატის დავით სონღულაშვილის ინიციატივით და გურჯაანის მუნიციპალიტეტის მერიის მხარდაჭერით, „სამედიცინო კორპარაცია ევექსისის“ ექიმებმა მოსახლეობას უფასო სამედიცინო გამოკვლევები ჩაუტარეს. პაციენტებს დილიდან მაღალკვალიფიციურ კონსულტაციებს უწევდენენ "ევექსის" სხვადასხვა პროფილის ექიმი-სპეციალისტები - თერაპევტი, პედიატრი, ნევროლოგი, ენდოკრინოლოგი, ოკულისტი, ქირურგი, უროლოგი, ონკოლოგი (მამოლოგი), ოტორინოლარინგოლოგი, კარდიოლოგი და ნეიროქირურგი. ასევე, ჩაუტარდათ ექოსკოპიური კვლევები და ელექტროკარდიოგრაფია. უფასო სამედიცინო გამოკვლევები მუნიციპალიტეტის რამდენიმე სოფელში უკვე ჩატარდა და სხვა სოფლებშიც იგეგმება.
 
ჭადრაკში სასკოლო სპარტაკიადის გამარჯვებული ქ.გურჯაანის მე-4 საჯარო სკოლის გუნდი გახდა. გამარჯვებელი გუნდის წევრებს - დათა ყალაბეგაშვილს, ანი ჭყოიძეს და გიგი ჩოკოშვილს, გურჯაანის მუნიციპალიტეტის მერიის მიერ დაწესებული, მედლები და დიპლომები გადაეცათ. მეორე ადგილზე ქ.გურჯაანის მე-2, ხოლო მესამე ადგილზე სოფელ ჩუმლაყის საჯარო სკოლები გავიდნენ.
 
დღეს, გურჯაანის მუნიციპალიტეტის მერი არჩილ ხანდამაშვილი გურჯაანში, სოციალური საწარმოს „პურთა პურის“ გახსნას დაესწრო. საცხობი უსაფუარო, სვიაზე დამზადებულ, ეკოლოგიურად სუფთა პურს გამოაცხობს, რომელიც თავდაპირველად, მხოლოდ გურჯაანის მასშტაბით გაიყიდება. საწარმოში მარტოხელა მშობლები დასაქმდებიან. „მსგავსი სოციალური საწარმოების შექმნა ძალიან მნიშვნელოვანია. დარწმუნებული ვარ ბევრი მომხმარებელი ეყოლება მათ წარმოებულ ეკოლოგიურად სუფთა პროდუქტს.“ -განაცხადა გურჯაანის მუნიციპალიტეტის მერმა არჩილ ხანდამაშვილმა.
 
დღეს, გურჯაანის ცენტრალური ბიბლიოთეკის სამკითხველო დარბაზში ა(ა)იპ საბიბლიოთეკო და სამუზეუმო გაერთიანების ორგანიზებით, ბიბლიოთეკების კვირეულის ფარგლებში, საქართველოს დამოუკიდებლობის 100 წლისთავისადმი მიძღვნილი ღონისძიება გაიმართა. შეხვედრას საბიბლიოთეკო და სამუზეუმო გაერთიანების ორგანიზოტორი ლია გოდელაშვილი უძღვებოდა. აუდიტორიამ იხილა ანდრო ჭიაურელის დოკუმენტური ფილმი „ექვთიმე“. ფილმის ჩვენებამდე კი მოკლე ისტორიული მომოხილვა გააკეთა ისტორიკოსმა შოთა უტიაშვილმა. ღონისძიებას გურჯაანის მუნიციპალიტეტის საკრებულოს თავმჯდომარის მოადგილე გია შაოშვილი, საკრებულოს წევრები, პედაგოგები, მოსწავლეები, ბიბლიოთეკის ლიტერატურული სალონის წევრები და სხვა მოწვეული სტუმრები დაესწრნენ.
 
გურჯაანის მუნიციპალიტეტის სოფელ ვაჩნაძიანის ადმინისტრაციული ერთეულის წარმომადგენლობისა და სსიპ ვეტერანების საქმეთა სახელმწიფო სამსახურის კახეთის სამმართველოს ინიციტივით “პალატების” (სასახლის კომპლექსის) მიმდებარე ტერიტორია ბალახისგან და ეკალბარდისგან გაიწმინდა. აქციაში ადმინისტრაციულ ერთეულის წარმომადგენლებთან და ვეტერანებთან ერთად ადგილობრივმა მოსახლოებამ და ახალგაზრდებმა მიიღეს მონაწილეობა. კომპლექსის მიმდებარე ტეროტორიაზე დაირგო ხის ნერგები. სოფელ ვაჩნაძიანში მდებარე „პალატები“ (სასახლე) ეროვნული კატეგორიის კულტურული მემკვიდრეობის უძრავი ძეგლია, რომელიც IX ს თარიღდება.
 
გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ორგანიზებით, სპორტის 6 სახეობაში, სასკოლო სპარტაკიადა დაიწყო. სპარტაკიადის ფარგლებში პირველი ტურნირი მინი ფეხბურთში გაიმართა, რომლის გამარჯვებულიც სოფელ ბაკურციხის საჯარო სკოლის გუნდი გახდა. ბაკურციხე ფინალში ვაჩნაძიანის საჯარო სკოლის გუნდს დაუპირისპირდა, ანგარიშით 9:1 დაამარცხა და მუნიციპალიტეტის მერიის მიერ დაწესებულ თასს დაეუფლა, ფეხბურთელებს კი მედლები და დიპლომები გადაეცათ. მეორე ადგილზე სოფელ ვაჩნაძიანის, მესამეზე კი ქ.გურჯაანის #1 საჯარო სკოლის გუნდები გავიდნენ. სამივე საპრიზო ადგილზე გასულ გუნდს საჩუქრად ფეხბურთის ბურთები გადაეცათ. სასკოლო სპარტაკიადა კიდევ ხუთ სახეობაში - კალათბურთში, ფრენბურთში, მაგიდის ჩოგბურთსა და ბადმინტონში გაიმართება.
 
გურჯაანის მუნიციპალიტეტში პროექტები „ბავშთა ნევროლოგიური მომსახურების უახლესი მეთოდოლოგიების დანერგვა და მათი ფუნქციონირების ხელშეწყობა“ და „3 დან 6 წლამდე ასაკის ბავშვთა და მშობელთა მომსხურების დანერგვა“ იწყება.

პროექტების ფარგლებში მუნიციპალიტეტში მცხოვრებ 3 დან 6 წლამდე ასაკის ბავშვებს, ნევროლოგიის და ნეიროფსიქოლოგიის ინსტიტუტიდან მოწვეული ფსიქოლოგები და ექიმი-ნევროლოგები, უფასო კონსულტაციებს ჩაუტარებენ.
 
უკან წინ